ಹೋಟೆಲ್‍ಗಳಲ್ಲಿ ತಂಗಿರುವ ವಿದೇಶಿ ಪ್ರಜೆಗಳ ವಿವರಗಳನ್ನು ನೀಡದ ಹೋಟೆಲ್ ಗಳ ಮೇಲೆ ದಾಳಿ

              ಕೊಚ್ಚಿ: ಕೇರಳದಲ್ಲಿ ಅತಿಥಿಗಳಾಗಿ ತಂಗಿರುವ ವಿದೇಶಿ ಪ್ರಜೆಗಳ ವಿವರ ನೀಡದ ಹೋಟೆಲ್‍ಗಳ ಮೇಲೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.
         ಮಾಹಿತಿ ನೀಡದ ಹೋಟೆಲ್‍ಗಳ ವಿರುದ್ಧ ಎಮಿಗ್ರೇಷನ್ ಬ್ಯೂರೋ ಅಧಿಕಾರಿಗಳ ಸೂಚನೆ ಮೇರೆಗೆ ದಾಳಿ ನಡೆಸಲಾಗಿದೆ. ಬ್ಯೂರೋ ಆಫ್ ಎಮಿಗ್ರೇಷನ್ ಗೃಹ ಸಚಿವಾಲಯದ ಅಡಿಯಲ್ಲಿದೆ. ಇಂಟಲಿಜೆನ್ಸ್ ಬ್ಯೂರೋ ನೀಡಿದ ಮಾಹಿತಿ ಮೇರೆಗೆ ದಾಳಿ ನಡೆಸಲಾಗಿದೆ.
         ಅನೇಕ ವಿದೇಶಿಗರು ಧಾರ್ಮಿಕ ಮತಾಂತರ ಮತ್ತು ಇತರ ದುರುದ್ದೇಶದಿಂದ ಹೋಟೆಲ್‍ಗಳಲ್ಲಿ ತಂಗುತ್ತಾರೆ. ನೆಡುಂಬಸ್ಸೆರಿ ವಿಮಾನ ನಿಲ್ದಾಣದ ಪಕ್ಕದಲ್ಲಿರುವ ಅಣ್ಣಾ ರೆಸಿಡೆನ್ಸಿಯಲ್ಲಿ ನಡೆಸಿದ ದಾಳಿಯಲ್ಲಿ ಹಲವು ವಿದೇಶಿ ಪ್ರಜೆಗಳ ಪ್ರಯಾಣದ ವಿವರವನ್ನು ಕೊಚ್ಚಿ ಬ್ಯೂರೋ ಆಫ್ ಎಮಿಗ್ರೇಷನ್ ವಿಭಾಗಕ್ಕೆ ಹಸ್ತಾಂತರಿಸದಿರುವುದು ಕಂಡುಬಂದಿದೆ.. ವಿದೇಶಿಗರು ಬಂದರೆ ನಿಯಮಾನುಸಾರ ವಿವರಗಳನ್ನು ನೀಡಬೇಕು. ಹೋಟೆಲ್ ಅಥವಾ ಹೋಮ್ ಸ್ಟೇಯಲ್ಲಿ, ವ್ಯಕ್ತಿಯ ಮಾಹಿತಿಯನ್ನು ಫಾರ್ಮ್ ಸಿ ಬಳಸಿ 24 ಗಂಟೆಗಳ ಒಳಗೆ ಪೆÇಲೀಸರಿಗೆ ವರದಿ ಮಾಡಬೇಕು. ಹೀಗೆ ಆಗಮಿಸುವ ವಿದೇಶಿಗರ ಮಾಹಿತಿಯನ್ನು ಹೋಟೆಲ್ ಗಳಲ್ಲಿ ಇಡಬೇಕು. ಆದರೆ ನೆಡುಂಬಸೇರಿ ಸೇರಿದಂತೆ ಹಲವು ಹೋಟೆಲ್‍ಗಳಲ್ಲಿ ವಿದೇಶಿಗರು ತಂಗಿದ್ದರೂ ಹಲವು ಹೋಟೆಲ್‍ಗಳು ಪೆÇಲೀಸರಿಗೆ ಮಾಹಿತಿ ನೀಡಿಲ್ಲ. ಇದರ ಬೆನ್ನಲ್ಲೇ ಅಧಿಕಾರಿಗಳು ಕೆಲ ಹೋಟೆಲ್ ಗಳ ಮೇಲೆ ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ.
            ನೆಡುಂಬಸ್ಸೆರಿ ಮತ್ತು ಕೊಚ್ಚಿ ನಗರದ ಕೆಲವು ಹೋಟೆಲ್‍ಗಳನ್ನು ಪರಿಶೀಲಿಸಿದಾಗ, ಹೋಟೆಲ್‍ಗಳು ಪೆÇಲೀಸರಿಗೆ ಹಲವರ ಮಾಹಿತಿಯನ್ನು ನೀಡುತ್ತಿಲ್ಲ ಎಂದು ಕಂಡುಬಂದಿದೆ. ಹೀಗಾಗಿ ಎಮಿಗ್ರೇಷನ್ ಬ್ಯೂರೋ ವಿಭಾಗವು ಅನುಮಾನಾಸ್ಪದ ಹೋಟೆಲ್‍ಗಳಲ್ಲಿ ತಪಾಸಣೆ ನಡೆಸಿತು.