ಕಾರಿನಡಿ ಯುವತಿ ಎಳೆದೊಯ್ದ ಪ್ರಕರಣದ: ಆರೋಪಿಗೆ ಜಾಮೀನು

 

         ನವದೆಹಲಿ : ಕಾರಿನಡಿ ಸಿಲುಕಿದ್ದ ಯುವತಿಯ ಮೃತದೇಹ ಎಳೆದೊಯ್ದಿದ್ದ ಪ್ರಕರಣದ ಆರೋಪಿಗಳಲ್ಲಿ ಒಬ್ಬನಾದ ಆಶುತೋಶ್‌ ಭಾರದ್ವಾಜ್‌ಗೆ ಇಲ್ಲಿಯ ಸ್ಥಳೀಯ ನ್ಯಾಯಾಲಯವೊಂದು ಜಾಮೀನು ಮಂಜೂರು ಮಾಡಿದೆ.

             ಷರತ್ತುಬದ್ಧ ಜಾಮೀನು ಇದಾಗಿದ್ದು, ₹50,000 ಮೊತ್ತದ ಬಾಂಡ್‌ ನೀಡಲು ನ್ಯಾಯಾಲಯ ಹೇಳಿದೆ. ಸಾಕ್ಷ್ಯವನ್ನು ತಿರುಚುವಂತಿಲ್ಲ, ರಾಷ್ಟ್ರ ರಾಜಧಾನಿ ಪ್ರದೇಶದ ಹೊರಗೆ ಪ್ರಯಾಣಿಸುವಂತಿಲ್ಲ, ಮೊಬೈಲ್‌ ಫೋನ್‌ ಸ್ವಿಚ್‌ಆಫ್‌ ಮಾಡುವಂತಿಲ್ಲ ಮತ್ತು ಅಧಿಕಾರಿಗಳು ಕರೆದಾಗ ಬಂದು ತನಿಖೆಗೆ ಸಹಕರಿಸಬೇಕು ಎಂಬ ಅಂಶಗಳು ಷರತ್ತಿನಲ್ಲಿ ಸೇರಿವೆ.

             ಆಶುತೋಶ್‌ ಪರ ವಕೀಲ ಶಿಲ್ಪೇಶ್‌ ಚೌಧರಿ ಅವರು ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು ಮೆಟ್ರೋಪಾಲಿಟನ್‌ ಮ್ಯಾಜಿಸ್ಟ್ರೇಟ್‌ ಕಳೆದ ವಾರ ತಿರಸ್ಕರಿಸಿದ್ದರು. ನಂತರ ಅವರು ಸೆಷನ್ಸ್‌ ನ್ಯಾಯಾಲಯದ ಮೆಟ್ಟಿಲೇರಿದ್ದರು. ಸೆಷನ್ಸ್‌ ನ್ಯಾಯಾಧೀಶರು ಜಾಮೀನು ಮಂಜೂರು ಮಾಡಿದ್ದಾರೆ.