ರಂಜಿತ್ ಶ್ರೀನಿವಾಸನ್ ಹತ್ಯೆ ಪ್ರಕರಣ; ಎಲ್ಲಾ ಆರೋಪಿಗಳ ಜಾಮೀನು ಅರ್ಜಿ ತಿರಸ್ಕರಿಸಿದ ನ್ಯಾಯಾಲಯ

                 ಆಲಪ್ಪುಳ: ಒಬಿಸಿ ಮೋರ್ಚಾ ನಾಯಕ ಅಡ್ವ. ರಂಜಿತ್ ಶ್ರೀನಿವಾಸನ್ ಹತ್ಯೆ ಪ್ರಕರಣದ ಎಲ್ಲಾ ಆರೋಪಿಗಳ ಜಾಮೀನು ಅರ್ಜಿಯನ್ನು ನ್ಯಾಯಾಲಯ ತಿರಸ್ಕರಿಸಿದೆ.
                 ಮಾವೇಲಿಕ್ಕರ ಹೆಚ್ಚುವರಿ ಸೆಷನ್ಸ್ ನ್ಯಾಯಾಲಯ-1 ನೇ ವಿಭಾಗ  ಜಾಮೀನು ಅರ್ಜಿಯನ್ನು ತಿರಸ್ಕರಿಸಿದೆ. ಅಮಾಯಕನನ್ನು ಬರ್ಬರವಾಗಿ ಕೊಂದ ಆರೋಪಿಗಳು ಕಾನೂನಿನ ಯಾವುದೇ ಸಡಿಲಿಕೆಗೆ ಅರ್ಹರಲ್ಲ ಎಂಬ ಪ್ರಾಸಿಕ್ಯೂಷನ್ ವಾದವನ್ನು ನ್ಯಾಯಾಲಯ ಎತ್ತಿ ಹಿಡಿದಿದೆ.
           ಇದೇ ರೀತಿಯ ಶಾನ್ ಹತ್ಯೆ ಪ್ರಕರಣದಲ್ಲಿ ಆರೋಪಿಗಳಿಗೆ ಜಾಮೀನು ನೀಡಲಾಗಿದೆ ಎಂದು ಪ್ರತಿವಾದ ಮಂಡಿಸಿದರು. ಆದರೆ ಶಾನ್ ಕೊಲೆ ಈ ಪ್ರಕರಣದ ಆರಂಭದ ಹಂತವಲ್ಲ ಎಂದು ಪ್ರಾಸಿಕ್ಯೂಷನ್ ನ್ಯಾಯಾಲಯದಲ್ಲಿ ವಾದಿಸಿತು. ಆರೋಪಿಗಳು ಜಿಲ್ಲೆಯ ಪ್ರಮುಖ ಆರೆಸ್ಸೆಸ್ ಕಾರ್ಯಕರ್ತರನ್ನು ಕೊಲ್ಲಲು ಹಿಟ್ ಲಿಸ್ಟ್ ಸಿದ್ಧಪಡಿಸಿದ್ದರು ಎಂದು ಪ್ರಾಸಿಕ್ಯೂಷನ್ ಬೊಟ್ಟು ಮಾಡಿದೆ.
              ಆರೋಪಿಗಳಾದ ಅನೂಪ್, ಮುಹಮ್ಮದ್ ಅಸ್ಲಾಂ, ಜಸೀಬ್ ರಾಜಾ, ಜಾಕಿರ್ ಹುಸೇನ್, ಶಾಜಿ ಪೂವತಿಂಕಲ್ ಮತ್ತು ಶೆರ್ನಾಜ್ ಅಶ್ರಫ್ ಅವರು ಹತ್ಯೆ ಮಾಡಬೇಕಾದವರ ಚಿತ್ರಗಳು ಮತ್ತು ಇತರ ಮಾಹಿತಿಯನ್ನು ಸಂಗ್ರಹಿಸಿದ್ದಾರೆ ಎಂದು ವಿಶೇಷ ಪಬ್ಲಿಕ್ ಪ್ರಾಸಿಕ್ಯೂಟರ್ ನ್ಯಾಯಾಲಯಕ್ಕೆ ತಿಳಿಸಿದರು. ಇದರ ಬೆನ್ನಲ್ಲೇ ಜಾಮೀನು ನಿರಾಕರಿಸಲಾಯಿತು.