ದೇವಸ್ವಂ ಸಿಬ್ಬಂದಿ ಭಕ್ತರನ್ನು ಹಿಡಿದು ತಳ್ಳಿದ ಘಟನೆ: ಹೈಕೋರ್ಟ್ ಮಧ್ಯಪ್ರವೇಶ; ವರದಿ ಸಲ್ಲಿಸಲು ಆದೇಶ

             ಕೊಚ್ಚಿ: ಮಕರ ಬೆಳಕು ದಿನದಂದು ಶಬರಿಮಲೆಗೆ ಭೇಟಿ ನೀಡಿದ ಭಕ್ತರೊಂದಿಗೆ ದೇವಸ್ವಂ ಸಿಬ್ಬಂದಿ ಅಸಭ್ಯವಾಗಿ ವರ್ತಿಸಿದ ಪ್ರಕರಣದಲ್ಲಿ ಹೈಕೋರ್ಟ್ ಮಧ್ಯಪ್ರವೇಶಿಸಿದೆ.
           ಘಟನೆಯ ಕುರಿತು ವಿಸ್ತೃತ ವರದಿ ಸಲ್ಲಿಸುವಂತೆ ದೇವಸ್ವಂ ಕಮಿಷನರ್ ಮತ್ತು ಪೆÇಲೀಸರಿಗೆ ನ್ಯಾಯಾಲಯ ಸೂಚಿಸಿದೆ.
           ನ್ಯಾಯಮೂರ್ತಿಗಳಾದ ಅನಿಲ್ ಕೆ ನರೇಂದ್ರನ್ ಮತ್ತು ಪಿಜಿ ಅಜಿತ್ ಕುಮಾರ್ ಅವರನ್ನೊಳಗೊಂಡ ವಿಭಾಗೀಯ ಪೀಠವು ವಿಚಾರಣೆ ನಡೆಸಿತು. ದರ್ಶನಕ್ಕೆ ಬಂದ ಯಾತ್ರಾರ್ಥಿಗಳ ಬಗ್ಗೆ ದೇವಸ್ವಂ ಸಿಬ್ಬಂದಿಯ ವರ್ತನೆ ಅತ್ಯಂತ ಗಂಭೀರವಾಗಿದೆ ಎಂದು ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ. ಭಕ್ತರನ್ನು ಬಲವಂತವಾಗಿ ತಳ್ಳಿದ ದೃಶ್ಯಗಳು ಬೆಳಕಿಗೆ ಬಂದ ನಂತರ ನ್ಯಾಯಾಲಯದ ಮಧ್ಯಪ್ರವೇಶ ಬಂದಿದೆ. ಮಂಗಳವಾರವೇ ವರದಿ ಸಲ್ಲಿಕೆಸಲು ಸೂಚಿಸಲಾಗಿದೆ.
           ಮಕರಜ್ಯೋತಿ ದಿನ ಸಂಜೆ ಈ ವಿವಾದಾತ್ಮಕ ಘಟನೆ ನಡೆದಿತ್ತು. ಮಣಕ್ಕಾಡ್ ದೇವಸ್ವಂ ವಾಚರ್ ಅರುಣ್ ಕುಮಾರ್ ಅವರು ಸನ್ನಿಧಿಗೆ ತಲುಪಿದ್ದ ಯಾತ್ರಾರ್ಥಿಗಳನ್ನು ತಡೆಹಿಡಿದಿದ್ದರು. ಅರುಣ್ ಕುಮಾರ್ ಅವರು ಸಿಪಿಎಂ ಒಕ್ಕೂಟವಾದ ತಿರುವಾಂಕೂರು ದೇವಸ್ವಂ ನೌಕರರ ಒಕ್ಕೂಟದ ನಾಯಕರಾಗಿದ್ದಾರೆ. ಘಟನೆಯ ನಂತರ ವಿವಾದ ಉಂಟಾಗಿದ್ದು, ಒತ್ತಡಕ್ಕೆ ಮಣಿದ ದೇವಸ್ವಂ ಮಂಡಳಿ ಆರೋಪಿ ಸಿಬಂದಿಯನ್ನು ವರ್ಗಾವಣೆ ಮಾಡಿದೆ.
         ಇದೇ ವೇಳೆ, ತಿರುವಾಂಕೂರು ದೇವಸ್ವಂ ಮಂಡಳಿಯು ಕಾವಲುಗಾರನ ವಿರುದ್ಧ ಯಾವುದೇ ಮುಂದಿನ ಕ್ರಮ ತೆಗೆದುಕೊಳ್ಳುವುದಿಲ್ಲ ಎಂದು ಮಾಹಿತಿ ನೀಡಿದೆ. ಕಾವಲುಗಾರನ ವರ್ತನೆಯಲ್ಲಿ ಅನುಚಿತತೆ ಇದೆ. ಹಾಗೆ ವರ್ತಿಸಬಾರದಿತ್ತು. ಆದರೆ ಜನಸಂದಣಿ ನಿಯಂತ್ರಣಕ್ಕೆ ಮೀರಿತ್ತು. ದೇವಸ್ವಂ ಮಂಡಳಿ ಅಧ್ಯಕ್ಷ ಕೆ. ಅನಂತ ಗೋಪನ್ ಮಾಹಿತಿ ನೀಡಿದರು. ಇದಾದ ಬಳಿಕ ಹೈಕೋರ್ಟ್ ಮಧ್ಯ ಪ್ರವೇಶಿಸಿತು.