3.25 ಕೋಟಿ ಬಹುಮಾನ : 61,981 ವಿದ್ಯಾರ್ಥಿಗಳ ಭಾಗವಹಿಸುವಿಕೆ; ಫಿಟ್ ಇಂಡಿಯಾ ರಸಪ್ರಶ್ನೆಯಲ್ಲಿ ಕೇರಳೀಯ ವಿದ್ಯಾರ್ಥಿ ಸಿದ್ಧಾರ್ಥ್ ಕುಮಾರ್ ಗೋಪಾಲ್ ಪ್ರಥಮ

             ತಿರುವನಂತಪುರಂ: 2ನೇ ಫಿಟ್ ಇಂಡಿಯಾ ಕ್ವಿಜ್‍ನ ಪ್ರಾಥಮಿಕ ಸುತ್ತಿನ ಫಲಿತಾಂಶ ಪ್ರಕಟಗೊಂಡಿದೆ.
          ಇದು 36 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮೊಬೈಲ್ ಪ್ಲಾಟ್‍ಫಾರ್ಮ್‍ಗಳಲ್ಲಿ ದೇಶದ ಅತಿದೊಡ್ಡ ಆನ್‍ಲೈನ್ ಕ್ರೀಡೆ ಮತ್ತು ಫಿಟ್‍ನೆಸ್ ರಸಪ್ರಶ್ನೆ sಸ್ಪರ್ಧೆಯಾಗಿದೆ.
            ಪ್ರಾಥಮಿಕ ಸುತ್ತಿನಲ್ಲಿ ತಿರುವನಂತಪುರದ ಸೇಂಟ್ ಥಾಮಸ್ ವಸತಿ ಶಾಲೆಯ ಸಿದ್ಧಾರ್ಥ್ ಕುಮಾರ್ ಗೋಪಾಲ್ ಪ್ರಥಮ ಸ್ಥಾನ ಪಡೆದರು.
           ಗುಜರಾತ್‍ನ ಪ್ರತೀಕ್ ಸಿಂಗ್, ತೆಲಂಗಾಣದ ಸ್ವಪ್ನಿಲ್ ದೇಶಪಾಂಡೆ ಮತ್ತು ಉತ್ತರ ಪ್ರದೇಶದ ಶಾಶ್ವತ್ ಮಿಶ್ರಾ ಕೂಡ ಬಾಲಕರ ರಾಷ್ಟ್ರೀಯ ಟಾಪರ್‍ಗಳಾಗಿ ಹೊರಹೊಮ್ಮಿದ್ದಾರೆ.
           ಪಂಜಾಬ್‍ನ ಜಶನ್‍ಪ್ರೀತ್ ಕೌರ್, ಉತ್ತರ ಪ್ರದೇಶದ ಎಸ್ಟುತಿ ಅವಸ್ತಿ ಮತ್ತು ಪಂಜಾಬ್‍ನ ಅಕ್ಷಾ ಕೌಶಲ್ ವಿದ್ಯಾರ್ಥಿನಿಯರಲ್ಲಿ ರಾಷ್ಟ್ರೀಯ ಟಾಪರ್ ಆಗಿದ್ದಾರೆ.
            ಶಾಲೆಗಳಿಗೆ ಫಿಟ್ ಇಂಡಿಯಾ ರಾಷ್ಟ್ರೀಯ ಫಿಟ್ನೆಸ್ ಮತ್ತು ಕ್ರೀಡಾ ರಸಪ್ರಶ್ನೆ ಎರಡನೇ ಆವೃತ್ತಿಯನ್ನು ಕಳೆದ ವರ್ಷ ಆಗಸ್ಟ್ 29 ರಂದು ಕೇಂದ್ರ ಕ್ರೀಡಾ ಮತ್ತು ಯುವ ವ್ಯವಹಾರಗಳ ಸಚಿವ ಅನುರಾಗ್ ಸಿಂಗ್ ಠಾಕೂರ್ ಮತ್ತು ಕೇಂದ್ರ ಯುವ ವ್ಯವಹಾರಗಳ ಸಚಿವ ನಿಸಿತ್ ಪ್ರಮಾಣಿಕ್ ಅವರು ಕೇಂದ್ರ ಶಿಕ್ಷಣ ಮತ್ತು ಯುವ ವ್ಯವಹಾರಗಳ ಸಚಿವ ಧರ್ಮೇಂದ್ರ ಪ್ರಧಾನ್ ಅವರ ಸಮ್ಮುಖದಲ್ಲಿ ಉದ್ಘಾಟಿಸಿದ್ದರು. ಎರಡನೇ ಆವೃತ್ತಿಯ ರಸಪ್ರಶ್ನೆಯಲ್ಲಿ ಭಾರತದ 702 ಜಿಲ್ಲೆಗಳ 16,702 ಶಾಲೆಗಳಿಂದ 61,981 ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
        ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ (ಎನ್‍ಟಿಎ) ಡಿಸೆಂಬರ್ 8 ಮತ್ತು 9 ರಂದು ಪ್ರಾಥಮಿಕ ಸುತ್ತುಗಳನ್ನು ನಡೆಸಿತು. ಐಐಟಿ ಮತ್ತು ಜೆಇಇ ಪ್ರವೇಶ ಪರೀಕ್ಷೆಗಳನ್ನು ನಡೆಸುವ ಸಂಸ್ಥೆಯಾದ ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿಯು ಪ್ರಾಥಮಿಕ ಸುತ್ತಿನ ರಸಪ್ರಶ್ನೆಯನ್ನು ನಡೆಸಿತು. ವಿದ್ಯಾರ್ಥಿಗಳು ತಮ್ಮ ಮನೆ ಅಥವಾ ಶಾಲೆಯಿಂದ ಆನ್‍ಲೈನ್‍ನಲ್ಲಿ ಮೊಬೈಲ್ ಆಧಾರಿತ ಬಹು ಆಯ್ಕೆಯ ಮೂಲಕ ಸುತ್ತುಗಳಲ್ಲಿ ಭಾಗವಹಿಸಿದರು. ಫಿಟ್ ಇಂಡಿಯಾ ಕ್ವಿಜ್‍ನ ಭಾಗವಾಗಿ 3.25 ಕೋಟಿ ಬಹುಮಾನವನ್ನು ನೀಡಲಾಗುತ್ತದೆ.
          ಪ್ರಾಥಮಿಕ ಸುತ್ತಿನಲ್ಲಿ ಹೆಚ್ಚು ಅಂಕ ಗಳಿಸಿದ ವಿದ್ಯಾರ್ಥಿಗಳು ರಾಜ್ಯ ಸುತ್ತಿಗೆ ಆಯ್ಕೆಯಾಗುತ್ತಾರೆ ಮತ್ತು ಆಯಾ ರಾಜ್ಯ ಚಾಂಪಿಯನ್ ಆಗಲು ಸ್ಪರ್ಧಿಸುತ್ತಾರೆ. ರಾಜ್ಯ ಸುತ್ತುಗಳು ಏಪ್ರಿಲ್ 2023 ರಿಂದ ಪ್ರಾರಂಭವಾಗುತ್ತವೆ.
          36 ರಾಜ್ಯಗಳು / ಯೂನಿಯನ್ ಟೆರಿಟರಿಗಳಿಂದ 348 ತಂಡಗಳು ರಾಜ್ಯ ಸುತ್ತಿಗೆ ಸ್ಪರ್ಧಿಸಲಿವೆ. 36 ಶಾಲಾ ತಂಡಗಳು (ಪ್ರತಿ ರಾಜ್ಯ ಮತ್ತು/ಅಥವಾ ಯುಟಿಟಿ ಯಿಂದ ವಿಜೇತರು) ಜೂನ್ 2023 ರಲ್ಲಿ ರಾಷ್ಟ್ರೀಯ ಸುತ್ತಿಗೆ ಸ್ಪರ್ಧಿಸಲಿವೆ. ಪ್ರತಿ ಹಂತದ ವಿಜೇತರಿಗೆ ನಗದು ಪುರಸ್ಕಾರ (ಶಾಲೆ ಮತ್ತು ಇಬ್ಬರು ಭಾಗವಹಿಸುವವರು) ನೀಡಲಾಗುತ್ತದೆ. ರಸಪ್ರಶ್ನೆ ಮುಖ್ಯ ಉದ್ದೇಶವು ಭಾರತದ ಶ್ರೀಮಂತ ಕ್ರೀಡಾ ಇತಿಹಾಸದ ಬಗ್ಗೆ ವಿದ್ಯಾರ್ಥಿಗಳಲ್ಲಿ ಅರಿವು ಮೂಡಿಸುವುದು ಮತ್ತು ಶತಮಾನಗಳ ಹಳೆಯ ಸ್ಥಳೀಯ ಕ್ರೀಡೆಗಳು ಮತ್ತು ನಮ್ಮ ರಾಷ್ಟ್ರೀಯ ಮತ್ತು ಪ್ರಾದೇಶಿಕ ಕ್ರೀಡಾ ತಾರೆಗಳ ಅರಿವು ಮೂಡಿಸುವುದಾಗಿದೆ.