ಪರೀಕ್ಷಾ ಪೇ ಚರ್ಚೆ: 5 ಆವೃತ್ತಿಗಳಿಗೆ ₹28 ಕೋಟಿ ಖರ್ಚು

 

             ನವದೆಹಲಿ : ಪ್ರಧಾನಿ ಮೋದಿಯವರು ಮಕ್ಕಳು ಮತ್ತು ಪೋಷಕರೊಂದಿಗೆ ನಡೆಸುವ ಪರೀಕ್ಷೆಯ ಮೇಲಿನ ಚರ್ಚೆಯ (ಪರೀಕ್ಷಾ ಪೇ ಚರ್ಚಾ) ಐದು ಆವೃತ್ತಿಗಳಿಗೆ ₹28 ಕೋಟಿಗೂ ಅಧಿಕ ವೆಚ್ಚವಾಗಿದೆ ಎಂದು ಶಿಕ್ಷಣ ಸಚಿವಾಲಯ ಮಾಹಿತಿ ನೀಡಿದೆ.

              ಲೋಕಸಭೆಯಲ್ಲಿ ಶಿಕ್ಷಣ ಖಾತೆ ರಾಜ್ಯ ಸಚಿವೆ ಅನ್ನಪೂರ್ಣ ದೇವಿ ಅವರು ಲಿಖಿತ ಉತ್ತರದಲ್ಲಿ ಈ ವಿಷಯ ತಿಳಿಸಿದ್ದು, ಮೊದಲ ಆವೃತ್ತಿಗೆ 2018ರಲ್ಲಿ ₹3.37 ಕೋಟಿ, 2019ರಲ್ಲಿ ₹ 4.93ಕೋಟಿ, 2020ರಲ್ಲಿ ₹5.69 ಕೋಟಿ, 2021ರಲ್ಲಿ ₹6ಕೋಟಿ ವೆಚ್ಚ ಹಾಗೂ 2022ರಲ್ಲಿ ₹8.61 ಕೋಟಿ ಹಣ ವ್ಯಯಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

         ಆದರೆ 2023ರ 6ನೇ ಆವೃತ್ತಿಯ ವೆಚ್ಚದ ಬಗ್ಗೆ ಮಾಹಿತಿ ನೀಡಿಲ್ಲ.

             6ನೇ ಆವೃತ್ತಿಯ ಪರೀಕ್ಷಾ ಪೇ ಚರ್ಚಾ ವಾರ್ಷಿಕ ಸಂವಾದವು 2023ರ ಜ.27ರಂದು ನವದೆಹಲಿಯ ತಾಲ್‌ಕಟೋರಾ ಕ್ರೀಡಾಂಗಣದಲ್ಲಿ ನಡೆದಿದೆ.