ಆರ್ಥಿಕ ಮುಗ್ಗಟ್ಟು: ವಿಆರ್ ಎಸ್ ನೀಡಲು ಮುಂದಾದ ಕೆ.ಎಸ್.ಆರ್. ಟಿ.ಸಿ: 50 ವರ್ಷ ಮೇಲ್ಪಟ್ಟವರು ಮತ್ತು 20 ವರ್ಷಗಳ ಸೇವೆ ಪೂರ್ಣಗೊಳಿಸಿದವರಿಗೆ ಯೋಜನೆ

               ತಿರುವನಂತಪುರಂ: ಆರ್ಥಿಕ ಬಿಕ್ಕಟ್ಟನ್ನು ನೀಗಿಸಲು ಉದ್ಯೋಗಿಗಳಿಗೆ ಸ್ವಯಂ ನಿವೃತ್ತಿ (ವಿಆರ್‍ಎಸ್) ಯೋಜನೆಯನ್ನು ಜಾರಿಗೆ ತರಲು ಕೆ.ಎಸ್ ಆರ್ ಟಿ ಸಿ ನಿರ್ಧರಿಸಿದೆ.
            ಕೆಎಸ್‍ಆರ್‍ಟಿಸಿ ಆಡಳಿತ ಮಂಡಳಿಯ ಈ ಕ್ರಮವು ಸಂಬಳದ ವೆಚ್ಚದಿಂದ 50 ಪ್ರತಿಶತವನ್ನು ಕಡಿಮೆ ಮಾಡುವ ಲಕ್ಷ್ಯವಿರಿಸಿದೆ.
            ಇದರ ಪ್ರಕಾರ 50 ವರ್ಷ ಮೇಲ್ಪಟ್ಟವರು ಮತ್ತು 20 ವರ್ಷ ಸೇವೆ ಪೂರೈಸಿದವರು ನಿವೃತ್ತಿ ಹೊಂದಬಹುದು. ಯೋಜನೆಗಾಗಿ 7200 ಜನರ ಪಟ್ಟಿಯನ್ನು ಆಡಳಿತ ಮಂಡಳಿ ಸಿದ್ಧಪಡಿಸಿದೆ. ಕೆಎಸ್‍ಆರ್‍ಟಿಸಿಯ ವೇತನ ಮತ್ತು ಪಿಂಚಣಿ ಮೊತ್ತವನ್ನು ಪಾವತಿಸುವುದು ದೊಡ್ಡ ಆರ್ಥಿಕ ಹೊಣೆಗಾರಿಕೆ ಎಂಬ ಮೌಲ್ಯಮಾಪನವನ್ನು ಆಧರಿಸಿ ಈ ಕ್ರಮವನ್ನು ಮಾಡಲಾಗಿದೆ. ವೆಚ್ಚ ಕಡಿತದ ಭಾಗವಾಗಿ, ಹಣಕಾಸು ಇಲಾಖೆಯು ಉದ್ಯೋಗಿಗಳ ಸಂಖ್ಯೆಯನ್ನು 15,000 ಕ್ಕೆ ಇಳಿಸಲು ಪ್ರಸ್ತಾಪಿಸಿದೆ.
           ಪ್ರಸ್ತುತ ಸುಮಾರು 26,000 ಉದ್ಯೋಗಿಗಳಿದ್ದಾರೆ. ವಿಆರ್ ಎಸ್ ತೆಗೆದುಕೊಳ್ಳುವ ನೌಕರರಿಗೆ 15 ಲಕ್ಷ ರೂ.ಗಳನ್ನು ಪಾವತಿಸಲು ನಿರ್ಧರಿಸಲಾಗಿದೆ. ಸÀರ್ಕಾರ ಈ ಶಿಫಾರಸನ್ನು ಒಪ್ಪಿಕೊಂಡರೆ ವೇತನ ಅರ್ಧದಷ್ಟು ಕಡಿಮೆಯಾಗಲಿದೆ ಎಂಬುದು ಆಡಳಿತ ಮಂಡಳಿಯ ನಂಬಿಕೆ. ತಿಂಗಳಿಗೆ 40 ಕೋಟಿ ಉಳಿತಾಯ ಮಾಡಬಹುದು. ಆದರೆ ಈ ಬಗ್ಗೆ ನೌಕರ ಸಂಘಟನೆಗಳು ಇನ್ನೂ ಪ್ರತಿಕ್ರಿಯಿಸಿಲ್ಲ. ಅದನ್ನೂ ತಿಳಿದುಕೊಂಡು ಕ್ರಮ ಕೈಗೊಳ್ಳುವ ಸಾಧ್ಯತೆಗಳಿವೆ.
          ಇದೇ ವೇಳೆ, ಸಹಭಾಗಿತ್ವ ಪಿಂಚಣಿ ಯೋಜನೆಯಲ್ಲಿ ಕೆಎಸ್‍ಆರ್‍ಟಿಸಿ ಪಡೆದಿರುವ ಬಾಕಿಯನ್ನು ಆರು ತಿಂಗಳೊಳಗೆ ಇತ್ಯರ್ಥಪಡಿಸಬೇಕು ಎಂದು ಹೈಕೋರ್ಟ್ ಸೂಚಿಸಿದೆ. 2014 ರಿಂದ 251 ಕೋಟಿ ಬಾಕಿ ಇದೆ. 9000 ಉದ್ಯೋಗಿಗಳ ವೇತನದಿಂದ ಕಡಿತಗೊಳಿಸಿದ ಮೊತ್ತವನ್ನು ರಾಷ್ಟ್ರೀಯ ಪಿಂಚಣಿ ಯೋಜನೆಗೆ ಪಾವತಿಸಲು ಬಳಸಲಾಗಿದೆ. ಇದು ಸ್ವೀಕಾರಾರ್ಹವಲ್ಲ ಮತ್ತು ಆದಷ್ಟು ಬೇಗ ನಿಲ್ಲಿಸಬೇಕು ಎಂದು ಹೈಕೋರ್ಟ್ ಸೂಚಿಸಿದೆ.