ಮೋದಿ ಅಮೆರಿಕ ಭೇಟಿ: ಪ್ರತಿಕ್ರಿಯೆ ನೀಡದ ಎಂಇಎ

 

              ನವದೆಹಲಿ : ಅಧ್ಯಕ್ಷ ಜೋ ಬೈಡನ್ ಅವರ ಆಹ್ವಾನದ ಮೇರೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ವಾಷಿಂಗ್ಟನ್‌ಗೆ ಭೇಟಿ ನೀಡುವ ಸಾಧ್ಯತೆಯಿದೆ ಎಂಬ ವರದಿಗಳ ಬಗ್ಗೆ ಪ್ರತಿಕ್ರಿಯಿಸದಿರಲು ಕೇಂದ್ರ ಗುರುವಾರ ನಿರ್ಧರಿಸಿದೆ. 

                   'ಮಾಧ್ಯಮ ವರದಿಗಳ ಬಗ್ಗೆ ಪ್ರತಿಕ್ರಿಯಿಸುವುದಿಲ್ಲ.

                   ಸೂಕ್ತ ಸಮಯದಲ್ಲಿ ಉನ್ನತ ಮಟ್ಟದ ಭೇಟಿಗಳನ್ನು ಘೋಷಿಸುತ್ತೇವೆ. ಈ ಸಮಯದಲ್ಲಿ ಯಾವುದೇ ನಿರ್ದಿಷ್ಟ ದಿನಾಂಕ ಅಥವಾ ಭೇಟಿಯ ಬಗ್ಗೆ ನನಗೆ ತಿಳಿದಿಲ್ಲ' ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ(ಎಂಇಎ)ದ ವಕ್ತಾರ ಅರಿಂದಮ್ ಬಾಗ್ಚಿ ಹೇಳಿದ್ದಾರೆ.

                ವಾಷಿಂಗ್ಟನ್ ವರದಿ ಪ್ರಕಾರ, ಜೂನ್ ಅಥವಾ ಜುಲೈನಲ್ಲಿ ಮೋದಿ ಭೇಟಿ ನಿರೀಕ್ಷೆಯಲ್ಲಿದೆ.