ಕೃಷಿ ಅಧ್ಯಯನ ಮಾಡಲು ಇಸ್ರೇಲ್‍ಗೆ ತೆರಳಿ ನಾಪತ್ತೆಯಾದ ಬಿಜು ಕುರಿಯನ್‍ಗಾಗಿ ಮುಂದುವರಿದ ಹುಡುಕಾಟ: ವೀಸಾ ರದ್ದುಗೊಳಿಸಲು ಮನವಿ

               ತಿರುವನಂತಪುರಂ: ಕೃಷಿ ಅಧ್ಯಯನಕ್ಕೆಂದು ಇಸ್ರೇಲ್ ಗೆ ತೆರಳಿದ್ದ ಗುಂಪಿನಲ್ಲಿದ್ದು ಬಳಿಕ ನಾಪತ್ತೆಯಾದ ಬಿಜು ಕುರಿಯನ್ ಅವರ ವೀಸಾ ರದ್ದಾಗಲಿದೆ.
            ಇಂದು ನಡೆದ ಸಚಿವ ಸಂಪುಟ ಸಭೆಯಲ್ಲಿ ಈ ಕುರಿತು ತೀರ್ಮಾನ ಕೈಗೊಳ್ಳಲಾಗಿದೆ.  ವೀಸಾ ರದ್ದುಪಡಿಸಿ ವಾಪಸ್ ಕಳುಹಿಸುವಂತೆ ಇಸ್ರೇಲ್ ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಗೆ ಪತ್ರ ಕಳುಹಿಸಲು ಸರ್ಕಾರ ನಿರ್ಧರಿಸಿದೆ.
           ಇದೀಗ ಬಿಜು ಕುರಿಯನ್ ನಾಪತ್ತೆಯಾಗಿದ್ದಾರೆ. ಈ ನಿಟ್ಟಿನಲ್ಲಿ ಶೋಧ ಕಾರ್ಯ ಪ್ರಗತಿಯಲ್ಲಿದೆ. ಇಸ್ರೇಲ್ ಗೆ ತೆರಳಿದ ಗುಂಪಿನ ರೈತ ಬಿಜು ಕುರಿಯನ್ ನಾಪತ್ತೆ ಪ್ರಕರಣದಲ್ಲಿ ಕೃಷಿ ಇಲಾಖೆ ಹಾಗೂ ಕುಟುಂಬಕ್ಕೆ ಇನ್ನು ಸ್ಪಷ್ಟತೆ ಸಿಕ್ಕಿಲ್ಲ. ತಾನು ಸುರಕ್ಷಿತವಾಗಿದ್ದೇನೆ ಎಂದು ಪತ್ನಿಗೆ ಸಂದೇಶ ರವಾನಿಸಿದ ಬಳಿಕ ಬಿಜು ಸಂಬಂಧಿಕರಿಗೂ ಬೇರೆ ಮಾಹಿತಿ ಲಭಿಸಿಲ್ಲ.
           ಕೃಷಿ ಅಧ್ಯಯನಕ್ಕಾಗಿ ಇಸ್ರೇಲ್ ಗೆ ತೆರಳಿದ್ದ ತಂಡವನ್ನು ಆನ್ ಲೈನ್ ಅರ್ಜಿ ಸಲ್ಲಿಸಿ ಆಯ್ಕೆ ಮಾಡಲಾಗಿದೆ. ಬಿಜು ಕುರಿಯನ್ ಅವರ ಅರ್ಜಿಯನ್ನು ಪರಿಶೀಲಿಸಿ ದೃಢಪಡಿಸಲಾಗಿದೆ ಎಂದು ಅಧಿಕೃತ ಮೂಲಗಳು ಪ್ರತಿಕ್ರಿಯಿಸಿವೆ. ಬಿಜು ಕುರ್ಯಾನ್, ಕೃಷಿ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಬಿ.ಅಶೋಕ್ ಸೇರಿದಂತೆ 27 ರೈತರು ಇದೇ ತಿಂಗಳ 12ರಂದು ಇಸ್ರೇಲ್‍ಗೆ ಕೃಷಿ ವಿಧಾನಗಳನ್ನು ಕಲಿಯಲು ತೆರಳಿದ್ದರು. ಬಿಜು ಕುರಿಯನ್ ಶುಕ್ರವಾರ ರಾತ್ರಿ ತಾವು ತಂಗಿದ್ದ ಹೋಟೆಲ್‍ನಿಂದ ಹಠಾತ್ ನಾಪತ್ತೆಯಾಗಿದ್ದಾರೆ. ಬಿಜು ಸುರಕ್ಷಿತವಾಗಿದ್ದಾರೆ ಎಂದು ಪತ್ನಿಗೆ ಕಳುಹಿಸಿದ ಸಂದೇಶ ಮಾತ್ರ ಬಿಜು ಬಗ್ಗೆ ಸಿಕ್ಕ ಮಾಹಿತಿ. ಇರಿಟ್ಟಿ ಪೆರಟ್ಟದಲ್ಲಿರುವ ಬಿಜು ಅವರ ಮನೆಗೆ ಇದೀಗ ಬೀಗ ಹಾಕಲಾಗಿದೆ.
          ಪತ್ನಿ ಕೂಡ ಪ್ರತಿಕ್ರಿಯಿಸಲು ಆಸಕ್ತಿ ಹೊಂದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಬಿಜು 20 ವರ್ಷಗಳಿಂದ ಕೃಷಿಕರಾಗಿದ್ದಾರೆ ಎಂದು ನೆರೆಹೊರೆಯವರು ಹೇಳುತ್ತಾರೆ. ಬಿಜು ಅವರ ಸಂಬಂಧಿಕರು ಇಸ್ರೇಲ್‍ನಲ್ಲಿರುವುದು ತಿಳಿದುಬಂದಿಲ್ಲ. ಆದರೆ ಇಸ್ರೇಲ್ ಗೆ ತೆರಳಿ ಕೆಲವರು  ಕೆಲಸ ಹುಡುಕುವವರಿದ್ದಾರೆ. ಬಿಜು ಹಾಗೇನಾದರೂ ಹಂಚಿಕೆ ಮಾಡಿರಬೇಕೆಂದು ಆಪ್ತರು ಹಾಗೂ ಸ್ಥಳೀಯರು ಭಾವಿಸಿದ್ದಾರೆ.