ಯುಜಿಸಿ ವೇತನ ಬಾಕಿ; ವಿಧಾನಸಭೆಯಲ್ಲಿ ಸಚಿವರು ಹೇಳಿದ್ದು ವಾಸ್ತವ ವಿರುದ್ದ!

            ತಿರುವನಂತಪುರ: ಯುಜಿಸಿಯ 7ನೇ ವೇತನ ಪರಿಷ್ಕರಣೆಗೆ ಸಂಬಂಧಿಸಿದಂತೆ ಕಾಲೇಜು ಶಿಕ್ಷಕರಿಗೆ ವೇತನ ಬಾಕಿ ಪಾವತಿ ಮಾಡದಿರುವುದು ಕೇಂದ್ರ ನೆರವಿನ ಕೊರತೆಯಿಂದ ಎಂದು ಸಚಿವೆ ಆರ್.ಬಿಂದು ವಿಧಾನಸಭೆಯಲ್ಲಿ ಹೇಳಿರುವ ಮಾತುಗಳು ವಾಸ್ತವಕ್ಕೆ ಸಂಪೂರ್ಣ ವಿರುದ್ಧವಾಗಿದೆ ಎಂದು ತಿಳಿದುಬಂದಿದೆ.
       ಯುಜಿಸಿ ಇದುವರೆಗೆ ಜಾರಿಗೆ ತಂದಿರುವ ಆರು ವೇತನ ಪರಿಷ್ಕರಣೆಗಳಲ್ಲಿ ಒಂದೂ ಮುಂಗಡವಾಗಿ ನೆರವು ನೀಡಿಲ್ಲ ಎಮದು ಸಚಿವರು ಹೇಳಿದ್ದರು.
        ವೇತನ ಪರಿಷ್ಕರಣೆ ಜಾರಿಯಾದ ನಂತರ ಮೊದಲ ಮೂರು ವರ್ಷಗಳ ಅವಧಿಯಲ್ಲಿ ಉಂಟಾಗುವ ಹೆಚ್ಚುವರಿ ಆರ್ಥಿಕ ಹೊಣೆಗಾರಿಕೆಯ ಶೇ.50ರಷ್ಟು ಹಣವನ್ನು ಕೇಂದ್ರ ಸರಕಾರವೇ ಭರಿಸಲಿದೆ. ಆದರೆ ಇದನ್ನು ಅನುಷ್ಠಾನಗೊಳಿಸಿದ ನಂತರ ದಾಖಲೆಗಳನ್ನು ಸಲ್ಲಿಸಬೇಕು. ಐವತ್ತು ಶೇ. ಮುಂಗಡ ಹಣ ಕೊಡುವುದಿಲ್ಲ ಎಂದ ಸಚಿವರು ವಿಧಾನಸಭೆಯ ದಿಕ್ಕು ತಪ್ಪಿಸಿದರು.  ಈ ಸಂಬಂಧ ಕೇಂದ್ರ ಉನ್ನತ ಶಿಕ್ಷಣ ಸಚಿವಾಲಯವು ಯುಜಿಸಿ ಮತ್ತು ರಾಜ್ಯ ಸರ್ಕಾರಗಳಿಗೆ ಈ ಹಿಂದೆ ವಿವರವಾದ ಪತ್ರವನ್ನು ಕಳುಹಿಸಿತ್ತು. ಮರುಪಾವತಿ ಯೋಜನೆಯಡಿ ಪಾವತಿ ಮಾಡಲಾಗುವುದು ಎಂದು ಪತ್ರದಲ್ಲಿ ತಿಳಿಸಲಾಗಿದೆ. ವಾಸ್ತವ ಸ್ಥಿತಿ ಹೀಗಿರುವಾಗ ಬಾಕಿ ವೇತನ ನೀಡದೆ ಕೇಂದ್ರದ ನೆರವಿಗೆ ಮುಂದಾಗಿರುವುದು ನಿಗೂಢವಾಗಿದೆ.
         ಇದೇ ವೇಳೆ 2016ರ ನಂತರ ನಿವೃತ್ತರಾದ ಶಿಕ್ಷಕರು ವೇತನ ಬಾಕಿ ನೀಡುವಂತೆ ಕೋರಿ ಹೈಕೋರ್ಟ್‍ನಲ್ಲಿ ಸಲ್ಲಿಸಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸರಕಾರ ಕೋರಿದ್ದ ಮೂರು ತಿಂಗಳ ಕಾಲಾವಕಾಶ ಮಾ.19ಕ್ಕೆ ಕೊನೆಗೊಳ್ಳುತ್ತಿದೆ. ನಿವೃತ್ತ ಶಿಕ್ಷಕರಿಗೆ ವೇತನ ಬಾಕಿ ಇರುವಂತೆ ನ್ಯಾಯಾಲಯದಲ್ಲಿ ಸರಕಾರ ಒಪ್ಪಿಗೆ ನೀಡಿತ್ತು.