ಬಾಲ್ಯ ವಿವಾಹಕ್ಕೆ ತಡೆ: ವಧುವಿನ ತಂದೆ ತಾಯಿ ವಿರುದ್ಧ ಎಫ್‌ಐಆರ್ ದಾಖಲು

 

                 ಲಖನೌ: ಉತ್ತರ ಪ್ರದೇಶದ ಪಿಲಿಭಿತ್‌ನಲ್ಲಿ ಜರುಗುತ್ತಿದ್ದ ಬಾಲ್ಯ ವಿವಾಹವನ್ನು ತಡೆದಿದ್ದು, ಅಪ್ರಾಪ್ತಯ ಪೋಷಕರ ವಿರುದ್ಧ ಬಾಲ್ಯ ವಿವಾಹ ನಿಷೇಧ ಕಾಯ್ದೆಯಡಿ ಎಫ್‌ಐಆರ್ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

                  'ಚೈಲ್ಡ್‌ಲೈನ್ ಇಂಡಿಯಾ ತಂಡ ಮತ್ತು ಪೊಲೀಸ್ ಅಧಿಕಾರಿಯೊಂದಿಗೆ ತೆರಳಿ, ವಧುವಿನ ಪೋಷಕರಿಗೆ ಎಚ್ಚರಿಕೆ ನೀಡಿದ ಹೊರತಾಗಿಯೂ ವಿವಾಹ ಸಮಾರಂಭವನ್ನು ಮುಂದುವರೆಸಿದ್ದರು' ಎಂದು ಪಿಲಿಭಿತ್‌ನ ಬಾಲ್ಯವಿವಾಹ ನಿಷೇಧ ಅಧಿಕಾರಿ ಪ್ರಗತಿ ಗುಪ್ತಾ ತಿಳಿಸಿದ್ದಾರೆ.

                        'ಕಾನೂನಿನ ಪ್ರಕಾರ ವರನ ಕಡೆಯವರ ವಿರುದ್ಧವೂ ದೂರು ದಾಖಲಿಸಲು ಪೊಲೀಸರಿಗೆ ಸಾಕ್ಷ್ಯಗಳನ್ನು ಒದಗಿಸಲು ನಿರ್ಧಾರಿಸಿದ್ದೇವೆ' ಎಂದು ಗುಪ್ತಾ ಹೇಳಿದ್ದಾರೆ.

                  ಚೈಲ್ಡ್‌ಲೈನ್ ತಂಡದ ಸದಸ್ಯ ಪ್ರತುಲ್ ಸಿಂಗ್ ಲಿಖಿತ ದೂರನ್ನು ದಾಖಲಿಸಿದ್ದು, ಬಾಲಕಿಯ ತಂದೆ ಮತ್ತು ತಾಯಿ ವಿರುದ್ಧ ಬಾಲ್ಯ ವಿವಾಹ ನಿಷೇಧ ಕಾಯ್ದೆಯ ಸೆಕ್ಷನ್ 9 ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ತಿಳಿಸಿದ್ದಾರೆ.