ಎ.ಎಫ್.ಎಲ್.ಎಸ್. ಅನ್ನು ವಹಿಸಿಕೊಂಡ ಐ.ಬಿ.ಎಸ್: ಸಾಗರ ಸರಕು ಸಾಗಣೆಯಲ್ಲಿ ಹೊಸ ಭರವಸೆ

            ತಿರುವನಂತಪುರಂ: ಪ್ರಯಾಣ ಮತ್ತು ಸಾರಿಗೆ ವಲಯದ ಪ್ರಮುಖ ಸಾಫ್ಟ್‍ವೇರ್ ಪೂರೈಕೆದಾರ ಐಬಿಎಸ್, ಆಕ್ಸೆಂಚರ್ ಫ್ರೈಟ್ ಮತ್ತು ಲಾಜಿಸ್ಟಿಕ್ಸ್ ಸಾಫ್ಟ್‍ವೇರ್ (ಎಎಫ್‍ಎಲ್‍ಎಸ್) ಅನ್ನು ಸ್ವಾಧೀನಪಡಿಸಿಕೊಂಡಿದೆ.
          ಐಬಿಎಸ್ ಈ ನಿಟ್ಟಿನಲ್ಲಿ ಎಲ್ಲಾ ಹಂತಗಳನ್ನು ಪೂರ್ಣಗೊಳಿಸಿದೆ. ಎಫ್ ಎಲ್ ಎಸ್ ವಾಯು ಮತ್ತು ಸಮುದ್ರ ಸರಕು ಸಾಗಣೆಗೆ ಸುಧಾರಿತ ಡಿಜಿಟಲೀಕರಣ ತಂತ್ರಜ್ಞಾನದ ಪೂರೈಕೆದಾರ.
           ಹೊಸ ಪೀಳಿಗೆಯ ವ್ಯವಸ್ಥೆಯನ್ನು ಬಳಸಿಕೊಂಡು ಸಾಗರ ಸರಕು ಸಾಗಣೆಯಲ್ಲಿ ಎ.ಎಫ್.ಎಲ್.ಎಸ್. ಸುದೀರ್ಘ ಇತಿಹಾಸವನ್ನು ಹೊಂದಿದೆ. ಮಾಹಿತಿಯನ್ನು ಬಳಸಿಕೊಂಡು ವಾಣಿಜ್ಯ ಕಾರ್ಯಾಚರಣೆಗಳಲ್ಲಿ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಹಡಗುಗಳಿಗೆ ಸಹಾಯ ಮಾಡಲು ಈ ವ್ಯವಸ್ಥೆಗಳನ್ನು ಬಳಸಲಾಗುತ್ತದೆ. ಆದ್ದರಿಂದ, ಐ.ಬಿ.ಎಸ್. ಅನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ, ಎಎಫ್ ಎಲ್ ಎಸ್ ಕಡಲ ಸಾರಿಗೆ ನಿರ್ವಹಣೆಯಲ್ಲಿ ಮೇಲುಗೈ ಸಾಧಿಸುತ್ತದೆ.
        ಕಡಲ ಪೂರೈಕೆ ಸರಪಳಿಯಲ್ಲಿ ಡಿಜಿಟಲೀಕರಣವು ಹೆಚ್ಚು ಪ್ರಾಮುಖ್ಯತೆ ಪಡೆದಂತೆ, ಈ ವ್ಯಾಪಾರ ವಲಯಕ್ಕೆ ವಿಸ್ತರಣೆಯು ಐ.ಬಿ.ಎಸ್ ಗೆ ಹೊಸ ಅವಕಾಶಗಳನ್ನು ಒದಗಿಸುತ್ತದೆ. ಸಾರಿಗೆ ಮತ್ತು ಪೂರೈಕೆ ಸರಪಳಿ ನಿರ್ವಹಣೆಯಲ್ಲಿ ಆಧುನೀಕರಣವನ್ನು ಹೆಚ್ಚು ನುರಿತ ಮಾನವಶಕ್ತಿಯನ್ನು ಪಡೆದುಕೊಳ್ಳುವ ಮೂಲಕ ಸಾಧಿಸಬಹುದು ಮತ್ತು ಆ ಮೂಲಕ ಈ ಉದ್ಯಮದಲ್ಲಿ ಮೌಲ್ಯ ಸೃಷ್ಟಿಗೆ ಚಾಲನೆ ನೀಡಬಹುದು.
       ಎ.ಎಫ್.ಎಲ್.ಎಸ್ ಮೂಲಕ ಕಾರ್ಯಾಚರಣೆಗಳನ್ನು ವಿಸ್ತರಿಸುವ ಭಾಗವಾಗಿ, ಐ.ಬಿ.ಎಸ್  ಚೆನ್ನೈನಲ್ಲಿ ಹೊಸ ಅಭಿವೃದ್ಧಿ ಕೇಂದ್ರವನ್ನು ತೆರೆಯುತ್ತದೆ. ಇದು ಭಾರತದಲ್ಲಿ ಐ.ಬಿ.ಎಸ್ ನ ನಾಲ್ಕನೇ ಸಾಫ್ಟ್‍ವೇರ್ ಅಭಿವೃದ್ಧಿ ಕೇಂದ್ರವಾಗಿದೆ. ಸಾರಿಗೆ ವಲಯದಲ್ಲಿನ ಕಂಪನಿಗಳ ಬೆಳವಣಿಗೆ ಮತ್ತು ದಕ್ಷತೆಯನ್ನು ಸುಧಾರಿಸಲು ಮತ್ತು ವಿಭಿನ್ನ ಗ್ರಾಹಕ ಸೇವೆಯನ್ನು ಒದಗಿಸಲು ಆಧುನಿಕ ಸಾಫ್ಟ್‍ವೇರ್ ಅನ್ನು ಅಭಿವೃದ್ಧಿಪಡಿಸುವ ಉದ್ದೇಶದಿಂದ ಚೆನ್ನೈ ಕೇಂದ್ರವನ್ನು ಸ್ಥಾಪಿಸಲಾಗುತ್ತಿದೆ.
         ಎಎಫ್ ಎಲ್ ಎಸ್ ಅನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ, ಐ.ಬಿ.ಎಸ್  ವಾಯು ಸರಕು ವಲಯದಲ್ಲಿ ಸಂಪೂರ್ಣತೆಯನ್ನು ಸಾಧಿಸಲು ಸಾಧ್ಯವಾಗುತ್ತದೆ. ಇದಲ್ಲದೆ, ಈ ವಲಯಗಳಲ್ಲಿ ರೂಪಾಂತರ ಮತ್ತು ನಾವೀನ್ಯತೆಯನ್ನು ಸಕ್ರಿಯಗೊಳಿಸಲು ಪಾಲುದಾರಿಕೆ ಮಾಡುವ ಮೂಲಕ ಏರ್ ಕಾರ್ಗೋ ವಲಯದಲ್ಲಿ ತಂತ್ರಜ್ಞಾನದ ಪ್ರಥಮ ಪೂರೈಕೆದಾರರಾಗಲು ಐಬಿಎಸ್  ಅನ್ನು ಸಕ್ರಿಯಗೊಳಿಸುತ್ತದೆ.
          ಇಂದು ಏರ್‍ಲೈನ್ಸ್‍ನಿಂದ ಏರ್‍ಫ್ರೀಟ್ ವ್ಯವಹಾರಕ್ಕೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ. ಈ ಕಂಪನಿಗಳ ನಡುವಿನ ಪಾಲುದಾರಿಕೆಯನ್ನು ಸುಲಭಗೊಳಿಸಲು ಎ.ಎಫ್.ಎಲ್.ಎಸ್  ಕ್ಲೌಡ್-ಆಧಾರಿತ ಸಹಯೋಗ ವ್ಯವಸ್ಥೆಯನ್ನು ಹೊಂದಿದೆ. ಎಎಫ್ ಎಲ್ ಎಸ್ ಅನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಆಧುನೀಕರಿಸಿದ ಬೆಳವಣಿಗೆಯನ್ನು ವೇಗಗೊಳಿಸಬಹುದು. ಈ ಕ್ರಮವು ಜಾಗತಿಕ ಸರಕು ಸಾಗಣೆ ಜಾಲದಾದ್ಯಂತ ತಂತ್ರಜ್ಞಾನದ ಪ್ರಮುಖ ಪೂರೈಕೆದಾರರಾಗಲು ಐಬಿಎಸ್  ಅನ್ನು ಸಕ್ರಿಯಗೊಳಿಸುತ್ತದೆ.
       ಎಎಫ್‍ಎಲ್‍ಎಸ್‍ನ ಸ್ವಾಧೀನವು ಐಬಿಎಸ್‍ಗೆ ಜಾಗತಿಕವಾಗಿ ಕಾರ್ಗೋ ಮತ್ತು ಲಾಜಿಸ್ಟಿಕ್ಸ್‍ನಲ್ಲಿ ತನ್ನನ್ನು ತಾನು ಇರಿಸಿಕೊಳ್ಳಲು ಮತ್ತು ಸಾಗರ ವಲಯದಲ್ಲಿ ತನ್ನ ಕಾರ್ಯಾಚರಣೆಯನ್ನು ವಿಸ್ತರಿಸುವ ಮೂಲಕ ಉದ್ಯಮದಲ್ಲಿ ತನ್ನ ಪರಿಣತಿಯನ್ನು ಹೆಚ್ಚಿಸಲು ಒಂದು ಕಾರ್ಯತಂತ್ರದ ಮೈಲಿಗಲ್ಲಾಗಿದೆ ಎಂದು ಐಬಿಎಸ್ ಸಾಫ್ಟ್‍ವೇರ್ ಕಾರ್ಯನಿರ್ವಾಹಕ ಅಧ್ಯಕ್ಷ ವಿ.ಕೆ. ಮ್ಯಾಥ್ಯೂಸ್ ಹೇಳಿದರು.
ಐಬಿಎಸ್ ಸಾಫ್ಟ್‍ವೇರ್ ಸಿಇಒ ಆನಂದ್ ಕೃಷ್ಣನ್ ಮಾತನಾಡಿ, ಏರ್ ಕಾರ್ಗೋ ಲಾಜಿಸ್ಟಿಕ್ಸ್ ವ್ಯವಹಾರದಲ್ಲಿನ ಇತ್ತೀಚಿನ ಬೆಳವಣಿಗೆಗಳು ಪೂರೈಕೆ ಸರಪಳಿಯ ಪ್ರತಿಯೊಂದು ಹಂತದಲ್ಲೂ ಪರಿಣಾಮ ಬೀರುತ್ತಿವೆ ಮತ್ತು ಎಎಫ್‍ಎಲ್‍ಎಸ್ ಸ್ವಾಧೀನಪಡಿಸಿಕೊಳ್ಳುವಿಕೆಯು ಡಿಜಿಟಲ್ ಆವಿμÁ್ಕರದ ಮೂಲಕ ತನ್ನ ಜಾಗತಿಕ ವಿತರಣಾ ಜಾಲ ಕಾರ್ಯಾಚರಣೆಗಳನ್ನು ವಿಸ್ತರಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು.