ಏರ್‌ ಇಂಡಿಯಾ ವಿಮಾನ ಲ್ಯಾಂಡಿಂಗ್‌ ವೇಳೆ ನೆರವು ಕೇಳಿದ ಪೈಲಟ್‌

 

               ತಿರುವನಂತಪುರ: ದುಬೈನಿಂದ ತಿರುವನಂತಪುರಕ್ಕೆ ಭಾನುವಾರ ಬಂದ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ವಿಮಾನದಲ್ಲಿ ಲ್ಯಾಂಡಿಗ್‌ ವೇಳೆ ತೊಂದರೆ ಕಾಣಿಸಿಕೊಂಡ ಪರಿಣಾಮ, ಪೈಲಟ್‌ ವಿಮಾನ ನಿಲ್ದಾಣದ ನೆರವು ಕೇಳಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

                    ವಿಮಾನದಲ್ಲಿ 148 ಮಂದಿ ಪ್ರಯಾಣಿಕರಿದ್ದು, ಅದು ಸುರಕ್ಷಿತವಾಗಿ ಲ್ಯಾಂಡಿಂಗ್‌ ಆಗಿದೆ.

ಪೈಲಟ್‌ ತುರ್ತು ಪರಿಸ್ಥಿತಿ ಘೋಷಿಸಿರಲಿಲ್ಲ ಎಂದು ವಿಮಾನ ನಿಲ್ದಾಣದ ಅಧಿಕಾರಿಗಳು ತಿಳಿಸಿದ್ದಾರೆ.

              'ಬಳಿಕ ವಿಮಾನವನ್ನು ಪರಿಶೀಲಿಸಿದಾಗ ವಿಮಾನದ ಚಕ್ರದ ಮೇಲಿನ ಪದರವು ಎದ್ದು ಹೋಗಿತ್ತು. ಇದು ಗಂಭೀರವಾದ ದೋಷವಲ್ಲ' ಎಂದಿದ್ದಾರೆ.