ನಿಧಿ ಹುಡುಕಲು ಮಾಂತ್ರಿಕ ಕ್ರಿಯೆಗೆ ಹಣ ವಂಚನೆ: ಮತ್ತೊಂದು ಪ್ರಕರಣ: ರಶೀದ್ ಮತ್ತು ಕುಟುಂಬದಿಂದ ನಾಲ್ಕೂವರೆ ಲಕ್ಷ ವಂಚನೆ ಪ್ರಕರಣ ದಾಖಲು

             ಕಣ್ಣೂರು: ನಿಧಿ ಹೊಂದುವುದಾಗಿ ವಂಚಿಸಿ ಯುವತಿಯಿಂದ ಲಕ್ಷಾಂತರ ರೂಪಾಯಿ ಸುಲಿಗೆ ಮಾಡಿದ ಪ್ರಕರಣದಲ್ಲಿ ಮಾಂತ್ರಿಕ ರಶೀದ್ ಹಾಗೂ ಆತನ ಕುಟುಂಬದವರ ವಿರುದ್ಧ ಪೋಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
             ಕಣ್ಣೂರಿನ ಪಯ್ಯನ್ನೂರಿನಲ್ಲಿ ಈ ಘಟನೆ ನಡೆದಿದೆ.
         ಚೆರುಪುಳದ ಎಂ.ಟಿ.ಪಿ ರಶೀದ್, ತಾಯಿ ಝೈನಾಬಾ, ಪತ್ನಿ ಆಸಿಫಾ, ಸಹೋದರರಾದ ಶರ್ಫುದ್ದೀನ್, ಪಿ ಶಂಸು, ನಿಜಾಮ್, ಉಸ್ತಾದ್ ಅಬು ಹನ್ನಾ ಮತ್ತು ಕಾಸರಗೋಡು ತಂಙಳ್ ವಿರುದ್ಧ ಪಯ್ಯನ್ನೂರು ಪೆÇಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. 2022ರ ಜನವರಿಯಿಂದ ಜೂನ್ ವರೆಗಿನ ಅವಧಿಯಲ್ಲಿ ಸುಮಾರು ನಾಲ್ಕೂವರೆ ಲಕ್ಷ ರೂಪಾಯಿ ವಂಚಿಸಲಾಗಿದೆ ಎಂಬುದು ಜಮೀಲಾ ಅವರ ದೂರು.
          ಕಾರಮೇಲ್‍ನ ಕೋವಲ್ ಮುಪ್ಪಂರಕಟ್‍ನ ಜಮೀಲಾ ಎಂಬುವರ ದೂರಿನ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದ್ದು, ನಿಧಿಯನ್ನು ಪತ್ತೆ ಹಚ್ಚಿ ಕೊಡಲು ಹಾಗೂ ಕೌಟುಂಬಿಕ ಕಲಹ ತಪ್ಪಿಸಲು ಪರಿಣಾಮಕಾರಿ ಪೂಜೆ ಸಲ್ಲಿಸಲು ಹಲವು ಹಂತಗಳಲ್ಲಿ ಹಣ ವಸೂಲಿ ಮಾಡಲಾಗಿದೆ. ಹಣ ಪಡೆದು ಕಿರುಕುಳ ನೀಡಿ ನಂತರ ವಂಚಿಸುವುದು ಈ ಗುಂಪಿನ ಉದ್ದೇಶವಾಗಿತ್ತು ಎನ್ನುತ್ತಾರೆ ಜಮೀಲಾ. ಜಮೀಲಾಳನ್ನೂ ಲೈಂಗಿಕವಾಗಿ ಬಳಸಿಕೊಳ್ಳಲು ರಶೀದ್ ಯತ್ನಿಸಿದ್ದ ಎನ್ನಲಾಗಿದೆ.
          ಮತ್ತೆ ಗುಂಪು ಜಮೀಲಾಳ ಮನೆಗೆ ಬಂದು ಪೂಜೆ ಸಲ್ಲಿಸಿತು. ನಿಧಿ ಸಿಗದಿದ್ದರೆ ಹಣ ವಾಪಸ್ ಕೊಡಿಸುವುದಾಗಿಯೂ ಜಮೀಲಾ ಅವರಿಗೆ ಭರವಸೆ ನೀಡಲಾಗಿತ್ತು. ಅವರ ಚಲನವಲನದ ಬಗ್ಗೆ ಅನುಮಾನಗೊಂಡ ಜಮೀಲಾ ಈ ವೇಳೆ ಸಂಬಂಧಿಕರಿಗೆ ಮಾಹಿತಿ ನೀಡಿದ್ದರು.
            ಮತ್ತೆ ರಾತ್ರಿ ವಿಧಿವಿಧಾನಕ್ಕೆ ಬಂದ ಗುಂಪನ್ನು ಸಂಬಂಧಿಕರು ವಿಚಾರಿಸಿದ್ದಾರೆ. ಇದು ವಾಗ್ವಾದಕ್ಕೆ ಕಾರಣವಾಯಿತು. ಸಂಬಂಧಿಕರು ಗುಂಪು ಜಾದೂ ಮಾಡುತ್ತಿದ್ದ ಫೆÇೀಟೋಗಳನ್ನು ಸಹ ತೆಗೆದುಕೊಂಡರು. ಈ ವೇಳೆ ಮಾಂತ್ರಿಕ ತಂಡ ಶೀಘ್ರದಲ್ಲೇ ತಪ್ಪಿಸಿಕೊಂಡಿತು.  ಜಮೀಲಾ ನೀಡಿದ ದೂರಿನ ಮೇರೆಗೆ ಪೆÇಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ಇದೀಗ  ತನಿಖೆ ಆರಂಭಿಸಿದ್ದಾರೆ. ಸೆಕ್ಷನ್ 420 ರ ಅಡಿಯಲ್ಲಿ ಆರೋಪಿಗಳ ವಿರುದ್ಧ ವಂಚನೆ ಆರೋಪ ಹೊರಿಸಲಾಗಿದೆ.