ಮೋಟಾರು ವಾಹನ ಇಲಾಖೆಯ ಸುರಕ್ಷಿತ ಕೇರಳ ಯೋಜನೆ ಮತ್ತು ಶಬರಿಮಲೆ ಸುರಕ್ಷಿತ ವಲಯ ಯೋಜನೆಯಲ್ಲಿ ಅಕ್ರಮಗಳನ್ನು ಪತ್ತೆಮಾಡಿದ ವಿಜಿಲೆನ್ಸ್

              ತ್ರಿಶೂರ್: ಮೋಟಾರು ವಾಹನ ಇಲಾಖೆಯ ಸೇಫ್ ಕೇರಳ ಯೋಜನೆ ಮತ್ತು ಶಬರಿಮಲೆ ಸೇಫ್ ಝೋನ್ ಯೋಜನೆಯಲ್ಲಿ ಅವ್ಯವಹಾರ ನಡೆದಿರುವುದನ್ನು ವಿಜಿಲೆನ್ಸ್ ಪತ್ತೆ ಮಾಡಿದೆ.
              ವಿಜಿಲೆನ್ಸ್ ವಿಸ್ತೃತ ತನಿಖೆಗೆ ಅನುಮತಿ ಕೋರಿ ಹಣಕಾಸು ಇಲಾಖೆಗೆ ವರದಿ ಸಲ್ಲಿಸಿದೆ.
            ರಸ್ತೆ ಸುರಕ್ಷತೆ ಉದ್ದೇಶದಿಂದ ಮೋಟಾರು ವಾಹನ ಇಲಾಖೆ ಜಾರಿಗೆ ತಂದಿರುವ ಶಬರಿಮಲೆ ಸೇಫ್ ಝೋನ್ ಮತ್ತು ಸೇಫ್ ಕೇರಳ ಯೋಜನೆಗಳ ನೆಪದಲ್ಲಿ ಕೋಟ್ಯಂತರ ರೂಪಾಯಿ ಅವ್ಯವಹಾರ ನಡೆದಿರುವುದು ವಿಜಿಲೆನ್ಸ್ ನ ಪ್ರಾಥಮಿಕ ತನಿಖೆ ದೃಢಪಡಿಸಿದೆ.  ಹತ್ತು ವರ್ಷಗಳಿಂದ ಬಿಲ್, ವೋಚರ್ ಗಳಿಲ್ಲದೇ ಬೃಹತ್ ಮೊತ್ತ ಬರೆದಿರುವುದು ಹಾಗೂ ರಸ್ತೆ ಸುರಕ್ಷತಾ ಸಪ್ತಾಹ ಆಚರಣೆಗೆ ಹಣ ಹಂಚಿಕೆ ಹಾಗೂ ಬಳಕೆಯಲ್ಲಿ ಅವ್ಯವಹಾರ ನಡೆದಿರುವುದು ಕಂಡುಬಂದಿದೆ. ವಿಜಿಲೆನ್ಸ್ ವರದಿ ಪ್ರಕಾರ ಹಣಕಾಸು ಇಲಾಖೆಯ ಸೂಚನೆ ಬಂದ ನಂತರ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುವುದು.