ರೈಲು ಹಳಿ ನಿರ್ವಹಣೆ: ರೈಲು ಸಂಚಾರ ನಿಯಂತ್ರಣ

                      ತಿರುವನಂತಪುರಂ: ಭಾನುವಾರ ಮತ್ತು ಸೋಮವಾರ ರೈಲು ಸಂಚಾರದಲ್ಲಿ ನಿಯಂತ್ರಣ ಹೇರಲಾಗಿದೆ. ತ್ರಿಶೂರ್ ರೈಲ್ವೆ ಹಳಿ ನಿರ್ವಹಣಾ ಕಾಮಗಾರಿ ನಡೆಯುತ್ತಿರುವುದರಿಂದ ಸಂಚಾರ ನಿರ್ಬಂಧ ಹೇರಲಾಗಿದೆ.
               ತಿರುವನಂತಪುರಂ-ಕಣ್ಣೂರು ಜನಶತಾಬ್ದಿ, ಎರ್ನಾಕುಳಂ-ಶೋರ್ನೂರು ಎಂಇಎಂಯು, ಎರ್ನಾಕುಳಂ-ಗುರುವಾಯೂರ್ ಎಕ್ಸ್‍ಪ್ರೆಸ್ ಭಾನುವಾರ ಸಂಚಾರ ಮೊಟಕುಗೊಳಿಸಿದ್ದವು. ನಾಳೆ(27 ಫೆ.) ಕಣ್ಣೂರು- ತಿರುವನಂತಪುರಂ ಜನಶತಾಬ್ದಿ ಸಂಚಾರ ರದ್ದಾಗಿದೆ.
                         ಕಣ್ಣೂರು-ಎರ್ನಾಕುಳಂ ಎಕ್ಸ್‍ಪ್ರೆಸ್ ಭಾನುವಾರ ತ್ರಿಶೂರ್ ವರೆಗೆ ಮಾತ್ರ ಸಂಚರಿಸಿತು.  ತಿರುವನಂತಪುರಂ-ಚೆನ್ನೈ ಮೇಲ್ ತ್ರಿಶೂರ್‍ನಿಂದ ಭಾನುವಾರ ರಾತ್ರಿ 8.43ಕ್ಕೆ ಹೊgಟಿತು. ಕನ್ಯಾಕುಮಾರಿಯಿಂದ ಹೊರಡಲಿರುವ ಬೆಂಗಳೂರು ಎಕ್ಸ್‍ಪ್ರೆಸ್ ಎರಡು ಗಂಟೆ ತಡವಾಗಿ ಹೊರಟಿತು ಎಂದು ರೈಲ್ವೆ ಇಲಾಖೆ ತಿಳಿಸಿದೆ. ರೈಲು ರದ್ದಾದ ಕಾರಣ  ಕೆಎಸ್‍ಆರ್‍ಟಿಸಿ ಪ್ರಯಾಣಿಕರಿಗಾಗಿ ಹೆಚ್ಚಿನ ದೂರದ ಸೇವೆಗಳನ್ನು ಪ್ರಾರಂಭಿಸಿದೆ.