ಗುರುವಾಯೂರ್ ಮೇಲ್ಶಾಂತಿಯಾಗಿ ಶಿವಕರನ್ ನಂಬೂದಿರಿ ಆಯ್ಕೆ: ಏಪ್ರಿಲ್ 1 ರಂದು ಅಧಿಕಾರ ಸ್ವೀಕಾರ

                ಗುರುವಾಯೂರು: ಗುರುವಾಯೂರು ದೇವಸ್ಥಾನದ ನೂತನ ಮೇಲ್ಶಾಂತಿಯಾಗಿ ಸಾಮವೇದ ವಿದ್ವಾಂಸರಾದ ಕೊಟ್ಟಾಯಂ ತೊಟ್ಟಂ ಶಿವಕರನ್ ನಂಬೂದಿರಿ ಆಯ್ಕೆಯಾಗಿದ್ದಾರೆ.
           ನಿನ್ನೆ ನಡೆದ ಡ್ರಾದಲ್ಲಿ ತ್ರಿಶೂರ್ ಪಂಜಾಲ್ ಮೂಲದ ಡಾ. ಶಿವಕರರು ಆಯ್ಕೆಯಾದರು. 40 ಜನರು ಮೇಲ್ಶಾಂತಿಗಾಗಿ ಅರ್ಜಿ ಸಲ್ಲಿಸಿದ್ದರು, ಅದರಲ್ಲಿ 33 ಜನರು ಸಭೆಗೆ ಹಾಜರಾಗಿದ್ದರು. 28 ಅರ್ಹ ಅಭ್ಯರ್ಥಿಗಳಿಂದ ಚೀಟಿ ಎತ್ತುವ ಮೂಲಕ ನೂತನ ಮೇಲ್ಶಾಂತಿಯನ್ನು ಆಯ್ಕೆ ಮಾಡಲಾಗಿದೆ.
            ದೇವಸ್ಥಾನದ ತಂತ್ರಿ ಚೆನ್ನಾಸ್ ದಿನೇಶ ನಂಬೂದಿರಿ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಅರ್ಹತೆ ಪಡೆದವರು ಡ್ರಾದಲ್ಲಿ ಭಾಗವಹಿಸಿದ್ದರು. ಮಧ್ಯಾಹ್ನ ಪೂಜೆಯ ಬಳಿಕ ಡ್ರಾ ನಡೆಯಿತು. ಹೊಸ ಮೇಲ್ಶಾಂತಿಯನ್ನು ಸಾಮಾನ್ಯವಾಗಿ ಈಗಿರುವ ಮೇಲ್ಶಾಂತಿ ಕಾಕಡು ಕಿರಣ್ ಆನಂದ್ ಚೀಟಿ ಎತ್ತಿ ಆಯ್ಕೆಮಾಡುವುದು ವಾಡಿಕೆ
             ಈ ಹಿಂದೆ ಹಲವು ಬಾರಿ ಶಿವಕರನ್ ನಂಬೂದಿರಿ ಗುರುವಾಯೂರು ಮೇಲ್ಶಾಂತಿಗಾಗಿ ಅರ್ಜಿ ಸಲ್ಲಿಸಿದ್ದರೂ, ಆಯ್ಕೆಯಾಗಿರುವುದು ಇದೇ ಮೊದಲು. ಹೊಸ ಜವಾಬ್ದಾರಿಯ ಬಗ್ಗೆ  ಡಾ. ಶಿವಕರನ್ ನಂಬೂದಿರಿ ಪ್ರತಿಕ್ರಿಯಿಸಿದರು. ಗುರುವಾಯೂರಿನಲ್ಲಿ ಸಾಮವೇದ ಮುರಜಪಂ ಸೇರಿದಂತೆ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಾರೆ.
           ಈ ತಿಂಗಳ 31 ರಂದು ಪ್ರಸ್ತುತ ಶಾಂತಿಯ ಅವಧಿ ಮುಕ್ತಾಯವಾಗಲಿದೆ. ಹೊಸ ಮೇಲ್ಶಾಂತಿ ಏಪ್ರಿಲ್ 1 ರಿಂದ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.