ದಕ್ಷಿಣ ರಾಜ್ಯಗಳ ಪ್ರಧಾನಮಂತ್ರಿ ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್ ಕುರಿತು ಪ್ರಾದೇಶಿಕ ಎರಡು ದಿನಗಳ ಕಾರ್ಯಾಗಾರ ಇಂದಿನಿಂದ ಕೊಚ್ಚಿಯಲ್ಲಿ

              ಕೊಚ್ಚಿ: ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯದ (ಡಿಪಿಐಐಟಿ) ಅಡಿಯಲ್ಲಿ ಉದ್ಯಮ ಮತ್ತು ಆಂತರಿಕ ವ್ಯಾಪಾರದ ಉತ್ತೇಜನ ಇಲಾಖೆ (ಡಿಪಿಐಐಟಿ) ಪ್ರಧಾನ ಮಂತ್ರಿ ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್ (ಎನ್‍ಎಂಪಿ) ಮೇಲೆ ಇಂದು ಮತ್ತು ನಾಳೆ ಕೊಚ್ಚಿ ಮೆರಿಡಿಯನ್‍ನಲ್ಲಿ ಕಾರ್ಯಾಗಾರ ಆಯೋಜಿಸಲಾಗಿದೆ.
           ಎರಡು ದಿನಗಳ ಕಾರ್ಯಾಗಾರದಲ್ಲಿ ಕೇಂದ್ರದ ವಿವಿಧ ಸಚಿವಾಲಯಗಳು ಮತ್ತು ಇಲಾಖೆಗಳ ಹಿರಿಯ ಅಧಿಕಾರಿಗಳು ಭಾಗವಹಿಸಲಿದ್ದಾರೆ. ಕೇರಳ, ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ, ತಮಿಳುನಾಡು, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು, ಪುದುಚೇರಿ, ಲಕ್ಷದ್ವೀಪ, ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಮನ್ ದಿಯು ಸಹ ಕಾರ್ಯಾಗಾರದಲ್ಲಿ ಸರ್ಕಾರದ ಪ್ರತಿನಿಧಿಗಳು ಭಾಗವಹಿಸಲಿದ್ದಾರೆ.
           ಕಾರ್ಯಾಗಾರದ ಮೊದಲ ದಿನ ಮೂಲಸೌಕರ್ಯ ಅಭಿವೃದ್ಧಿ ಮತ್ತು ಸಾಮಾಜಿಕ ವಲಯದ ಯೋಜನೆ, ಸಮಗ್ರ ವಿಧಾನದೊಂದಿಗೆ ಪ್ರಧಾನ ಮಂತ್ರಿ ಗತಿ ಶಕ್ತಿ ಯೋಜನೆಯ ಅಳವಡಿಕೆಯ ಪ್ರಾತ್ಯಕ್ಷಿಕೆ, ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಉತ್ತಮ ಅಭ್ಯಾಸಗಳ ಪ್ರಾತ್ಯಕ್ಷಿಕೆ, ಏಕೀಕೃತ ಲಾಜಿಸ್ಟಿಕ್ಸ್ ಇಂಟರ್ಫೇಸ್ ಪ್ಲಾಟ್‍ಫಾರ್ಮ್ (ಯುಲಿಪ್) ಪ್ರಸ್ತುತಿ ವಿವಿಧ ಪ್ರದರ್ಶನಗಳನ್ನು ಆಯೋಜಿಸಲಾಗಿದೆ. ಸೇವೆಗಳು ಮತ್ತು ಸಲಕರಣೆಗಳ ನಿಯೋಜನೆಗೆ ಸಂಬಂಧಿಸಿದ ಲಾಜಿಸ್ಟಿಕ್ಸ್ ಘಟಕಗಳು ನಡೆಯಲಿದೆ.
          ಕಾರ್ಯಾಗಾರದ ಎರಡನೇ ದಿನ (ನಾಳೆ) ಸುಸ್ಥಿರ ನಗರಗಳನ್ನು ರಚಿಸಲು ರಾಜ್ಯ ಲಾಜಿಸ್ಟಿಕ್ಸ್ ನೀತಿಗಳ ರಚನೆ, ಅನುಷ್ಠಾನ ಮತ್ತು ಮೇಲ್ವಿಚಾರಣೆ ಮತ್ತು ರಾಷ್ಟ್ರೀಯ ಲಾಜಿಸ್ಟಿಕ್ಸ್ ನೀತಿ ಮತ್ತು ಸಮಗ್ರ ಲಾಜಿಸ್ಟಿಕ್ಸ್ ಕ್ರಿಯಾ ಯೋಜನೆಯ ಪ್ರಮುಖ ಲಕ್ಷಣಗಳ ಪ್ರಸ್ತುತಿ ಕುರಿತು ಚರ್ಚೆಯನ್ನು ಆಯೋಜಿಸಲಾಗಿದೆ. ಬಂದರು ಸಂಪರ್ಕ ಮತ್ತು ಕರಾವಳಿ ಯೋಜನೆಗಳನ್ನು ಅಧ್ಯಯನ ಮಾಡಲು ಕೊಚ್ಚಿ ಬಂದರಿಗೆ ಭೇಟಿ ನೀಡುವುದು ಸಹ ದಿನದ ಭಾಗವಾಗಿದೆ.
         ಕೊಚ್ಚಿಯಲ್ಲಿ ನಡೆಯಲಿರುವ ಕಾರ್ಯಾಗಾರವು ದೇಶದಾದ್ಯಂತ ಯೋಜಿಸಲಾಗಿರುವ ಐದು ಪ್ರಾದೇಶಿಕ ಕಾರ್ಯಾಗಾರಗಳಲ್ಲಿ ಎರಡನೆಯದು. ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಸಹಯೋಗದೊಂದಿಗೆ ಕೈಗಾರಿಕೆ ಮತ್ತು ದೇಶೀಯ ವ್ಯಾಪಾರ ಉತ್ತೇಜನ ಇಲಾಖೆಯಿಂದ ಇವುಗಳನ್ನು ಆಯೋಜಿಸಲಾಗಿದೆ. ಇದು ಪಿ.ಎಂ. ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್ (ಎನ್.ಎಂ.ಪಿ) ನ ಮಧ್ಯಸ್ಥಗಾರರಲ್ಲಿ ಶಕ್ತಿ ತುಂಬುವ ಮತ್ತು ಸಿನರ್ಜಿಯನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ.
          ಪ್ರಾದೇಶಿಕ ಕಾರ್ಯಾಗಾರಗಳು ಸಮಗ್ರ ಯೋಜನೆಗಾಗಿ ರಾಜ್ಯ ತಾಂತ್ರಿಕ ಬೆಂಬಲ ಘಟಕಗಳ ಸಾಂಸ್ಥಿಕ ಚೌಕಟ್ಟನ್ನು ಬಲಪಡಿಸುವತ್ತ ಗಮನಹರಿಸುತ್ತವೆ. ಪ್ರಧಾನಮಂತ್ರಿ ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್ ಅಳವಡಿಕೆ ಮತ್ತು ಅನುμÁ್ಠನದಲ್ಲಿನ ಸಾಮಾನ್ಯ ಸವಾಲುಗಳು ಮತ್ತು ಸಮಸ್ಯೆಗಳನ್ನು ಗುರುತಿಸುವುದು ಮತ್ತು ಪ್ರಧಾನಮಂತ್ರಿ ಗತಿ ಶಕ್ತಿಯ ಅಳವಡಿಕೆಗಾಗಿ ಜಿಲ್ಲಾ ಮಟ್ಟದ ಯೋಜನಾ ಚೌಕಟ್ಟಿನ ಕುರಿತು ಚರ್ಚೆಗಳು ಸಹ ಗಮನದ ಕ್ಷೇತ್ರಗಳಾಗಿವೆ.
        ಪ್ರಧಾನ ಮಂತ್ರಿ ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್‍ನ ಸಮಗ್ರ ಯೋಜನೆ ಮತ್ತು ಯೋಜನಾ ಅನುμÁ್ಠನಕ್ಕಾಗಿ 36 ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗÀಳಿಂದ ಸಶಕ್ತ ಕಾರ್ಯದರ್ಶಿಗಳ ಗುಂಪು , ನೆಟ್‍ವರ್ಕ್ ಯೋಜನಾ ಗುಂಪು ಮತ್ತು ತಾಂತ್ರಿಕ ಬೆಂಬಲ ಘಟಕಗಳನ್ನು ರಚಿಸಲಾಗಿದೆ.