ಖೋಟೋ ನೋಟು ಪ್ರಕರಣ: ಅಲಪ್ಪುಳದಲ್ಲಿ ಕೃಷಿ ಅಧಿಕಾರಿಯ ಬಂಧನ

                ಆಲಪ್ಪುಳ: ನಕಲಿ ನೋಟು ಪ್ರಕರಣದಲ್ಲಿ ಎಡವಟ್ಟಾದ ಕೃಷಿ ಅಧಿಕಾರಿಯನ್ನು ಬಂಧಿಸಲಾಗಿದೆ. ಆಲಪ್ಪುಳ ದಕ್ಷಿಣ ಪೊಲೀಸರು ಎಂ.ಜಿಶಾಮೋಳ್ ಅವರನ್ನು ಬಂಧಿಸಿದ್ದಾರೆ.
              ಅವರಿಂದ ಪಡೆದ 7 ನಕಲಿ ನೋಟುಗಳನ್ನು ಮತ್ತೊಬ್ಬರು ಬ್ಯಾಂಕ್‍ಗೆ ನೀಡಿದಾಗ ವಂಚನೆ ಬೆಳಕಿಗೆ ಬಂದಿದೆ. ಅವರಿಗೆ ನಕಲಿ ನೋಟುಗಳು ಎಲ್ಲಿಂದ ಬಂದವು, ಅವುಗಳ ಮೂಲ ಅಥವಾ ಇದರ ಹಿಂದೆ ಯಾರಿದ್ದಾರೆ ಎಂಬುದನ್ನು ಅವರು ಇನ್ನೂ ಬಹಿರಂಗಪಡಿಸಿಲ್ಲ.
           ಖೋಟಾ ನೋಟಿನ ಕುರಿತು ವಿಚಾರಣೆ ಮುಂದುವರಿದಿದೆ ಎಂದು ಅಲಪ್ಪುಳ ದಕ್ಷಿಣ ಪೆÇಲೀಸರು ಮಾಹಿತಿ ನೀಡಿದ್ದಾರೆ. 500ರ 7 ನಕಲಿ ನೋಟುಗಳನ್ನು ಜಿಶಾಮೋಲ್‍ಗೆ ಪರಿಚಯವಿದ್ದ ಮೀನುಗಾರಿಕೆ ಉಪಕರಣ ಮಾರಾಟಗಾರ ಬ್ಯಾಂಕ್‍ಗೆ ನೀಡಿದ್ದ. ಆದರೆ, ಇವು ನಕಲಿ ನೋಟು ಎಂಬುದು ಗೊತ್ತಿರಲಿಲ್ಲ ಎಂದು ಪೊಲೀಸರಿಗೆ ಆತ ತಿಳಿಸಿದ್ದ.
           ಜಿಶಾಮೋಲ್ ಅವರು ಅಲಪ್ಪುಳದ ಕಲರಿಕಲ್ ಪ್ರದೇಶದಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಜಿಶಾ ಅವರು ಈ ಹಿಂದೆ ಕೆಲಸ ಮಾಡಿದ ಕಚೇರಿಯಲ್ಲಿ ಅಕ್ರಮಗಳನ್ನು ಎಸಗಿದ್ದಾರೆ ಮತ್ತು ನಕಲಿ ವಿವಾಹ ಪ್ರಮಾಣಪತ್ರವನ್ನು ತಯಾರಿಸಲು ಪ್ರಯತ್ನಿಸಿದ್ದಾರೆ ಎಂದು ಆರೋಪಿಸಲಾಗಿತ್ತು.