ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಎಳನೀರನ್ನು ಅಮೃತಕ್ಕೆ ಸಮಾನವೆಂದು ಹೇಳಲಾಗುತ್ತದೆ. ಬೇಸಿಗೆ ಕಾಲದಲ್ಲಿ ನಿರ್ಜಲೀಕರಣವನ್ನು ತಡೆಗಟ್ಟಿ ನಮ್ಮನ್ನು ಹೈಡ್ರೇಟ್‌ ಆಗಿಡಲು ಎಳನೀರು ಸಹಾಯ ಮಾಡುತ್ತದೆ.
ಅಷ್ಟಕ್ಕು ಎಳನೀರು ದೊಡ್ಡವರಿಗೂ ಮಾತ್ರವಲ್ಲ ಮಕ್ಕಳಿಗೂ ಕೂಡ ಒಳ್ಳೆಯದು. ಆದರೆ ಯಾವ ವಯಸ್ಸಿನಲ್ಲಿ ಮಕ್ಕಳಿಗೆ ಎಳನೀರು ನೀಡಬೇಕು? ಎಷ್ಟು ಪ್ರಮಾಣದಲ್ಲಿ ನೀಡಬೇಕು? ಎಷ್ಟನೇ ವಯಸ್ಸಿನಲ್ಲಿ ಕೊಟ್ಟರೆ ಒಳ್ಳೆಯದು? ಇದರಿಂದ ಮಕ್ಕಳಿಗೆ ಆಗುವ ಆರೋಗ್ಯಕಾರಿ ಪ್ರಯೋಜನಗಳ ಬಗ್ಗೆ ತಿಳಿದುಕೊಳ್ಳೋಣ.
ಮಕ್ಕಳ ಆರೋಗ್ಯಕ್ಕೆ ಎಳನೀರು ಉತ್ತಮಾನಾ?
ಹುಟ್ಟಿದ ಪ್ರತಿಯೊಂದು ಮಗುವಿಗೂ ತಾಯಿಯ ಎದೆಹಾಲಿಗಿಂತ ಉತ್ತಮವಾದ ಆಹಾರ ಮತ್ತೊಂದಿಲ್ಲ ಅಧ್ಯಯನಗಳ ಪ್ರಕಾರ ಎದೆಹಾಲಿನ ನಂತರ ಎಳನೀರು ಮಕ್ಕಳ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು ಎಂದು ಸಾಬೀತಾಗಿದೆ. ತೆಂಗಿನ ನೀರಿನಲ್ಲಿ ಮೊನೊಲೌರಿನ್ ಎಂಬ ಸಂಯುಕ್ತವಿದೆ. ಎಳನೀರು ಕುಡಿಯುವುದರಿಂದ ಮಗುವಿನ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಗಟ್ಟಿಗೊಳಿಸುತ್ತದೆ. ರೋಗಗಳ ವಿರುದ್ಧ ಹೋರಾಡಲು, ಶಿಶುಗಳನ್ನು ಶೀತ ಮತ್ತು ಜ್ವರದಿಂದ ರಕ್ಷಿಸಲು ಮತ್ತು ಸೋಂಕಿನ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.
ಯಾವ ವಯಸ್ಸಿನಲ್ಲಿ ಶಿಶುವಿಗೆ ತೆಂಗಿನ ನೀರು ನೀಡಿದರೆ ಉತ್ತಮ?
ಮಗುವಿಗೆ ಆರು ತಿಂಗಳು ತುಂಬಿದ ನಂತರ ತೆಂಗಿನ ನೀರನ್ನು ನೀಡಬಹುದು. ಆರು ತಿಂಗಳಿಂದ ಎಂಟು ತಿಂಗಳವರೆಗಿನ ಶಿಶುಗಳಿಗೆ ಅವರ ಆಹಾರದ ಜೊತೆಗೆ ತೆಂಗಿನ ನೀರನ್ನು ನೀಡಲಾಗುತ್ತದೆ. ಶಿಶುಗಳು ಸಾಮಾನ್ಯವಾಗಿ ಘನ ಆಹಾರವನ್ನು ಸೇವಿಸಲು ಪ್ರಾರಂಭಿಸಿದ ಕ್ಷಣದಿಂದ ತೆಂಗಿನ ನೀರನ್ನು ನೀಡಿದರೆ ಜೀರ್ಣಿಸಿಕೊಳ್ಳುವ ಶಕ್ತಿ ಅವರಲ್ಲಿರುತ್ತದೆ.
ಯಾವ ವಯಸ್ಸಿನಲ್ಲಿ ಶಿಶುವಿಗೆ ತೆಂಗಿನ ನೀರು ನೀಡಿದರೆ ಉತ್ತಮ?
ಮಗುವಿಗೆ ಆರು ತಿಂಗಳು ತುಂಬಿದ ನಂತರ ತೆಂಗಿನ ನೀರನ್ನು ನೀಡಬಹುದು. ಆರು ತಿಂಗಳಿಂದ ಎಂಟು ತಿಂಗಳವರೆಗಿನ ಶಿಶುಗಳಿಗೆ ಅವರ ಆಹಾರದ ಜೊತೆಗೆ ತೆಂಗಿನ ನೀರನ್ನು ನೀಡಲಾಗುತ್ತದೆ. ಶಿಶುಗಳು ಸಾಮಾನ್ಯವಾಗಿ ಘನ ಆಹಾರವನ್ನು ಸೇವಿಸಲು ಪ್ರಾರಂಭಿಸಿದ ಕ್ಷಣದಿಂದ ತೆಂಗಿನ ನೀರನ್ನು ನೀಡಿದರೆ ಜೀರ್ಣಿಸಿಕೊಳ್ಳುವ ಶಕ್ತಿ ಅವರಲ್ಲಿರುತ್ತದೆ.
ಜ್ವರ ಹಾಗೂ ಶೀತವಿದ್ದಾಗ ಶಿಶುವಿಗೆ ಎಳನೀರು ನೀಡಬಹುದಾ?
ಶೀತ ಮತ್ತು ಜ್ವರಕ್ಕೆ ಚಿಕಿತ್ಸೆ ನೀಡಲು ತೆಂಗಿನ ನೀರು ಅದ್ಭುತ ಟಾನಿಕ್ ಆಗಿದೆ. ಇದರಲ್ಲಿ ಸರಿಯಾದ ಪ್ರಮಾಣದಲ್ಲಿ ಜೀವಸತ್ವಗಳು, ಖನಿಜಗಳು ಮತ್ತು ಲವಣಗಳನ್ನು ಹೊಂದಿರುವುದರಿಂದ ಜ್ವರಕ್ಕೆ ಮತ್ತು ಜಠರಗರುಳಿನ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಸಹಾಯಕವಾಗಿದೆ. ಶೀತ ಮತ್ತು ಜ್ವರದ ವಿರುದ್ಧ ನೈಸರ್ಗಿಕ ಪರಿಹಾರಕ್ಕಾಗಿ ತೆಂಗಿನ ನೀರು ಉತ್ತಮ ಆಯ್ಕೆಯಾಗಿದೆ.
ಏಳನೀರಿನಿಂದ ಮಕ್ಕಳ ಆರೋಗ್ಯಕ್ಕೆ ಅಪಾಯವಿದ್ಯಾ?
ಒಂದು ವೇಳೆ ಆರು ತಿಂಗಳೊಳಗಿನ ಮಕ್ಕಳಿಗೆ ತೆಂಗಿನ ನೀರನ್ನು ನೀಡಿದಾಗ ಅವರಿಗೆ ಅಲರ್ಜಿಯಾಗುವ ಅಪಾಯಗಳು ಹೆಚ್ಚಿದೆ. ಆರು ತಿಂಗಳಿಗಿಂತ ದೊಡ್ಡ ಮಕ್ಕಳಿಗೆ ಮಾತ್ರ ತೆಂಗಿನ ನೀರನ್ನು ನೀಡಬೇಕು. ಇನ್ನೂ ತೆಂಗಿನ ನೀರಿನಲ್ಲಿ ಸಕ್ಕರೆ ಮತ್ತು ಸೋಡಿಯಂ ಅಂಶ ಅಧಿಕವಾಗಿದ್ದು, ಮಕ್ಕಳಿಗೆ ಇದನ್ನು ನೀಡುವ ಮೊದಲು ಅನ್ನದೊಂದಿಗೆ ಬೆರೆಸಿ ಅದನ್ನು ಪ್ಯೂರಿ ರೀತಿ ತಯಾರಿಸಿ ಕೊಟ್ಟರೆ ಉತ್ತಮ.
ಎಳನೀರಿನಿಂದ ಮಕ್ಕಳ ಆರೋಗ್ಯಕ್ಕೆ ಆಗುವ ಲಾಭಗಳೇನು?
* ತೆಂಗಿನ ನೀರು ಆಂಟಿಮೈಕ್ರೊಬಿಯಲ್ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿರುವ ಅದ್ಭುತವಾದ ಟಾನಿಕ್. ಇದು ಖಂಡಿತ ನಿಮ್ಮ ಮಗುವಿನ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ.
* ಎಳನೀರು ಚಯಾಪಚಯವನ್ನು ನಿಯಂತ್ರಿಸುತ್ತದೆ
* ಕರುಳಿನ ಹುಳುಗಳನ್ನು ನಿವಾರಿಸುತ್ತದೆ
* ಬೇಸಿಗೆಯ ಸಮಯದಲ್ಲಿ ದೇಹವನ್ನು ಹೈಡ್ರೇಟ್‌ ಆಗಿಡಲು ಸಹಕರಿಸುತ್ತದೆ
* ಜೀರ್ಣಾಂಗವ್ಯೂಹದ ಸಮಸ್ಯೆಗಳನ್ನು ಪರಿಹರಿಸುತ್ತದೆ
* ವಾಂತಿ, ಅಜೀರ್ಣ ಮತ್ತು ಅತಿಸಾರವನ್ನು ತಡೆಗಟ್ಟುತ್ತದೆ
* ಮಲಬದ್ಧತೆ, ವಾಯು ಮತ್ತು ಹೊಟ್ಟೆಯ ಹುಣ್ಣುಗಳನ್ನು ಗುಣಪಡಿಸುತ್ತದೆ
* ಹೊಟ್ಟೆಯ ದೋಷಗಳನ್ನು ನಿವಾರಿಸುತ್ತದೆ ಮತ್ತು ಅಜೀರ್ಣ ಮತ್ತು ಅತಿಸಾರದ ಮೂಲಕ ದ್ರವದ ನಷ್ಟವನ್ನು ತಡೆಯುತ್ತದೆ
* ಎದೆ ಹಾಲು ಮತ್ತು ಇತರ ಪುನರ್ಜಲೀಕರಣ ದ್ರವಗಳ ಜೊತೆಗೆ ಪೌಷ್ಟಿಕಾಂಶದ ಆರೋಗ್ಯಕರ ಮೂಲವಾಗಿದೆ
ಮಕ್ಕಳ ಆರೋಗ್ಯದ ಬಗ್ಗೆ ಜಾಗರೂಕತೆ ವಹಿಸೋದು ತಾಯಿಯಾದವರ ಕರ್ತವ್ಯ. ಮಕ್ಕಳಿಗೆ ಆರು ತಿಂಗಳು ತುಂಬಿದ ನಂತರವಷ್ಟೇ ಘನ ವಸ್ತುಗಳನ್ನು ನೀಡಬಹುದು. ಅದೇ ರೀತಿ ಎಳನೀರು ಕೂಡ ಮಕ್ಕಳ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಹೀಗಾಗಿ ಕೆಲವೊಂದು ಸೂಕ್ತಕ್ರಮಗಳನ್ನು ಅನುಸರಿಸಿ ಮಕ್ಕಳಿಗೆ ತೆಂಗಿನ ನೀರು ನೀಡಿದರೆ ಉತ್ತಮ.
DOCTYPE html>
