ಫಾರಿಸ್ ಅಬೂಬಕರ್ ಆಪ್ತ ನಜೀಂನಿಂದ ಬೇನಾಮಿ ವಹಿವಾಟಿನ ದಾಖಲೆಗಳ ಪತ್ತೆ: ಫ್ಲಾಟ್ ಗೆ ಸೀಲ್: ಚೆನ್ನೈ ಕಚೇರಿಗೆ ಹಾಜರಾಗುವಂತೆ ಸೂಚನೆ

              ಕೊಚ್ಚಿ: ರಿಯಲ್ ಎಸ್ಟೇಟ್ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಫಾರಿಸ್ ಅಬೂಬಕರ್ ನ ಆಪ್ತ ನಜೀಂ ಅಹ್ಮದ್ ನ ಫ್ಲ್ಯಾಟ್ ಗೆ ಆದಾಯ ತೆರಿಗೆ ಇಲಾಖೆ ಸೀಲ್ ಹಾಕಿದೆ.
              ಫಾರಿಸ್ ಅಬೂಬಕರ್ ಅವರ ಕಚೇರಿಗಳಲ್ಲಿ ಶೋಧ ನಡೆಸಲಾಗಿತ್ತಾದರೂ ಯಾವುದೇ ದಾಖಲೆಗಳು ಪತ್ತೆಯಾಗಿಲ್ಲ. ನಂಬಿಕಸ್ಥ ಮಧ್ಯವರ್ತಿಗಳನ್ನು ಬೇನಾಮಿಯಾಗಿ ಬಳಸಿಕೊಂಡು ಕೊಚ್ಚಿಯಲ್ಲಿ ಕೆಲಸ ಮಾಡುತ್ತಿದ್ದುದು ಪತ್ತೆಯಾದ ಹಿನ್ನೆಲೆಯಲ್ಲಿ ಆದಾಯ ತೆರಿಗೆ ಇಲಾಖೆಯ ಈ ಕ್ರಮ ಕೈಗೊಂಡಿತು.
           2008 ರಿಂದ, ಕೊಚ್ಚಿಯಲ್ಲಿ ಕೋಟ್ಯಂತರ ಮೌಲ್ಯದ ರಿಯಲ್ ಎಸ್ಟೇಟ್ ವ್ಯವಹಾರಗಳನ್ನು ಫಾರಿಸ್ ನಡೆಸಿದ್ದಾನೆ. ಆದರೆ ಫಾರಿಸ್ ಕಪ್ಪುಹಣ ಹೂಡಿಕೆ ಹೊಂದಿರುವ ನಗರದಲ್ಲಿ ವಸತಿ ಯೋಜನೆಗಳಲ್ಲಿ ಮಧ್ಯವರ್ತಿಗಳ ಹೆಸರಿನಲ್ಲಿ ನೋಂದಣಿಯಾಗಿರುವ ಫ್ಲ್ಯಾಟ್ ಗಳಲ್ಲಿ ರಿಯಲ್ ಎಸ್ಟೇಟ್ ವಹಿವಾಟಿನ ದಾಖಲೆಗಳನ್ನು ಇಡಲಾಗಿದೆ. ಡಿಜಿಟಲ್ ದಾಖಲೆಗಳು ಮತ್ತು ಬೇನಾಮಿ ವಹಿವಾಟಿನ ಸಾಧನಗಳನ್ನು ಪತ್ತೆಹಚ್ಚಿದ ನಂತರ ಆದಾಯ ತೆರಿಗೆ ಇಲಾಖೆ ನಜೀಂ ನ ಫ್ಲ್ಯಾಟ್‍ಗೆ ಸೀಲ್ ಹಾಕಿದೆ. ತನಿಖಾಧಿಕಾರಿಯ ಅರಿವು ಮತ್ತು ಒಪ್ಪಿಗೆಯಿಲ್ಲದೆ ಚಿಲವನ್ನೂರಿನಲ್ಲಿರುವ ಫ್ಲಾಟ್‍ನ ಆಸ್ತಿಯನ್ನು ತೆಗೆಯದಂತೆಯೂ ಸೂಚಿಸಲಾಗಿದೆ. ಎರ್ನಾಕುಳಂ ಮತ್ತು ಆಲಪ್ಪುಳ ಜಿಲ್ಲೆಗಳಲ್ಲಿ ಫಾರಿಸ್ ಅಬೂಬಕರ್ ನ ರಿಯಲ್ ಎಸ್ಟೇಟ್ ವಹಿವಾಟಿನ ಬಗ್ಗೆಯೂ ಆದಾಯ ತೆರಿಗೆ ಇಲಾಖೆ ತನಿಖೆ ನಡೆಸಿದೆ.
            ಇದರೊಂದಿಗೆ ಫಾರಿಸ್ ಅಬೂಬಕರ್ ವಿರುದ್ಧ ಆದಾಯ ತೆರಿಗೆ ಇಲಾಖೆಯ ಕುಣಿಕೆ ಬಿಗಿಯಾಗುತ್ತಿದೆ. ಫರೀಸ್‍ಗೆ ಕೊಚ್ಚಿಯಲ್ಲಿ ನಜೀಂ ಜೊತೆಗೆ ಹಲವು ಮಧ್ಯವರ್ತಿಗಳಿರಬಹುದು ಎಂದು ತನಿಖಾ ತಂಡ ತೀರ್ಮಾನಿಸಿದೆ. ಚೆನ್ನೈನಲ್ಲಿರುವ ಆದಾಯ ತೆರಿಗೆ ಕಚೇರಿಯಲ್ಲಿ ಖುದ್ದು ಹಾಜರಾಗುವಂತೆ ನಜೀಂ ಗೆ ಸೂಚಿಸಲಾಗಿದೆ.
              ಏತನ್ಮಧ್ಯೆ, ತನಿಖೆಯಲ್ಲಿರುವ ಅಲಪ್ಪುಳ ಮತ್ತು ಎರ್ನಾಕುಳಂನಲ್ಲಿರುವ ಅನೇಕ ಆಸ್ತಿಗಳು ನಿರ್ಮಾಣ ಕಂಪನಿಗಳ ಒಡೆತನದಲ್ಲಿದೆ. ಅವರು ಫಾರಿಸ್ ಜೊತೆ ಮಾಡಿಕೊಂಡಿರುವ ಭೂ ವ್ಯವಹಾರದ ಸರಿಯಾದ ದಾಖಲೆಗಳನ್ನು ಸಲ್ಲಿಸಲು ವಿಫಲವಾದರೆ ಮನಿ ಲಾಂಡರಿಂಗ್ ತಡೆ ಕಾಯ್ದೆ (ಪಿಎಂಎಲ್‍ಎ) ಅಡಿಯಲ್ಲಿ ಇಡಿ ಜಪ್ತಿ ಪ್ರಕ್ರಿಯೆಗಳನ್ನು ತೆಗೆದುಕೊಳ್ಳುವ ಸಾಧ್ಯತೆಯಿದೆ.
        ಕೊಚ್ಚಿಯ ನಿರ್ಮಾಣ ಕಂಪನಿಯೊಂದರಲ್ಲಿ ಬಚ್ಚಿಟ್ಟಿದ್ದ 100 ಕೋಟಿ ರೂ.ಗಳ ಬೇನಾಮಿ ಹಣದ ಮೂಲದ ಹುಡುಕಾಟ ಫಾರಿಸ್ ಅಬುಬಕರ್ ನತ್ತ ತಲುಪಿದ್ದು, ಅದು ನಜೀಮ್ ಗೂ ವಿಸ್ತರಿಸಲಿದೆ. ಫಾರಿಸ್ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಅಚ್ಚುಮೆಚ್ಚಿನ ಮತ್ತು ಸಹಾಯಕ ಎಂಬ ಆರೋಪಗಳೂ ಕೇಳಿಬಂದಿವೆ.