ಲೈಫ್ ಮಿಷನ್ ಭ್ರಷ್ಟಾಚಾರ ಪ್ರಕರಣ: ಸಂಪೂರ್ಣ ಫೈಲ್‍ಗಳನ್ನು ಹಾಜರುಪಡಿಸಿಸಲು ರವೀಂದ್ರನ್ ರಿಗೆ ನಿರ್ದೇಶಿಸಿದ ಇ.ಡಿ

               ತಿರುವನಂತಪುರಂ: ಲೈಫ್ ಮಿಷನ್ ಕಾಂಟ್ರಾಕ್ಟ್ ಕಮಿಷನ್ ಪ್ರಕರಣದಲ್ಲಿ ಸಿಎಂ ರವೀಂದ್ರನ್ ಅವರನ್ನು ಇಡಿ ಮತ್ತೆ ಪ್ರಶ್ನಿಸಲಿದೆ.
              ವಡಕಂಚೇರಿ ಲೈಫ್ ಮಿಷನ್‍ಗೆ ಸಂಬಂಧಿಸಿದ ಎಲ್ಲಾ ಕಡತಗಳನ್ನು ನೀಡುವಂತೆ ಇಡಿ ಲೈಫ್ ಮಿಷನ್‍ಗೆ ಕೇಳಿದೆ. ಇದನ್ನು ಪರಿಶೀಲಿಸಿದ ನಂತರ ಮುಂದಿನ ದಿನಗಳಲ್ಲಿ ಹೆಚ್ಚಿನ ಜನರನ್ನು ವಿಚಾರಣೆ ನಡೆಸಲಾಗುವುದು. 19 ಕೋಟಿ ರೂ.ಗಳ ಆರ್ಥಿಕ ನೆರವಿನಲ್ಲಿ 4.5 ಕೋಟಿ ರೂ.ಗಳನ್ನು ಕಮಿಷನ್ ವ್ಯವಹಾರವನ್ನಾಗಿ ಮಾಡಲಾಗಿದೆ. ಇಡಿ ಈ ಬಗ್ಗೆ ತನಿಖೆ ನಡೆಸುತ್ತಿದೆ.
          ಮೊನ್ನೆ ನಿರಂತರವಾಗಿ ಹತ್ತು ಗಂಟೆಗಳ ಕಾಲ ಸಿಎಂ ರವೀಂದ್ರನ್ ಅವರನ್ನು ಇಡಿ ವಿಚಾರಣೆ ನಡೆಸಿದೆ. ನಿನ್ನೆಯೂ ವಿಚಾರಣೆ ನಡೆಸಿದೆ. ಸ್ವಪ್ನಾ ಸುರೇಶ್ ಜತೆ ಅಧಿಕೃತ ಸಂಬಂಧ ಮಾತ್ರ ಇತ್ತು ಎಂದು ರವೀಂದ್ರನ್ ವಿಚಾರಣೆ ವೇಳೆ ಸ್ಪಷ್ಟಪಡಿಸಿದ್ದಾರೆ. ಲೈಫ್ ಮಿಷನ್ ಯೋಜನೆಗೆ ಸಂಬಂಧಿಸಿದಂತೆ ಸ್ವಪ್ನಾ ಅವರನ್ನು ಭೇಟಿಯಾಗುವಂತೆ ಎಂ ಶಿವಶಂಕರ್ ಅವರು ಕೇಳಿದ್ದು ಅಸಾಮಾನ್ಯವೇನಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
             ಎನ್‍ಐಎ ವಶಪಡಿಸಿಕೊಂಡ ಸ್ವಪ್ನಾ ಅವರ ಎರಡು ಮೊಬೈಲ್ ಪೋನ್‍ಗಳಲ್ಲಿ ಸಿಎಂ ರವೀಂದ್ರನ್ ಅವರೊಂದಿಗೆ ಚಾಟ್ ಮಾಡಿರುವುದನನು ದೃಢಪಡಿಸಿದೆ. ಕಳೆದ ಜೂನ್‍ನಲ್ಲಿ ಎನ್‍ಐಎ ವಶಪಡಿಸಿಕೊಂಡ ಸ್ವಪ್ನಾ ಅವರ ಎರಡನೇ ಪೋನ್‍ನ ಮಾಹಿತಿಯನ್ನು ಇಡಿ ಸಿ ಡಾಕ್‍ನಿಂದ ಪಡೆದುಕೊಂಡಿದೆ. ವಾಟ್ಸ್ಆ್ಯಪ್ ಚಾಟ್‍ಗಳ ಮೇಲೆ ಕೇಂದ್ರೀಕರಿಸಿದ ಪ್ರಶ್ನೆಗಳಿದ್ದವು. ಸಿಎಂ ರವೀಂದ್ರನ್ ಅವರನ್ನು ಡಿಸೆಂಬರ್ 2020 ರಲ್ಲಿ ಎರಡು ಬಾರಿ ಪ್ರಶ್ನಿಸಲಾಗಿತ್ತು.