ಕುಂದುಕೊರತೆ ನಿವಾರಣಾ ಅದಾಲತ್ ಇಂದಿನಿಂದ

                  ಕಾಸರಗೋಡು: ಸರಕಾರದ ಎರಡನೇ ವರ್ಷಾಚರಣೆ ನಿಮಿತ್ತ ತಾಲೂಕು ಕೇಂದ್ರದಲ್ಲಿ ಸಚಿವರ ನೇತೃತ್ವದಲ್ಲಿ ನಡೆಯುವ ಕುಂದುಕೊರತೆ ಪರಿಹಾರ ಅದಾಲತ್ ಗಳಿಗೆ ಇಂದಿನಿಂದ (ಏಪ್ರಿಲ್ 1) ಏಪ್ರಿಲ್ 10ರವರೆಗೆ ದೂರುಗಳನ್ನು ಕಳುಹಿಸಬಹುದು. ಕಾಸರಗೋಡು ಜಿಲ್ಲೆಯಲ್ಲಿ ಮೇ 27 ರಂದು ಕಾಸರಗೋಡು ತಾಲೂಕಿನಲ್ಲಿ, ಮೇ 29 ರಂದು ಹೊಸದುರ್ಗ ತಾಲೂಕಿನಲ್ಲಿ, ಮೇ 30 ರಂದು ಮಂಜೇಶ್ವರ ತಾಲೂಕಿನಲ್ಲಿ ಮತ್ತು ಜೂನ್ 1 ರಂದು ವೆಳ್ಳರಿಕುಂಡ್ ತಾಲೂಕಿನಲ್ಲಿ ಅದಾಲತ್‍ಗಳು ನಡೆಯಲಿವೆ. ಲೋಕೋಪಯೋಗಿ, ಪ್ರವಾಸೋದ್ಯಮ ಮತ್ತು ಯುವಜನ ಕಲ್ಯಾಣ ಸಚಿವ ಪಿ.ಎ.ಮುಹಮ್ಮದ್ ರಿಯಾಝ್ ಮತ್ತು ಬಂದರು ಮ್ಯೂಸಿಯಂ ಪುರಾತತ್ವ ಸಚಿವ ಅಹ್ಮದ್ ದೇವರಕೋವಿಲ್ ನೇತೃತ್ವದಲ್ಲಿ ಅದಾಲತ್ ನಡೆಯಲಿದೆ. ಅದಾಲತ್‍ಗೆ ಪರಿಗಣಿಸಲು ದೂರುಗಳನ್ನು ಏಪ್ರಿಲ್ 1 ರಿಂದ 10 ರ ಕೆಲಸದ ದಿನಗಳಲ್ಲಿ ಸ್ವೀಕರಿಸಲಾಗುತ್ತದೆ. ಸಾರ್ವಜನಿಕರು ಅಕ್ಷಯ ಕೇಂದ್ರಗಳು ಮತ್ತು ತಾಲೂಕು ಕಚೇರಿಗಳ ಮೂಲಕ ನೇರವಾಗಿ ಆನ್‍ಲೈನ್‍ನಲ್ಲಿ ದೂರುಗಳನ್ನು ಸಲ್ಲಿಸಬಹುದು. ಆನ್‍ಲೈನ್‍ನಲ್ಲಿ ದೂರುಗಳನ್ನು ಸ್ವೀಕರಿಸಲು ಆನ್‍ಲೈನ್ ಕಾರ್ಯವಿಧಾನಗಳನ್ನು ಸ್ಥಾಪಿಸಲಾಗುವುದು.