ಕೋಝಿಕ್ಕೋಡ್ ಮೂಲದ ವ್ಯಕ್ತಿಯಿಂದ ರಷ್ಯಾದ ಮಹಿಳೆಯ ಮೇಲೆ ದೈಹಿಕ ಹಲ್ಲೆ: ಮಧ್ಯಪ್ರವೇಶಿಸಿದ ರಷ್ಯಾ ದೂತಾವಾಸ: ಯುವತಿಯನ್ನು ಮನೆಗೆ ಕರೆದೊಯ್ಯುವ ಪ್ರಯತ್ನ

                ಕೋಝಿಕ್ಕೋಡ್: ಕೋಝಿಕ್ಕೋಡ್‍ನ ಕೂರಾಚುಂಡ್‍ನಲ್ಲಿ ರಷ್ಯಾದ ಮಹಿಳೆಗೆ ಆಕೆಯ ಸ್ನೇಹಿತ ಕಿರುಕುಳ ನೀಡಿದ ಪ್ರಕರಣದಲ್ಲಿ ರಷ್ಯಾದ ಕಾನ್ಸುಲೇಟ್ ಮಧ್ಯಪ್ರವೇಶಿಸಿದೆ.
               ಯುವತಿಯನ್ನು ಊರಿಗೆ ಕರೆದೊಯ್ಯಲು ಕ್ರಮಕೈಗೊಳ್ಳಲಾಗಿದೆ. ಮಹಿಳೆ ಆಸ್ಪತ್ರೆಯಿಂದ ಬಿಡುಗಡೆಯಾದ ನಂತರ, ನ್ಯಾಯಾಲಯದ ಆದೇಶದಂತೆ ಪ್ರಕ್ರಿಯೆ ನಡೆಯಲಿದೆ.
         ಘಟನೆಯ ಬಗ್ಗೆ ತಿಳಿದ ನಂತರ ರಷ್ಯಾದ ಕಾನ್ಸುಲೇಟ್ ಅಧಿಕಾರಿಗಳು ಮಹಿಳೆಯ ಕುಟುಂಬವನ್ನು ಸಂಪರ್ಕಿಸಿದ್ದಾರೆ. ಯುವಕ ತನ್ನನ್ನು ಅಮಾನುಷವಾಗಿ ಥಳಿಸಿದ್ದಾನೆ ಎಂದು ಯುವತಿ ಪೊಲೀಸರಿಗೆ ಹೇಳಿಕೆ ನೀಡಿದ್ದಾಳೆ. ತನ್ನ ಪಾಸ್‍ಪೋರ್ಟ್ ಹರಿದು, ಪೋನ್ ನಾಶಪಡಿಸಲಾಗಿದೆ ಎಂದು ಮಹಿಳೆ ಹೇಳಿಕೆ ನೀಡಿದ್ದಾರೆ. ಮಹಿಳೆಯ ರಹಸ್ಯ ಹೇಳಿಕೆಯನ್ನು ದಾಖಲಿಸಿಕೊಳ್ಳಲು ಪೊಲೀಸರು ಪ್ರಯತ್ನಿಸುತ್ತಿದ್ದಾರೆ.
           ಘಟನೆಯಲ್ಲಿ ಕೋಝಿಕ್ಕೋಡ್ ನ ಕಲಂಗಡಿ ಮೂಲದ ಅಕಿಲ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ರಷ್ಯಾದ ಮಹಿಳೆಗೆ ಅಮಾನುಷವಾಗಿ ಥಳಿಸಲಾಗಿದೆ ಎಂದು ಪೆÇಲೀಸರು ತಿಳಿಸಿದ್ದಾರೆ. ಆರೋಪಿ ಮಹಿಳೆಗೆ ಕಬ್ಬಿಣದ ತಂತಿಯಿಂದ ಅಮಾನುಷವಾಗಿ ಥಳಿಸಿದ್ದಾರೆ. ದಾಳಿಯಲ್ಲಿ, ರಷ್ಯಾ ಮಹಿಳೆಯ ಮೊಣಕಾಲು ಮತ್ತು ಕೈ ಕೆಳಗೆ ಗಂಭೀರವಾಗಿ ಗಾಯಗಳಾಗಿವೆ.
           ಪ್ರಿಯಕರನ ಕಿರುಕುಳದಿಂದ ಮಹಿಳೆ ಕಟ್ಟಡದಿಂದ ಜಿಗಿದಿದ್ದಾಳೆ. ಸ್ಥಳೀಯರು ಮಾಹಿತಿ ನೀಡಿದ ನಂತರ ಕೂರಚುಂಡ್ ಪೊಲೀಸರು ರಾತ್ರಿ ವೈದ್ಯಕೀಯ ಕಾಲೇಜಿಗೆ ಕರೆದೊಯ್ದರು. ಸದ್ಯ ಮಹಿಳೆ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಮಹಿಳೆಯನ್ನು ಬಿಡುಗಡೆ ಮಾಡಿದ ನಂತರ ಅವರ ಗೌಪ್ಯ ಹೇಳಿಕೆಯನ್ನು ದಾಖಲಿಸಿಕೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
           ಘಟನೆಯಲ್ಲಿ ಮಹಿಳಾ ಆಯೋಗ ಸ್ವಯಂ ಪ್ರೇರಿತವಾಗಿ ಪ್ರಕರಣ ದಾಖಲಿಸಿಕೊಂಡಿದೆ. ಮಹಿಳಾ ಆಯೋಗ ಕೂರಚುಂಡ್ ಪೊಲೀಸ್ ಠಾಣಾಧಿಕಾರಿಯಿಂದ ತುರ್ತು ವರದಿ ಕೇಳಿದೆ. ಆರೋಪಿ ಯುವಕನ ಬಂಧನವನ್ನು ನಿನ್ನೆ ದಾಖಲಿಸಲಾಗಿದೆ. ಘಟನೆ ಬಳಿಕ ಆತ ತಲೆಮರೆಸಿಕೊಂಡಿದ್ದ. ಆರೋಪಿಯ ಮನೆಯಿಂದ ಗಾಂಜಾ ಪತ್ತೆಯಾಗಿದೆ.