ಭಾರತ-ರಷ್ಯಾ: ನಾಗರಿಕ ವಿಮಾನಯಾನ ಒಪ್ಪಂದ ಪರಿಷ್ಕರಣೆಗೆ ತಾತ್ವಿಕ ಒಪ್ಪಿಗೆ

 

          ನವದೆಹಲಿ : 'ಭಾರತ-ರಷ್ಯಾ ಮಧ್ಯದ ನಾಗರಿಕ ವಿಮಾನಯಾನ ಸೇವೆಯ ಒಪ್ಪಂದವನ್ನು ಪರಿಷ್ಕರಿಸಲು ಎರಡೂ ದೇಶಗಳು ತಾತ್ವಿಕ ಒಪ್ಪಿಗೆ ನೀಡಿದ್ದು, ಇದರ ಅನ್ವಯ ರಷ್ಯಾದ ವಿಮಾನಗಳು ಭಾರತಕ್ಕೆ ವಾರಕ್ಕೆ 64 ಬಾರಿ ಹಾರಾಟ ನಡೆಸಲಿವೆ' ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.

              ಸಧ್ಯ ಇರುವ ಒಪ್ಪಂದದ ಪ್ರಕಾರ, ರಷ್ಯಾ ವಿಮಾನಗಳು ವಾರಕ್ಕೆ 52 ಬಾರಿ ಮಾತ್ರ ಭಾರತಕ್ಕೆ ಬರುತ್ತಿದ್ದವು. ನಾಗರಿಕ ವಿಮಾನಯಾನ ಸಂಬಂಧ ದ್ವಿಪಕ್ಷೀಯ ಸಭೆಯಲ್ಲಿ ಭಾಗಿಯಾಗಲು ಭಾರತದ ನಾಗರಿಕ ವಿಮಾನಯಾನ ಕಾರ್ಯದರ್ಶಿ ರಾಜೀವ್‌ ಬನ್ಸಾಲ್‌ ಅವರು ಕಳೆದ ತಿಂಗಳು ಮಾಸ್ಕೊಗೆ ಭೇಟಿ ನೀಡಿದ್ದರು.