ನಾಟಕ ರಂಗವು ಬದಲಿ ಇತಿಹಾಸವಾಗಿದೆ: .ಪಿ.ರಾಜಗೋಪಾಲನ್: ರಂಗಕರ್ಮಿಗಳಿಗೆ ಸನ್ಮಾನ

         ಕಾಸರಗೋಡು: ನಾಟಕವು ಪರ್ಯಾಯ ಇತಿಹಾಸವಾಗಿದೆ, ನಾಟಕ ಕಲಾವಿದರು ಇತಿಹಾಸದ ಭಾಗವಾಗಿದ್ದಾರೆ ಎಂದು ಕೇರಳ ಸಾಹಿತ್ಯ ಅಕಾಡೆಮಿ ಸದಸ್ಯ ಇ.ಪಿ.ರಾಜಗೋಪಾಲನ್ ಅಭಿಪ್ರಾಯಪಟ್ಟರು..
           ಜಿಲ್ಲಾಧಿಕಾರಿ ಕಚೇರಿಯ ಆವರಣದಲ್ಲಿರುವ ಅಕ್ಷರ ಗ್ರಂಥಾಲಯದ ವತಿಯಿಂದ ರಾಜ್ಯ ಕಂದಾಯ ಕಲಾ ಉತ್ಸವದಲ್ಲಿ ದ್ವಿತೀಯ ಸ್ಥಾನ ಪಡೆದ ನಾಟಕದ ಕಲಾವಿದರನ್ನು ಸನ್ಮಾನೀಡುವ ಸಮಾರಂಭದಲ್ಲಿ ಪ್ರಧಾನ ಭಾಷಣ ಮಾಡಿದರು.

          ಬೇರೆ ಯಾವ ರೀತಿಯಲ್ಲಿಯೂ ವಿಮರ್ಶಿಸಲು ಸಾಧ್ಯವಾಗದ ಜೀವನ ವಿಷಯಗಳನ್ನು ನಾಟಕದ ಮೂಲಕ ಪ್ರಸ್ತುತಪಡಿಸಲು ಸಾಧ್ಯವಾಗುತ್ತದೆ. ನಾಟಕದ ಮೂಲಕ ಮಾತ್ರ ಪ್ರಸ್ತುತಪಡಿಸಿದ ಹಲವಾರು ವಿಷಯಗಳಿವೆ. ಪ್ರಾಚೀನ ಕಾಲದಿಂದಲೂ ಯುದ್ಧ ಮತ್ತು ಸಂಘರ್ಷದ ವಿಷಯಗಳನ್ನು ನಾಟಕಗಳಾಗಿ ಪ್ರದರ್ಶಿಸಲಾಗುತ್ತಿದೆ . ನಾಟಕವನ್ನು ಒಂದು ಮನರಂಜನೆ ಎಂಬುದಕ್ಕಿಂತ ಮಿಗಿಲಾಗಿ ಪ್ರಪಂಚ, ಸಂಸ್ಥೆಗಳು, ವ್ಯಕ್ತಿ, ಜೀವನದ ಬಗ್ಗೆ ಅರ್ಥಮಾಡಿಕೊಳ್ಳಲು ಮತ್ತು ಉತ್ತಮ ಜೀವನದ ಕನಸು ಕಾಣವ ವೇದಿಕೆಯ ವಿಷಯವಾಗಿ ನೋಡಬೇಕು. ಭಾರತೀಯ ರಂಗಭೂಮಿಯು ವಿಶ್ವ ರಂಗಭೂಮಿಗಳೊಂದಿಗೆ ವಿವಿಧ ರೀತಿಯ ಸಂಪರ್ಕಗಳನ್ನು ಹೊಂದಿ ಕೊಂಡಿದೆ ಎಂದು ಹೇಳಿದರು. ವಿಶ್ವ ನಾಟಕ ದಿನಾಚರಣೆ ಪ್ರಯುಕ್ತ ಸೋಮವಾರ ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣವೀರ್ ಚಂದ್ ಜಿಲ್ಲಾಧಿಕಾರಿ ಕಚೇರಿಯ ಸಮ್ಮೇಳನ ಸಭಾಂಗಣದಲ್ಲಿ ಆಯೋಜಿಸಿದ್ದ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದರು. ಭಾರತೀಯ ಇತಿಹಾಸದಲ್ಲಿ ನಾಟಕ ಸಂವಹನದ ಪ್ರಮುಖ ಸಾಧನವಾಗಿದ್ದು, ಸ್ವಾತಂತ್ರ್ಯ ಹೋರಾಟದ ಇತಿಹಾಸದಲ್ಲಿ ನಾಟಕದ ಪಾತ್ರ ಅವಿಸ್ಮರಣೀಯವಾಗಿದೆ ಎಂದು ಜಿಲ್ಲಾಧಿಕಾರಿ ಹೇಳಿದರು. ಅಕ್ಷರ ಗ್ರಂಥಾಲಯ ಅಧ್ಯಕ್ಷೆ ಎ.ಅಜಿತಾ ಅಧ್ಯಕ್ಷತೆ ವಹಿಸಿದ್ದರು. ಎಡಿಎಂ ಎ.ಕೆ.ರಾಮೇಂದ್ರನ್, ಜಿಲ್ಲಾ ವಾರ್ತಾ ಅಧಿಕಾರಿ ಎಂ.ಮಧುಸೂದನನ್, ಸ್ಟಾಫ್ ಕೌನ್ಸಿಲ್ ಕಾರ್ಯದರ್ಶಿ ಎನ್.ಮೋಹನನ್ ಮಾತನಾಡಿದರು. ಅಕ್ಷರ ಗ್ರಂಥಾಲಯದ ಕಾರ್ಯದರ್ಶಿ ಕೆ.ಮುಕುಂದನ್ ಸ್ವಾಗತಿಸಿ, ಎ.ಆಶಾಲತಾ ವಂದಿಸಿದರು. ನಾಟಕ ನಿರ್ದೇಶಕ ಹಾಗೂ ಕಥೆಗಾರ ಪ್ರೇಮನ್ ಮುಚುಕುನ್, ಹರಿದಾಸ್ ಕುಂಡಂಕುಝಿ, ಸುಧಾಕರನ್ ಕಾಡಗಂ, ರಾಜೇಂದ್ರನ್ ವಾಣಿಯಂಪಾರ, ಗೋಕುಲ್ ನಾಥ್, ವಿಪಿನ್ ದಾಸ್ ಕುಂಡಂಕುಝಿ, ಜಿ.ಸತೀಶ್ ಬಾಬು ಎಂಬವರಿಗೆ ಜಿಲ್ಲಾಧಿಕಾರಿಗಳು ಉಡುಗೊರೆ ನೀಡಿ ಗೌರವಿಸಿದರು.