ಕೊಚ್ಚಿ ವಾಟರ್‌ ಮೆಟ್ರೊ: 10 ದ್ವೀಪಗಳಿಗೆ ಸಂಪರ್ಕ

               ತಿರುವನಂತಪುರ: ಕೊಚ್ಚಿಯಲ್ಲಿ ₹1,136 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿರುವ 'ಕೊಚ್ಚಿ ವಾಟರ್‌ ಮೆಟ್ರೊ' ಸೇವೆಗೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮಂಗಳವಾರ ಚಾಲನೆ ನೀಡಿದರು.

            ಕೊಚ್ಚಿ ಹಾಗೂ ಸುತ್ತಮುತ್ತ ಇರುವ 10 ದ್ವೀಪಗಳಿಗೆ 78 ಎಲೆಕ್ಟ್ರಿಕಲ್ ದೋಣಿಗಳ ಮೂಲಕ ಸಂಪರ್ಕ ಕಲ್ಪಿಸುವ ವ್ಯವಸ್ಥೆಯೇ 'ಕೊಚ್ಚಿ ವಾಟರ್‌ ಮೆಟ್ರೊ'.

               ಇದರ ಮಾರ್ಗದಲ್ಲಿ ಒಟ್ಟು 38 ಟರ್ಮಿನಲ್‌ಗಳನ್ನು ನಿರ್ಮಿಸಲಾಗಿದೆ.

ಕೊಚ್ಚಿ ವಾಟರ್‌ ಮೆಟ್ರೊ ಯೋಜನೆಯನ್ನು ಕೇರಳ ಸರ್ಕಾರ ಹಾಗೂ ಜರ್ಮನಿ ಮೂಲದ ಕೆಎಫ್‌ಡಬ್ಲ್ಯು ಸಂಸ್ಥೆ ಜಂಟಿಯಾಗಿ ನಿರ್ಮಿಸಿವೆ.

               'ಮೊದಲ ಹಂತದಲ್ಲಿ, ಹೈಕೋರ್ಟ್‌-ವೈಪಿನ್‌ ಹಾಗೂ ವೈಟಿಲ-ಕಾಕನಾಡ್ ಟರ್ಮಿನಲ್‌ಗಳ ನಡುವೆ 'ವಾಟರ್ ಮೆಟ್ರೊ' ಸೇವೆ ಇರಲಿದೆ ಎಂದು ಮೂಲಗಳು ತಿಳಿಸಿವೆ.