ಸುಡಾನ್‌ನಿಂದ ಮುಂಬೈಗೆ ಬಂದಿಳಿದ 246 ಭಾರತೀಯರು

                   ಮುಂಬೈ (PTI): ಹಿಂಸಾಚಾರ ಪೀಡಿದ ಸುಡಾನ್‌ನಲ್ಲಿ ಸಿಲುಕಿದ್ದ 246 ಭಾರತೀಯರಿದ್ದ ಎರಡನೇ ತಂಡವನ್ನು ಹೊತ್ತ ಭಾರತೀಯ ವಾಯುಪಡೆಯ ಯುದ್ಧವಿಮಾನವು ಗುರುವಾರ ಮುಂಬೈಗೆ ತಲುಪಿತು.

              ಭಾರತೀಯ ಕಾಲಮಾನದ ಪ್ರಕಾರ ಯುದ್ಧವಿಮಾನವು ಬೆಳಿಗ್ಗೆ ಸುಮಾರು 11 ಗಂಟೆಗೆ ಜಿದ್ದಾದಿಂದ ಹೊರಟು ಮಧ್ಯಾಹ್ನ ಸುಮಾರು 3.30ಕ್ಕೆ ಇಲ್ಲಿಗೆ ತಲುಪಿತು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

               ಖಾರ್ಟೂಮ್‌ ಸೇರಿ ಸುಡಾನ್‌ನ ಸಂಘರ್ಷ ಪೀಡಿತ ಪ್ರದೇಶಗಳಲ್ಲಿ ಸಿಲುಕಿರುವ ಭಾರತೀಯರನ್ನು 'ಆಪರೇಷನ್‌ ಕಾವೇರಿ' ಕಾರ್ಯಾಚರಣೆ ಅಡಿ ಪೋರ್ಟ್‌ ಸುಡಾನ್‌ಗೆ ಬಸ್ಸುಗಳ ಮೂಲಕ ಕರೆತರಲಾಗುತ್ತಿದೆ. ಅಲ್ಲಿಂದ ಸೌದಿ ಅರೇಬಿಯಾದ ಜಿದ್ದಾಗೆ ಸೇನೆಯ ಯುದ್ಧವಿಮಾನಗಳು ಮತ್ತು ನೌಕೆಗಳ ಮೂಲಕ ಕರೆತರಲಾಗುತ್ತಿದೆ. ಕಾರ್ಯಾಚರಣೆಯು ಹಗಲು ರಾತ್ರಿಯೆನ್ನದೆ ಭರದಿಂದ ಸಾಗಿದೆ.