ಚಿನ್ನದ ಕಳ್ಳಸಾಗಣೆಯಲ್ಲಿ ತೊಡಗಿಸಿಕೊಂಡಿದ್ದಕ್ಕಾಗಿ ಒಂಬತ್ತು ಕಸ್ಟಮ್ಸ್ ಅಧಿಕಾರಿಗಳ ವಜಾ: ದೇಶದಲ್ಲೇ ಮೊದಲು

                   ಕೊಚ್ಚಿ: ಚಿನ್ನ ಕಳ್ಳಸಾಗಣೆಯಲ್ಲಿ ತೊಡಗಿದ್ದ 9 ಮಂದಿ ಕಸ್ಟಮ್ಸ್ ಅಧಿಕಾರಿಗಳನ್ನು ವಜಾಗೊಳಿಸಲಾಗಿದೆ.

          ಕರಿಪ್ಪೂರ್ ವಿಮಾನ ನಿಲ್ದಾಣದ ಮೂಲಕ ಚಿನ್ನ ಕಳ್ಳಸಾಗಣೆ ಪ್ರಕರಣದಲ್ಲಿ ಕ್ರಮ ಕೈಗೊಳ್ಳಲಾಗಿದೆ. ಕಸ್ಟಮ್ಸ್ ಅಧೀಕ್ಷಕರಾದ ಎಸ್. ಆಶಾ, ಗಣಪತಿ ಪೋತ್ತಿ, ಇನ್ಸ್ ಪೆಕ್ಟರ್ ಗಳಾದ ಯೋಗೇಶ್, ಯಾಸರ್ ಅರಾಫತ್, ಸುಧೀರ್ ಕುಮಾರ್, ನರೇಶ್ ಗುಳಿಯ, ವಿ. ಮಿನಿಮೋಲ್, ಮುಖ್ಯ ಹವಾಲ್ದಾರ್ ಅಶೋಕನ್ ಮತ್ತು ಫ್ರಾನ್ಸಿಸ್ ಅವರನ್ನು ವಜಾಗೊಳಿಸಲಾಗಿದೆ. ಇμÉ್ಟೂಂದು ಅಧಿಕಾರಿಗಳು ಒಟ್ಟಾಗಿ ಕ್ರಮ ಎದುರಿಸುತ್ತಿರುವುದು ದೇಶದಲ್ಲಿ ಇದೇ ಮೊದಲು. ಈ ಆದೇಶವು ಕೊಚ್ಚಿ ಕಸ್ಟಮ್ಸ್ ಪ್ರಿವೆಂಟಿವ್ ಕಮಿಷನರ್ ಅವರದ್ದಾಗಿದ್ದು, ಅವರು ಕಸ್ಟಮ್ಸ್‍ನ ಆಂತರಿಕ ತನಿಖಾ ವರದಿಯ ಮೇಲೆ ಶಿಸ್ತು ಕ್ರಮ ಕೈಗೊಂಡಿದ್ದಾರೆ. 

           ವಜಾಗೊಂಡ ಅಧಿಕಾರಿಗಳ ವಿರುದ್ಧ ಸಿಬಿಐ ಪ್ರಕರಣವೂ ಬಾಕಿ ಇದೆ. ಜನವರಿ 2021 ರಲ್ಲಿ, ಸಿಬಿಐ-ಡಿಆರ್.ಐ ಕರಿಪ್ಪೂರ್ ನಲ್ಲಿ ತಂಡ ನಡೆಸಿದ ದಾಳಿಯಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಚಿನ್ನ ಕಳ್ಳಸಾಗಣೆಯಲ್ಲಿ ಭಾಗಿಯಾಗಿರುವುದು ಪತ್ತೆಯಾಗಿತ್ತು. ಕರಿಪ್ಪೂರ್ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ನೆರವಿನಿಂದ ಚಿನ್ನ ಕಳ್ಳಸಾಗಣೆ ಮಾಡಲಾಗುತ್ತಿದ್ದು, ಪ್ರಯಾಣಿಕರಿಂದ ಬಲವಂತವಾಗಿ ವಸೂಲಿ ಮಾಡಲಾಗುತ್ತಿದೆ ಎಂಬ ದೂರುಗಳ ಆಧಾರದ ಮೇಲೆ ತಪಾಸಣೆ ನಡೆಸಲಾಯಿತು. ಕಸ್ಟಮ್ಸ್ ಅಧಿಕಾರಿಗಳು ಕಡಿಮೆ ಸುಂಕ ವಿಧಿಸಿ ಕಳ್ಳಸಾಗಣೆ ಚಿನ್ನವನ್ನು ರಫ್ತು ಮಾಡಲು ಸಹಕರಿಸುತ್ತಿದ್ದಾರೆ ಎಂಬುದು ಸಿಬಿಐಗೆ ಸಿಕ್ಕಿರುವ ಮಾಹಿತಿ. ಆದರೆ ಸಿ.ಬಿ.ಐ ಅಧೀಕ್ಷಕ ಕೆ.ಎಂ. ಜೋಸ್ ಅವರು ಸೇವೆಯಿಂದ ನಿವೃತ್ತರಾಗಿದ್ದರು.

           ಕ್ರಮ ಎದುರಿಸಿದ ಕಸ್ಟಮ್ಸ್ ಸೂಪರಿಂಟೆಂಡೆಂಟ್ ಸತ್ಯಮೇಂದ್ರ ಸಿಂಗ್ ಅವರ ಎರಡು ಇನ್ಕ್ರಿಮೆಂಟ್‍ಗಳನ್ನು ರದ್ದುಗೊಳಿಸಲಾಗಿದೆ. ಕಸ್ಟಮ್ಸ್ ಕಾರ್ಯವಿಧಾನದ ನಂತರ, ಅವರು ಸಿಬಿಐ. ನ್ಯಾಯಾಲಯದ ಕ್ರಮವನ್ನೂ ಎದುರಿಸಬೇಕಾಗುತ್ತದೆ.