ವಿಮಾನ ನಿಲ್ದಾಣ ಬಂದ್: ಶ್ರೀ ಪದ್ಮನಾಭಸ್ವಾಮಿಗೆ ನೆರವೇರಿದ ಆರಾಟ್ ಮಹೋತ್ಸವ

              ತಿರುವನಂತಪುರಂ: ಶ್ರೀಪದ್ಮನಾಭಸ್ವಾಮಿ ದೇವಸ್ಥಾನದ ಪೈಂಕುಣಿ ಆರಾಟ್ ಮೆರವಣಿಗೆಯ ಅಂಗವಾಗಿ ತಿರುವನಂತಪುರ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ರನ್‍ವೇಯನ್ನು ನಿನ್ನೆ ರಾತ್ರಿ 9 ಗಂಟೆಯವರೆಗೆ ಮುಚ್ಚಲಾಯಿತು.
           ಈ ಸಮಯದಲ್ಲಿ ದೇಶೀಯ ಮತ್ತು ಅಂತರಾಷ್ಟ್ರೀಯ ವಿಮಾನ ಸೇವೆಗಳನ್ನು ಮರುಹೊಂದಿಸಲಾಗಿದೆ.
            "ಜನರಿಗೆ ವರ್ಷದಲ್ಲಿ 363 ದಿನಗಳು ಮತ್ತು ಶ್ರೀಪದ್ಮನಾಭನಿಗೆ ಎರಡು ದಿನಗಳು" ಎಂಬುದು ನಡಾವಳಿ. ತಿರುವನಂತಪುರಂ ವಿಮಾನ ನಿಲ್ದಾಣವನ್ನು ಕೇಂದ್ರ ಸರ್ಕಾರಕ್ಕೆ ಹಸ್ತಾಂತರಿಸಿದಾಗ ಮಹಾರಾಜ ಚಿತ್ತಿರ ತಿರುನಾಳ್ ಅವರು ಎತ್ತಿದ್ದ ಬೇಡಿಕೆಯಂತೆ ಈ ಕ್ರಮ ಈಗಲೂ ಜಾರಿಯಲ್ಲಿದೆ.
           ವಿಮಾನ ನಿಲ್ದಾಣವು ಮೂಲತಃ ಬ್ರಿಟಿಷರ ಅನುಕೂಲಕ್ಕಾಗಿ ನಿರ್ಮಿಸಲಾಗಿತ್ತು. ಕೊಲ್ಲಂ ನಿರ್ಮಿಸಲು ಬಯಸಿದರೂ ಅಂದದು ಸಾಧ್ಯವಾಗಿರಲಿಲ್ಲ. ಬಳಿಕ ಮಹಾರಾಜ ಚಿತ್ತಿರ ತಿರುನಾಳ್ ಅವರು ತಿರುವನಂತಪುರದಲ್ಲಿ ವಿಮಾನ ನಿಲ್ದಾಣ ನಿರ್ಮಿಸಲು ತಿಳಿಸಿದರು. ಇದಕ್ಕೆ ಜಾಗ ಸಿಕ್ಕಿದ್ದು ಕಳಕೂಟದಲ್ಲಿ. ನಗರದಿಂದ ದೂರವಿರುವ ಕಾರಣ ಯೋಜನೆಯನ್ನು ಕೈಬಿಡಲಾಯಿತು. ಬದಲಿಗೆ, ಫ್ಲೈಯಿಂಗ್ ಕ್ಲಬ್ ಅನ್ನು ನವೀಕರಿಸಲಾಯಿತು ಮತ್ತು ವಿಮಾನ ನಿಲ್ದಾಣವಾಗಿ ಪರಿವರ್ತಿಸಲಾಯಿತು. ಅನೇಕ ಕಲ್ಲಿನ ಮಂಟಪಗಳು ಮತ್ತು ರಾಜ ಮನೆತನಗಳ ಅರಮನೆಗಳನ್ನು ನಿರ್ಮಾಣಕ್ಕಾಗಿ ಕೆಡವಲಾಯಿತು.
            ನಂತರ ವಿಮಾನ ನಿಲ್ದಾಣವನ್ನು ಸರ್ಕಾರಕ್ಕೆ ಹಸ್ತಾಂತರಿಸಿದಾಗ ದೇಶದ ಅಧಿಪತಿ ಎಂದು ಪರಿಗಣಿಸಲ್ಪಟ್ಟ ಶ್ರೀ ಪದ್ಮನಾಭನಿಗೆ ಸಂಬಂಧಿಸಿದ ಧಾರ್ಮಿಕ ಕ್ರಿಯೆಗಳನ್ನು ಮಾಡುವ ಹಕ್ಕನ್ನು ಈ ಒಪ್ಪಂದದಲ್ಲಿ ಬರೆಯಲಾಗಿದೆ. ಇದು ಜುಲೈ 1, 1949 ರಂದು ಅಸ್ತಿತ್ವಕ್ಕೆ ಬಂದಿತು.
              ಶ್ರೀಚಿತ್ತಿರ ತಿರುನಾಳ್ ಮಹಾರಾಜರು ಇಷ್ಟದೇವರ ಪೀಠಾರೋಹಣಕ್ಕೆ ಮಾರ್ಗವನ್ನು ಕಾಯ್ದುಕೊಳ್ಳುವಂತೆ ಕೇಳಿಕೊಂಡರು. ದೇಶವು ಈ ಅಪೂರ್ವತೆಯನ್ನು ಈಗಲೂ ಮುಂದುವರೆಸಿದೆ. ವಿಮಾನ ನಿಲ್ದಾಣವನ್ನು ಅದಾನಿ ಗ್ರೂಪ್‍ಗೆ ಹಸ್ತಾಂತರಿಸಿದರೂ, ಒಪ್ಪಂದದಲ್ಲಿನ ಈ ಒಪ್ಪಂದವನ್ನು ಅನುಸರಿಸಬೇಕಾಗುತ್ತದೆ.

                   ಶ್ರೀಪದ್ಮನಾಭಸ್ವಾಮಿ ದೇವಸ್ಥಾನದ ಎರಡು ಉತ್ಸವಗಳನ್ನು ಆಚರಿಸಲು ವಿಮಾನ ನಿಲ್ದಾಣವನ್ನು ವರ್ಷದಲ್ಲಿ ಎರಡು ಬಾರಿ ಮುಚ್ಚಲಾಗುತ್ತದೆ. ಈರೀತಿ ದೇಶದಲ್ಲಿ ಬೇರೆಲ್ಲೂ ಕಾಣದ ಅಪರೂಪ ವಿಧಾನ ಇಲ್ಲಿಯ ವಿಶೇಷತೆ.
     ಆರಾಟ್ ದೇವಾಲಯದಲ್ಲಿ ಪೈಂಕುಣಿ ಮತ್ತು ಅಲ್ಪಶಿ ಉತ್ಸವಗಳ ಮುಕ್ತಾಯದ ಭಾಗವಾಗಿದೆ. ದೇವಾಲಯದ ಪಶ್ಚಿಮ ಭಾಗದಿಂದ ಆರಾಟ್ ವಲ್ಲಕಡವ್ ಮೂಲಕ ಶಂಖುಮುಖಕ್ಕೆ ಹೋಗುತ್ತದೆ. ದಾರಿಯಲ್ಲಿ ಎಝುನ್ನಲ್ಲಾಟ್ ವಿಮಾನ ನಿಲ್ದಾಣದ ಮೂಲಕ ಹಾದುಹೋಗುತ್ತದೆ.
          ವಿಶೇಷ ಪಾಸ್ ಹೊಂದಿರುವವರಿಗೆ ಮಾತ್ರ ಆ ಸಮಯದಲ್ಲಿ ರನ್‍ವೇಯಲ್ಲಿ ನಿಲ್ಲಲು ಅವಕಾಶವಿದೆ. ಆರು ಕಾರುಗಳೊಂದಿಗೆ ಮೆರವಣಿಗೆಯು ಒಂದು ಬದಿಯಲ್ಲಿ ನಿಲುಗಡೆ ಮಾಡಿದ ವಿಮಾನಗಳ ಸಮೀಪದಲ್ಲಿ ಹಾದುಹೋಗುವ ಅಸಾಮಾನ್ಯ ದೃಶ್ಯ. ಈ ಸಮಯದಲ್ಲಿ ರನ್‍ವೇ ಸಂಪೂರ್ಣವಾಗಿ ಸಿಐಎಸ್‍ಎಫ್ ಭದ್ರತೆಯಲ್ಲಿರುತ್ತದೆ. ಆರನೇ ದಿನ ಮಧ್ಯಾಹ್ನದಿಂದ ಸಂಜೆ 6 ಗಂಟೆಯ ನಂತರ ವಿಗ್ರಹಗಳನ್ನು ಹಿಂದಿರುಗಿಸುವವರೆಗೆ ಇಲ್ಲಿಂದ ಎಲ್ಲಾ ವಿಮಾನಗಳನ್ನು ಸ್ಥಗಿತಗೊಳಿಸಲಾಗುತ್ತದೆ.