ಉತ್ತರಾಖಂಡ: ಹೆಲಿಕಾಪ್ಟರ್‌ ಹಿಂಬದಿ ಚಕ್ರ ಬಡಿದು ಅಧಿಕಾರಿ ಸಾವು

                  ರುದ್ರಪ್ರಯಾಗ(PTI): ಹೆಲಿಕಾಪ್ಟರ್‌ ಹಿಂಭಾಗದ ಚಕ್ರ (ಲ್‌ ರೋಟರ್‌) ಬಡಿದು ಉತ್ತರಾಖಂಡ ನಾಗರಿಕ ವಿಮಾನಯಾನ ಅಭಿವೃದ್ಧಿ ಪ್ರಾಧಿಕಾರದ (ಯುಸಿಎಡಿಎ) ಅಧಿಕಾರಿ ಅಮಿತ್‌ ಸೈನಿ ಭಾನುವಾರ ಮೃತಪಟ್ಟಿದ್ದಾರೆ.

                 ಕೇದಾರನಾಥದ ಗಢವಾಲ್‌ ಮಂಡಲ ನಿಗಮ ಹೆಲಿಪ್ಯಾಡ್‌ನಲ್ಲಿ ಘಟನೆ ಸಂಭವಿಸಿದೆ ಎಂದು ಇಲ್ಲಿನ ಪೊಲೀಸ್‌ ವರಿಷ್ಠಾಧಿಕಾರಿ ವಿಶಾಖ ಅಶೋಕ್‌ ಭಂದಾನೆ ತಿಳಿಸಿದ್ದಾರೆ.

                 ಇದೇ 25ರಂದು ಕೇದಾರನಾಥ ದೇಗುಲವನ್ನು ಭಕ್ತರಿಗೆ ತೆರೆಯುತ್ತಿರುವ ಹಿನ್ನೆಲೆಯಲ್ಲಿ ಸಿದ್ಧತೆಗಳ ಪರಿಶೀಲನೆಗೆ ಸೈನಿ ಹೆಲಿಪ್ಯಾಡ್‌ಗೆ ಭೇಟಿ ನೀಡಿದ್ದರು.