ಶಾರುಖ್ ಝಾಕಿರ್ ನಾಯ್ಕ್ ನ ವೀಡಿಯೊಗಳ ನಿರಂತರ ವೀಕ್ಷಕನಾಗಿದ್ದ: ಕಟ್ಟಾ ಮೂಲಭೂತವಾದಿ; ಭಯೋತ್ಪಾದಕ ಸಂಪರ್ಕವನ್ನು ಖಚಿತಪಡಿಸಿದ ಎಡಿಜಿಪಿ

 

             ಕಣ್ಣೂರು: ಎಲತ್ತೂರು ರೈಲಿಗೆ ಬೆಂಕಿ ಹಚ್ಚಿದ ಪ್ರಕರಣದಲ್ಲಿ ಭಯೋತ್ಪಾದನೆ ಸಂಬಂಧ ಇರುವುದನ್ನು ಎಡಿಜಿಪಿ ಎಂ.ಆರ್.ಅಜಿತ್ ಕುಮಾರ್ ಖಚಿತಪಡಿಸಿದ್ದಾರೆ.
             ಆರೋಪಿ ಶಾರುಖ್ ಸೈಫಿ ಸರಿಯಾದ ಯೋಜನೆಯೊಂದಿಗೆ ರೈಲಿನ ಮೇಲೆ ದಾಳಿ ನಡೆಸಿದ್ದಾನೆ. ಈತ ಇಂತಹ ವಿಡಿಯೋಗಳನ್ನು ನಿತ್ಯ ನೋಡುತ್ತಿದ್ದು, ಹಿಂಸಾಚಾರ ನಡೆಸುವ ಉದ್ದೇಶದಿಂದ ಸೈಫಿ ಕೇರಳಕ್ಕೆ ಬಂದಿದ್ದ ಎಂದು ವಿಶೇಷ ತನಿಖಾ ತಂಡ ಪತ್ತೆ ಮಾಡಿದೆ. ಖಚಿತವಾದ ಸಾಕ್ಷ್ಯಾಧಾರಗಳು ಲಭ್ಯವಿರುವುದರಿಂದ ಯುಎಪಿಎ ವಿಧಿಸಲಾಗಿದೆ ಎಂದು ಎಡಿಜಿಪಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದರು.
         'ಇದುವರೆಗಿನ ತನಿಖೆಯಲ್ಲಿ ಕೇರಳ ಪೋಲೀಸರು ಅಪರಾಧಕ್ಕೆ ಸಂಬಂಧಿಸಿದ ಎಲ್ಲಾ ವಿಚಾರಗಳನ್ನೂ ಕಂಡುಕೊಂಡಿದ್ದಾರೆ. ಖಚಿತ ಸಾಕ್ಷ್ಯ ಸಿಕ್ಕಿದೆ. ಭಯೋತ್ಪಾದಕರ ಸಂಪರ್ಕದ ಕುರಿತು ಹೆಚ್ಚಿನ ತನಿಖೆ ನಡೆಯುತ್ತಿದೆ. ಆಗ ಮಾತ್ರ ನಾವು ಖಚಿತವಾಗಿ ಹೇಳಬಹುದು. ಸದ್ಯ ಆರೋಪಿ ಮೂಲಭೂತವಾದಿ ಎಂದು ತಿಳಿದು ಬಂದಿದೆ. ಶಾರುಖ್ ಕೂಡ ಇಂತಹ ವಿಡಿಯೋಗಳನ್ನು ನಿತ್ಯ ನೋಡುವ ಅಭ್ಯಾಸ ಹೊಂದಿದ್ದಾರೆ.
          ಝಾಕಿರ್ ನಾಯ್ಕ್ ಮತ್ತು ಇತರರ ವಿಡಿಯೋಗಳನ್ನು ಶಾರುಖ್ ನಿರಂತರವಾಗಿ ನೋಡುತ್ತಿದ್ದ. ಅವನು ವಾಸಿಸುವ ಪ್ರದೇಶದ ಬಗ್ಗೆ ವಿಚಾರಿಸಿದರೆ, ಅವನ ಸಂಪರ್ಕಗಳ ಬಗ್ಗೆ  ತಿಳಿಯುತ್ತದೆ. ಆ ಸ್ಥಳದ ವಿಶೇಷತೆ ಎಲ್ಲರಿಗೂ ಗೊತ್ತು. ಹಾಗಾಗಿ ಶಾರುಖ್ ಇಂತಹ ಹಿಂಸಾಚಾರ ಮಾಡುವ ಉದ್ದೇಶದಿಂದ ಬಂದಿದ್ದ ಎಂಬುದು ಖಚಿತ. ನಿರ್ಣಾಯಕ ಸಾಕ್ಷ್ಯದ ಆಧಾರದ ಮೇಲೆ ಯುಎಪಿಎ ವಿಧಿಸಲಾಗಿದೆ. ಸೆಫಿಗೆ 27 ವರ್ಷ ವಯಸ್ಸಾಗಿದ್ದು, ನ್ಯಾಷನಲ್ ಓಪನ್ ಸ್ಕೂಲ್‍ನಲ್ಲಿ ಪ್ಲಸ್ ಟು ಓದಿದ್ದಾನೆ ಎಂದು ಎಡಿಜಿಪಿ ತಿಳಿಸಿದ್ದಾರೆ.