ಕೇರಳಕ್ಕೆ ವಂದೇ ಭಾರತಕ್ಕೆ ಬೇಡಿಕೆ ಇಟ್ಟವನು ತಾನು: ಸಂಸದ ರಾಜಮೋಹನ್ ಉಣ್ಣಿತ್ತಾನ್

              ಕಾಸರಗೋಡು: ವಂದೇಭಾರತ್ ರೈಲು ಸೇವೆಯನ್ನು ಮಂಗಳೂರಿಗೆ ವಿಸ್ತರಿಸಲು ಸಂಸದ ರಾಜಮೋಹನ್ ಉಣ್ಣಿತ್ತಾನ್ ಮತ್ತೆ ಆಗ್ರಹಿಸಿದ್ದಾರೆ. ಕೇರಳದ ಕೊನೆ  ಕಣ್ಣೂರು ಅಲ್ಲ, ಕೇರಳದ ಕೊನೆ ಕಾಸರಗೋಡು ಎಂದಿರುವರು.
          ಕೇರಳದ ಪ್ರತಿಯೊಬ್ಬರೂ ಇದರ ಪ್ರಯೋಜನ ಪಡೆಯಬೇಕು. ಹಾಗಾಗಿ ಈ ರೈಲನ್ನು ಮಂಗಳೂರಿನವರೆಗೆ ವಿಸ್ತರಿಸಬೇಕು ಎಂದು ರಾಜಮೋಹನ್ ಉಣ್ಣಿತ್ತಾನ್ ಆಗ್ರಹಿಸಿದರು. ವಂದೇಭಾರತ್ ರೈಲು ಕಾಸರಗೋಡು ತಲುಪಿದಾಗ ಅದನ್ನು ಸ್ವಾಗತಿಸಲು  ಅವರು ಅಲ್ಲಿದ್ದರು.
           ಈ ರೈಲನ್ನು ಮಂಗಳೂರಿನವರೆಗೆ ವಿಸ್ತರಿಸಲಾಗುವುದು. ನಿರಂತರ ಒತ್ತಡದ ಫಲವಾಗಿ ವಂದೇ ಭಾರತವನ್ನು ಕಾಸರಗೋಡಿಗೂ ವಿಸ್ತರಿಸಲಾಯಿತು. ಪ್ರಧಾನಿ, ಕೇಂದ್ರ ರೈಲ್ವೆ ಸಚಿವರು ಹಾಗೂ ಚೆನ್ನೈನಲ್ಲಿರುವ ರೈಲ್ವೇ ಪ್ರಧಾನ ವ್ಯವಸ್ಥಾಪಕರಿಗೆ ಈ ಬೇಡಿಕೆಯನ್ನು ಸೂಚಿಸಿ ಪತ್ರ ಬರೆದಿದ್ದರು.
           ಕಳೆದ ಬಜೆಟ್ ಅಧಿವೇಶನದಲ್ಲಿ, ರೈಲ್ವೆ ಸಚಿವರು ಸಂಸತ್ತಿನಲ್ಲಿ ಭಾರತದಲ್ಲಿ 400 ವಂದೇ ಭಾರತ್ ರೈಲುಗಳನ್ನು ಪ್ರಾರಂಭಿಸುವುದಾಗಿ ಹೇಳಿದ್ದಾರೆ. ಆ ಸಮಾವೇಶದಲ್ಲಿ ಮಾತನಾಡುವ ಅವಕಾಶ ಸಿಕ್ಕಾಗ ಕೇರಳಕ್ಕೆ ಹತ್ತು ವಂದೇಭಾರತ್ ರೈಲುಗಳಿರಬೇಕು ಎಂದು ಆಗ್ರಹಿಸಿದ್ದೆ. ಅಂದು ಅನೇಕರು ಗೇಲಿ ಮಾಡಿದ್ದರು ಎಂದು ರಾಜಮೋಹನ್ ಉಣ್ಣಿತ್ತಾನ್  ಹೇಳಿದ್ದಾರೆ.