ಕೊಚ್ಚಿ ವಾಟರ್ ಮೆಟ್ರೋ ನಾಳೆ ಉದ್ಘಾಟನೆ

                 ಕೊಚ್ಚಿ: ದೇಶದ ಮೊದಲ ವಾಟರ್ ಮೆಟ್ರೋ ಕೊಚ್ಚಿ ವಾಟರ್ ಮೆಟ್ರೋವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ನಾಳೆ(ಏಪ್ರಿಲ್ 25) ಉದ್ಘಾಟಿಸಲಿದ್ದಾರೆ.

            ಕೊಚ್ಚಿ ವಾಟರ್ ಮೆಟ್ರೋ ಮೂಲಸೌಕರ್ಯ ಮತ್ತು ಸಂಪರ್ಕವನ್ನು ಒದಗಿಸುವ ಮೂಲಕ ನಗರಗಳಲ್ಲಿ ಜೀವನದ ಗುಣಮಟ್ಟವನ್ನು ಸುಧಾರಿಸುವ ಕೇಂದ್ರ ಸರ್ಕಾರದ ವಿಧಾನದ ಭಾಗವಾಗಿದೆ.

           ಮೆಟ್ರೋ ಲೈಟ್, ಮೆಟ್ರೋ ನಿಯೋ, ಪ್ರಾದೇಶಿಕ ರಾಪಿಡ್ ಟ್ರಾನ್ಸಿಟ್ ಸಿಸ್ಟಮ್‍ನಂತಹ ಹೊಸ ಯುಗಕ್ಕೆ ಅಗತ್ಯವಿರುವ ಸಂವಹನ ಸೌಲಭ್ಯವನ್ನು ಖಚಿತಪಡಿಸುವ ವ್ಯವಸ್ಥೆಗಳ ಸರಣಿಯಲ್ಲಿ ಕೊಚ್ಚಿ ವಾಟರ್ ಮೆಟ್ರೋ ಕೂಡ ಬರುತ್ತದೆ. ಮೆಟ್ರೋ ಲೈಟ್ ಒಂದು ಪರಿಸರ ಸ್ನೇಹಿ, ಕಡಿಮೆ-ವೆಚ್ಚದ ಮತ್ತು ಕ್ಷಿಪ್ರ ಸಾರಿಗೆ ವ್ಯವಸ್ಥೆಯಾಗಿದ್ದು ಅದು ಸಾಂಪ್ರದಾಯಿಕ ಮೆಟ್ರೋ ವ್ಯವಸ್ಥೆಯಂತೆಯೇ ಅನುಭವವನ್ನು ನೀಡುತ್ತದೆ, ಅನುಕೂಲತೆ, ಸುರಕ್ಷತೆ, ಸಮಯಪ್ರಜ್ಞೆ ಮತ್ತು ವಿಶ್ವಾಸಾರ್ಹತೆ ಭರವಸೆ ನೀಡಲಾಗಿದೆ.

            ಜನದಟ್ಟಣೆ ಸಂದರ್ಭ 15,000 ಪ್ರಯಾಣಿಕರನ್ನು ಹೊಂದಿರುವ ಶ್ರೇಣಿ 2 ನಗರಗಳು ಮತ್ತು ಚಿಕ್ಕ ನಗರಗಳಿಗೆ ಇದು ಕಡಿಮೆ-ವೆಚ್ಚದ ಸುಖಪ್ರಯಾಣದ ಪರಿಹಾರವಾಗಿದೆ. ಮೆಟ್ರೋ ಲೈಟ್ ಸಾಂಪ್ರದಾಯಿಕ ಮೆಟ್ರೋ ವ್ಯವಸ್ಥೆಯ 40 ಶೇ. ಮಾತ್ರ ವೆಚ್ಚವಾಗುತ್ತದೆ. ಈ ಯೋಜನೆಯನ್ನು ಜಮ್ಮು, ಶ್ರೀನಗರ ಮತ್ತು ಗೋರಖ್‍ಪುರದಂತಹ ನಗರಗಳಲ್ಲಿ ಯೋಜಿಸಲಾಗಿದೆ.

           ಮೆಟ್ರೋ ನಿಯೋ ರಬ್ಬರ್ ಟೈರ್ ಎಲೆಕ್ಟ್ರಿಕ್ ಕೋಚ್‍ಗಳನ್ನು ಹೊಂದಿದ್ದು, ರಸ್ತೆಯ ಸ್ಲ್ಯಾಬ್‍ನಲ್ಲಿ ಓವರ್‍ಹೆಡ್ ಟ್ರಾಕ್ಷನ್ ಸಿಸ್ಟಮ್‍ನಿಂದ ಚಾಲಿತವಾಗಿದೆ. ಮೆಟ್ರೋ ನಿಯೋ ಎಲೆಕ್ಟ್ರಿಕ್ ಬಸ್ ಟ್ರಾಲಿಯನ್ನು ಹೋಲುತ್ತದೆ. ಈ ವ್ಯವಸ್ಥೆಯು ಪೀಕ್ ಅವರ್‍ನಲ್ಲಿ 8000 ಪ್ರಯಾಣಿಕರಿಗೆ ಪ್ರಯೋಜನವನ್ನು ನೀಡುತ್ತದೆ. ಇದಕ್ಕೆ ಸಾಮಾನ್ಯ ಗೇಜ್ ಟ್ರ್ಯಾಕ್ ಅಗತ್ಯವಿಲ್ಲ. ಮಹಾರಾಷ್ಟ್ರದ ನಾಸಿಕ್‍ನಲ್ಲಿ ಮೆಟ್ರೋ ನಿಯೋ ಬರಲಿದೆ.

             ರಾಷ್ಟ್ರೀಯ ರಾಜಧಾನಿ ಪ್ರದೇಶದ ಎರಡು ನಗರಗಳಾದ ದೆಹಲಿ ಮತ್ತು ಮೀರತ್‍ಗಳನ್ನು ಸಂಪರ್ಕಿಸುವ ಪ್ರಾದೇಶಿಕ ಕ್ಷಿಪ್ರ ಸಾರಿಗೆ ವ್ಯವಸ್ಥೆಯನ್ನು ಮೊದಲ ಬಾರಿಗೆ ಪರಿಚಯಿಸಲಾಗುತ್ತಿದೆ. ಪ್ರಾದೇಶಿಕ ಅಭಿವೃದ್ಧಿಯಲ್ಲಿ ಪ್ರಮುಖ ಬದಲಾವಣೆಯನ್ನು ಸೃಷ್ಟಿಸಲು ಪರಿವರ್ತಕ ಮಧ್ಯಸ್ಥಿಕೆಯಾಗಿ ಇದನ್ನು ಕಲ್ಪಿಸಲಾಗಿದೆ.

          ಕೊಚ್ಚಿ ವಾಟರ್ ಮೆಟ್ರೋ ಸಾಂಪ್ರದಾಯಿಕ ಮೆಟ್ರೋ ವ್ಯವಸ್ಥೆಗೆ ಸಮಾನವಾದ ಅನುಭವ ಮತ್ತು ಸೌಕರ್ಯವನ್ನು ಹೊಂದಿರುವ ಅನನ್ಯ ನಗರ ಸಾರಿಗೆ ವ್ಯವಸ್ಥೆಯಾಗಿದೆ. ಕೊಚ್ಚಿಯಂತಹ ಕಾರ್ಯನಿರತ ನಗರಗಳಲ್ಲಿ ಇದು ತುಂಬಾ ಉಪಯುಕ್ತವಾಗಿದೆ. ಕೇರಳದ ಕನಸಿನ ಯೋಜನೆಗಳಲ್ಲಿ ಒಂದಾದ ಕೊಚ್ಚಿ ವಾಟರ್ ಮೆಟ್ರೋ ಕೊಚ್ಚಿಯ ಸಾರಿಗೆ ಕ್ಷೇತ್ರ ಮತ್ತು ಪ್ರವಾಸೋದ್ಯಮಕ್ಕೆ ಹೊಸ ಉತ್ತೇಜನ ನೀಡಲಿದೆ. ಯೋಜನೆಯ ವೆಚ್ಚ 1136.83 ಕೋಟಿ ರೂ. ಯೋಜನೆ ಪೂರ್ಣಗೊಂಡಾಗ, 78 ವಾಟರ್ ಮೆಟ್ರೋ ಬೋಟ್‍ಗಳು ಹತ್ತು ದ್ವೀಪಗಳಲ್ಲಿನ 38 ಟರ್ಮಿನಲ್‍ಗಳನ್ನು ಸಂಪರ್ಕಿಸಲು ಸಾಧ್ಯವಾಗುತ್ತದೆ.

        25 ರಂದು ಹೈಕೋರ್ಟ್ ವೈಪಿನ್ ಟರ್ಮಿನಲ್‍ಗಳು ಮತ್ತು ವೈಟಿಲ-ಕಾಕ್ಕನಾಡ್ ಟರ್ಮಿನಲ್‍ಗಳಿಂದ ಮೊದಲ ಹಂತದ ಸೇವೆಯನ್ನು ಪ್ರಧಾನಿ ಉದ್ಘಾಟಿಸಲಿದ್ದಾರೆ. 26ರಿಂದ ಸಾರ್ವಜನಿಕರಿಗೆ ಸೇವೆ ಆರಂಭವಾಗಲಿದೆ. ಯಾವುದೇ ಟ್ರಾಫಿಕ್ ಜಾಮ್ ಇಲ್ಲದೆ 20 ನಿಮಿಷಗಳಿಗಿಂತ ಕಡಿಮೆ ಅವಧಿಯಲ್ಲಿ ಹೈಕೋರ್ಟ್ ಟರ್ಮಿನಲ್‍ನಿಂದ ವೈಟಿಲ ಟರ್ಮಿನಲ್ ತಲುಪಬಹುದು. ವೈಟಿಲದಿಂದ ವಾಟರ್ ಮೆಟ್ರೋ ಮೂಲಕ 25 ನಿವಿÀ್ಷಗಳಲ್ಲಿ ಕಾಕ್ಕನಾಡು ತಲುಪಬಹುದು.

            ರೆಪ್ರಿಜರೇಟೆಡ್ ದೋಣಿಗಳು ಕಡಿಮೆ ವೆಚ್ಚದಲ್ಲಿ ಸುರಕ್ಷಿತ ಪ್ರಯಾಣಕ್ಕಾಗಿ ಪ್ರಯಾಣಿಕರನ್ನು ಕಾಯುತ್ತಿವೆ. ಕಡಿಮೆ ಟಿಕೆಟ್ ದರ 20 ರೂ. ಆಗಾಗ್ಗೆ ಪ್ರಯಾಣಿಸುವವರಿಗೆ ಸಾಪ್ತಾಹಿಕ ಮತ್ತು ಮಾಸಿಕ ಪಾಸ್‍ಗಳೂ ಇವೆ. ಕೊಚ್ಚಿ ಒನ್ ಕಾರ್ಡ್ ಮೂಲಕ ಕೊಚ್ಚಿ ಮೆಟ್ರೋ ರೈಲು ಮತ್ತು ಕೊಚ್ಚಿ ವಾಟರ್ ಮೆಟ್ರೋದಲ್ಲಿ ಪ್ರಯಾಣಿಸಬಹುದು. ಕೊಚ್ಚಿ ಒನ್ ಆ್ಯಪ್ ಮೂಲಕ ಡಿಜಿಟಲ್ ಮೂಲಕವೂ ಟಿಕೆಟ್ ಬುಕ್ ಮಾಡಬಹುದು.

           ಟರ್ಮಿನಲ್‍ಗಳು ಮತ್ತು ದೋಣಿಗಳು ಅಶಕ್ತ ಸ್ನೇಹಿಯಾಗಿವೆ. ಉಬ್ಬರವಿಳಿತ ಮತ್ತು ಕಡಿಮೆ ಉಬ್ಬರವಿಳಿತದ ಸಮಯದಲ್ಲಿ ದೋಣಿಯನ್ನು ಒಂದೇ ಮಟ್ಟದಲ್ಲಿ ಇರಿಸುವ ತೇಲುವ ಪೊಂಟೂನ್‍ಗಳು ಕೊಚ್ಚಿ ವಾಟರ್ ಮೆಟ್ರೋದ ವಿಶೇಷತೆಯಾಗಿದೆ. ವಾಟರ್ ಮೆಟ್ರೋ ಸೇವೆಗೆ ಬಳಸುವ ಎಲೆಕ್ಟ್ರಿಕ್ ಹೈಬ್ರಿಡ್ ಬೋಟ್‍ಗಳು ಈಗಾಗಲೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿವೆ.