'ಪುಟ್ಟು ಕುಟುಂಬ ಸಂಬಂಧಗಳನ್ನು ಹಾಳುಗೆಡವುತ್ತದೆÉ'! ವೈರಲ್ ಆದ ವಿದ್ಯಾರ್ಥಿಯ ಉತ್ತರ ಪತ್ರಿಕೆ:

              3ನೇ ತರಗತಿಯ ಪುಟ್ಟ ಬಾಲಕಿಯ 'ಪುಟ್' ನಿರೂಪಣೆ ವೈರಲ್ ಆಗಿದೆ. ಮಲಯಾಳಿಗಳ ಉಪಹಾರ ಪಟ್ಟಿಯಲ್ಲಿ ಪುಟ್ಟು ಮೊದಲ ಸ್ಥಾನವನ್ನು ಪಡೆದುಕೊಂಡ ಆಹಾರವಸ್ತು.
           ಅಕ್ಕಿಪುಟ್ಟು, ಗೋಧಿಹುಡಿ ಪುಟ್ಟು, ರಾಗಿ ಪುಟ್ಟು..ಹೀಗೆ ಪಟ್ಟಿ ಸಾಗುತ್ತದೆ. ಪುಟ್ಟು ಮತ್ತು ಕರಿ ಹಾಗೂ ಮುಟ್ಟಕ್ಕರಿ ಪ್ರಮುಖ ಸಂಯೋಗ.
         ಆದರೆ ಇದೇ ಪುಟ್ಟು ಕೌಟುಂಬಿಕ ಸಂಬಂಧಗಳನ್ನು ಮುರಿದರೆ?! ಪರೀಕ್ಷೆಯಲ್ಲಿ  ಇಷ್ಟಪಡದ ಆಹಾರದ ಬಗ್ಗೆ ಟಿಪ್ಪಣಿ ಬರೆಯಲು ಹೇಳಿದ್ದು, ಮೂರನೇ ತರಗತಿಯ ವಿದ್ಯಾರ್ಥಿ ಬರೆದ ಟಿಪ್ಪಣಿ ಇಂಟರ್ನೆಟ್ ಜಗತ್ತಿನಲ್ಲಿ ಇದೀಗ ಹರಿದಾಡುತ್ತಿದೆ. ಪುಟ್ಟು ತನಗೆ ಇಷ್ಟವಿಲ್ಲ, ಸಂಬಂಧಗಳನ್ನು ಹಾಳು ಮಾಡುತ್ತದೆ ಎಂದು 3ನೇ ತರಗತಿ ವಿದ್ಯಾರ್ಥಿ ಬರೆದಿದ್ದಾನೆ.
               ಕೋಝಿಕ್ಕೋಡ್‍ನ ಮುಕ್ಕಂನ ಮೂರನೇ ತರಗತಿ ವಿದ್ಯಾರ್ಥಿ ಜೈಸ್ ಜೋಸೆಫ್ ಈ ಆಸಕ್ತಿದಾಯಕ ಪೋಸ್ಟ್ ಅನ್ನು ಬರೆದಿದ್ದಾರೆ. 'ನನಗೆ ಇಷ್ಟವಿಲ್ಲದ ಆಹಾರ ಪುಟ್ಟು. ಪುಟ್ಟನ್ನು ಅಕ್ಕಿಯಿಂದ ತಯಾರಿಸಲಾಗುತ್ತದೆ. ಪುಟ್ಟು ಮಾಡುವುದು ತುಂಬಾ ಸುಲಭವಾದ್ದರಿಂದ ಅಮ್ಮ ಇದನ್ನು ಪ್ರತಿದಿನ ಬೆಳಗ್ಗೆ ಮಾಡುತ್ತಾರೆ. ಐದು ನಿಮಿಷಗಳ ನಂತರ ಬೆಂದ ಪುಟ್ಟು ಬಂಡೆಯಂತೆ ಇರುತ್ತದೆ. ಮತ್ತು ನಾನು ಅದನ್ನು ತಿನ್ನಲು ಸಾಧ್ಯವಾಗುತ್ತಿಲ್ಲ. ಬೇರೆ ಅಡುಗೆ ತಯಾರಿಸಿ ಕೊಡು ಎಂದು ಹೇಳಿದರೆ ಅಮ್ಮ ಕೇಳುವುದಿಲ್ಲ. ಇದರಿಂದ ಆಹಾರ ಸೇವಿಸದೆ ಉಪವಾಸ ಬೀಳುತ್ತೇನೆ. ಅದಕ್ಕೆ ನನ್ನ ತಾಯಿ ನನ್ನನ್ನು ಬೈಯುತ್ತಾರೆ. ಹಾಗಾಗಿ ಅಳುತ್ತೇನೆ'. ಆದ್ದರಿಂದ, ಪುಟ್ಟು ಕುಟುಂಬ ಸಂಬಂಧಗಳನ್ನು ಮುರಿಯುತ್ತದೆ ಎಂದು ಜೈಸ್ ಬೊಟ್ಟುಮಾಡಿರುವನು.
            ಉತ್ತರ ಪತ್ರಿಕೆಯ ಮೌಲ್ಯಮಾಪನ ಮಾಡಿದ ಶಿಕ್ಷಕರೂ ಮಗುವನ್ನು ಶ್ಲಾಘಿಸಲು ಮರೆಯಲಿಲ್ಲ. ಶಿಕ್ಷಕರು 'ಅತ್ಯುತ್ತಮ' ಎಂದು ಅಂಕ ನೀಡಿರುವರು.  ಜೈಸ್ ಮಂಬಟಾ ನಿವಾಸಿ ಸೋಜಿ ಜೋಸೆಫ್ ಮತ್ತು ದಿಯಾ ಜೇಮ್ಸ್ ದಂಪತಿಯ ಪುತ್ರ. ಜೈಸ್ ಬೆಂಗಳೂರಿನ ಎಸ್.ಎಫ್.ಎಸ್ ಅಕಾಡೆಮಿ ಎಲೆಕ್ಟ್ರಾನಿಕ್ಸ್ ಸಿಟಿಯಲ್ಲಿ ಓದುತ್ತಿದ್ದಾರೆ. ನಟ ಉಣ್ಣಿ ಮುಕುಂದನ್ ಕೂಡ ನಿನ್ನೆ ಈ ಆಸಕ್ತಿದಾಯಕ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.
     ಪುಟ್ಟಿನ ಬಗ್ಗೆ ಜೇಸ್‍ನ ದೃಷ್ಟಿಕೋನವು ವೈರಲ್ ಆಗಿದೆ. ಹಲವರು ಈ ಉತ್ತರ ಪತ್ರಿಕೆಯನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಹಂಚಿಕೊಂಡಿದ್ದಾರೆ. ಅನೇಕರು ಕಾಮೆಂಟ್‍ಗಳನ್ನೂ ಬರೆದಿದ್ದಾರೆ. ಮೂರನೇ ತರಗತಿಯ ವಿದ್ಯಾರ್ಥಿಯಿಂದ ಇಂತಹ ಕಾಮೆಂಟ್ ನಿರೀಕ್ಷಿಸಿರಲಿಲ್ಲ ಎಂದು ಕಾಮೆಂಟ್ ಹೇಳುತ್ತದೆ ಮತ್ತು ಪುಟ್ಟು ಇಂದಿನವರೆಗೂ ಇಂತಹ ಟೀಕೆಗಳನ್ನು ಕೇಳಿರಲಿಲ್ಲ.