ರಾತ್ರಿ ಮಲಗಲು ಸಾಧ್ಯವಾಗಲಿಲ್ಲ; ವೈದ್ಯರುಗಳು ಕಣ್ಣಿನ ರೆಪ್ಪೆಯಂತೆ: ರಕ್ಷಣೆ ನೀಡಲಾಗುವುದು: ಸಚಿವ ಮುಹಮ್ಮದ್ ರಿಯಾಝ್

            ಕೋಝಿಕ್ಕೋಡ್: ಕೊಟ್ಟಾರಕ್ಕರದಲ್ಲಿ ಯುವ ವೈದ್ಯೆಯನ್ನು ಚಾಕುವಿನಿಂದ ಇರಿದು ಹತ್ಯೆ ಮಾಡಿದ ಬಳಿಕ ಆ ದಿನ (ಮೊನ್ನೆ)  ರಾತ್ರಿ ನಿದ್ದೆ ಮಾಡಲು ಸಾಧ್ಯವಾಗಿಲ್ಲ ಎಂದು ಸಚಿವ ಪಿ.ಎ. ಮುಹಮ್ಮದ್ ರಿಯಾಝ್ ತಿಳಿಸಿದ್ದಾರೆ. ರಿಯಾಜ್ ಮಾತನಾಡಿ, ವೈದ್ಯರ ರಕ್ಷಣೆ ಎಂದರೆ ಸರಕಾರದ ಕಣ್ಣ ಕೃಷ್ಣ ಮಣಿಯಂತೆ ಎಂದರು. 

         ಮೊನ್ನೆ ಕೊಟ್ಟಾರಕ್ಕರದಲ್ಲಿ  ನಡೆದ ಘಟನೆಯಿಂದ ನನಗೆ ನಿದ್ದೆ ಬರಲಿಲ್ಲ. ಆ ಘಟನೆಯನ್ನು ನೆನಪಿಸಿಕೊಳ್ಳುವುದು ತುಂಬಾ ಕಷವಾಗಿದ್ಟೆ. ನಮ್ಮ ಆರೋಗ್ಯವನ್ನು ಕಾಪಾಡಲು ವೈದ್ಯರು ಎಲ್ಲಾ ತೊಂದರೆಗಳನ್ನು ಎದುರಿಸುತ್ತಿದ್ದಾರೆ. ತಮ್ಮ ಪ್ರಾಣವನ್ನೇ ತೆತ್ತಾದರೂ ರಕ್ಷಿಸುವ ನಿಲುವು ತಾಳುವವರು. ಇದು ನಿಪ್ಪಾ ವೈರಸ್ ಸಮಯದಲ್ಲಿ ಮತ್ತು ಕೋವಿಡ್ ಸಮಯದಲ್ಲಿ ದೃಢಪಟ್ಟಿದೆ. ಇಂತಹ ವೈದ್ಯರಿಗೆ ರಕ್ಷಣೆ ನೀಡುವುದು ಸರಕಾರಕ್ಕೆ ಕಣ್ಣಿನ ರೆಪ್ಪೆ ರಕ್ಷಿಸಿದಷ್ಟು ಜವಾಬ್ದಾರಿಯುತ ಎಂದು ರಿಯಾಜ್ ಹೇಳಿದರು.

          ಮಾದಕ ವ್ಯಸನಿಗಳಾದರೆ, ಅವರಲ್ಲಿ ಬದಲಾವಣೆಗಳು ಸಂಭವಿಸುತ್ತವೆ, ಅವರು ತಮ್ಮ ತಾಯಿ, ತಂದೆ ಅಥವಾ ಸಂಗಾತಿಯನ್ನು ಗುರುತಿಸುವುದಿಲ್ಲ. ಇಂತಹ ಘಟನೆಗಳು ಮರುಕಳಿಸದಂತೆ ಎಲ್ಲರೂ ಒಗ್ಗಟ್ಟಾಗಿ ನಿಲ್ಲಬೇಕು. ಆದರೆ, ಕೆಲವು ಸುಳ್ಳು ಪ್ರಚಾರವೂ ನಡೆದಿದೆ. ದುರುದ್ದೇಶದ ಭಾಗವಾಗಿ ಎಂದಿಗೂ ಉದ್ದೇಶಿಸದ ವಿಷಯಗಳನ್ನು ಸಚಿವೆ ವೀಣಾ ಜಾರ್ಜ್ ಮಾತುಗಳನ್ನು ತಿರುಚಲಾಗಿದೆ. ತಕ್ಷಣವೇ ಸಚಿವೆ  ಈ ಬಗ್ಗೆ ವಿವರಿಸಿದ್ದರು.ಇಂತಹ ಸಮಸ್ಯೆಗಳಿಗೆ ಸಚಿವರು ಸ್ಪಂದಿಸುವಾಗ ಎಚ್ಚರಿಕೆ ವಹಿಸಬೇಕು ಎಂದು ರಿಯಾಜ್ ತಿಳಿಸಿದರು.