ನಷ್ಟದ ಅಂಚಿನಲ್ಲಿ ಖಾಸಗಿ ಬಸ್ ಮಾಲೀಕರು: ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಸಂಚಾರ ಸ್ಥಗಿತಗೊಳಿಸಿ ಮುಷ್ಕರಕ್ಕೆ ನಿರ್ಧಾರ

             ತೃಶೂರ್: ವಿದ್ಯಾರ್ಥಿಗಳ ಪ್ರಯಾಣ ದರ ಏರಿಕೆ ಸೇರಿದಂತೆ ವಿವಿಧ ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ಖಾಸಗಿ ಬಸ್ ಮಾಲೀಕರು ಮುಷ್ಕರ ನಡೆಸಲು ಚಿಂತನೆ ನಡೆಸಿದ್ದಾರೆ. 

             ಇದೇ ತಿಂಗಳ 24ರಂದು ತ್ರಿಶೂರ್‍ನಲ್ಲಿ ನಡೆಯುವ ಮುಷ್ಕರ ಘೋಷಣೆ ಸಮಾವೇಶದಲ್ಲಿ ಮುಷ್ಕರದ ಘೋಷಣೆ ಮಾಡಲಾಗುವುದು. ತ್ರಿಶೂರ್‍ನಲ್ಲಿ ನಡೆದ ಬಸ್ ಆಪರೇಟರ್ಸ್ ಫೆಡರೇಶನ್‍ನ ಕೇಂದ್ರ ಸಮಿತಿ ಸಭೆ ಈ ನಿರ್ಧಾರ ಕೈಗೊಂಡಿದೆ.

             ದೂರದ ಮಿತಿಯನ್ನು ಲೆಕ್ಕಿಸದೆ ಪ್ರಸ್ತುತ ಸಂಚರಿಸುವ ಖಾಸಗಿ ಬಸ್‍ಗಳ ಪರ್ಮಿಟ್‍ಗಳನ್ನು ಸಕಾಲದಲ್ಲಿ ನವೀಕರಿಸಬೇಕು, ಖಾಸಗಿ ಬಸ್‍ಗಳ ಸೇವೆಯನ್ನು ಸ್ವಾಧೀನಪಡಿಸಿಕೊಳ್ಳಲು ಹೊರಡಿಸಿದ ಅಧಿಸೂಚನೆಯನ್ನು ಹಿಂಪಡೆಯುವುದು, ವಿದ್ಯಾರ್ಥಿ ಪ್ರಯಾಣ ದರ ಹೆಚ್ಚಳ, ಅದೇ ರಿಯಾಯಿತಿ ಜಾರಿಗೊಳಿಸುವುದು ಬಸ್ ಮಾಲೀಕರ ಪ್ರಮುಖ ಬೇಡಿಕೆಗಳಾಗಿವೆ. ಈ ತಿಂಗಳ 24 ರಂದು ರಾಜ್ಯದ ಎಲ್ಲಾ ಬಸ್ ಮಾಲೀಕರನ್ನು ಒಗ್ಗೂಡಿಸಿ ತ್ರಿಶೂರಿನ ವಡಕ್ಕುಂನಾಥ ದೇವಸ್ಥಾನದ ಮೈದಾನದಲ್ಲಿ ಮುಷ್ಕರ ನಡೆಸುವುದಾಗಿ ಫೆಡರೇಶನ್ ಪದಾಧಿಕಾರಿಗಳು ಪತ್ರಿಕಾಗೋಷ್ಠಿಯಲ್ಲಿ ಘೋಷಿಸಿದರು.

         ಖಾಸಗಿ ಬಸ್ ಮಾಲೀಕರು ನಷ್ಟದ  ಅಂಚಿನಲ್ಲಿದ್ದು, ನ್ಯಾಯಸಮ್ಮತ ಕಾರಣಗಳಿಗಾಗಿ ಮುಷ್ಕರ ನಡೆಸಲಾಗುವುದೆಂದು ಅಧಿಕಾರಿಗಳು ತಿಳಿಸಿದ್ದಾರೆ. 24 ರಂದು ಮುಷ್ಕರ ಘೋಷಣೆ ಸಮಾವೇಶದಲ್ಲಿ ಮುಷ್ಕರದ ದಿನಾಂಕವನ್ನು ಘೋಷಿಸಲಾಗುವುದು ಮತ್ತು ಅಂದಿನಿಂದ ಬಸ್ಸುಗಳನ್ನು ಸ್ಥಗಿತಗೊಳಿಸಲಾಗುವುದು ಎಮದು ಅಧಿಕೃತರು ತಿಳಿಸಿದ್ದಾರೆ.