ತಾನೂರ್ ದೋಣಿ ಅಪಘಾತದಲ್ಲಿ ಸಾವನ್ನಪ್ಪಿದ ಪೋಲೀಸ್ ಅಧಿಕಾರಿ ರಹಸ್ಯ ಕಾರ್ಯಾಚರಣೆಯಲ್ಲಿದ್ದರಾ? ತನಿಖೆಯ ಭಾಗವಾಗಿ ಸಬರುದ್ದೀನ್ ಬೋಟ್ ಹತ್ತಿದ ಸುಳಿವು?

                 ಮಲಪ್ಪುರಂ: ತಾನೂರಿನ ದೋಣಿ ಅಪಘಾತದಲ್ಲಿ 22 ಮಂದಿ ಪ್ರಾಣ ಕಳೆದುಕೊಂಡ ಘಟನೆಯಲ್ಲಿ ಹಲವು ಕುತೂಹಲಗಳು ಇದೀಗ ಬಹಿರಂಗಗೊಳ್ಳುತ್ತಿದೆ. 

                ಅಪಘಾತದಲ್ಲಿ ಮೃತಪಟ್ಟ ಸಿವಿಲ್ ಪೆÇಲೀಸ್ ಅಧಿಕಾರಿ ಎಂ.ಪಿ.ಸಬರುದ್ದೀನ್ ಬೋಟ್ ಹತ್ತಿದ್ದು ಖುಷಿಗಾಗಿ ಅಲ್ಲ, ಡ್ರಗ್ಸ್ ಕಳ್ಳಸಾಗಣೆದಾರರ ತನಿಖೆಯ ಭಾಗವಾಗಿಯೇ ಬೋಟ್ ಹತ್ತಿದ್ದಾರೆ ಎನ್ನಲಾಗಿದೆ.

             ಸಬರುದ್ದೀನ್ ಜಿಲ್ಲಾ ಪೊಲೀಸ್ ಮುಖ್ಯಸ್ಥರ ಅಧೀನದಲ್ಲಿರುವ ದನ್ಸಾಫ್ ಎಂಬ ಜಿಲ್ಲಾ ಮಾದಕ ದ್ರವ್ಯ ವಿರೋಧಿ ಕಾರ್ಯಪಡೆಯ ಸದಸ್ಯರಾಗಿದ್ದರು. ಇವರನ್ನು ತಾನೂರ್ ಪೆÇಲೀಸ್ ಠಾಣೆಗೆ ನಿಯೋಜಿಸಲಾಗಿತ್ತು. ಸಾಮಾನ್ಯವಾಗಿ ಕಾನೂನು ಮತ್ತು ಸುವ್ಯವಸ್ಥೆ ಕರ್ತವ್ಯಗಳಿಂದ ವಿನಾಯಿತಿ ಪಡೆದ ಅವರು ತನಿಖೆಯ ಭಾಗವಾಗಿ ಅನೇಕ ಸ್ಥಳಗಳಲ್ಲಿ ರಹಸ್ಯವಾಗಿ ಮತ್ತು ವೇಷ ಮರೆಸಿ ಹೋಗುತ್ತಿದ್ದರು. ಅಂತಹ ಕಾರ್ಯಾಚರಣೆಯ ಭಾಗವಾಗಿ ಅವರು ದೋಣಿ ಹತ್ತಿದ್ದಾರೆ ಎಂದು ವರದಿಯಾಗಿದೆ.

             ಜಿಲ್ಲಾ ಪೊಲೀಸ್ ವರಿಷ್ಠ ಎಂ.ಸುಜಿತ್ ದಾಸ್ ಈ ಬಗ್ಗೆ ಏನನ್ನೂ ಖಚಿತಪಡಿಸಿಲ್ಲ ಅಥವಾ ನಿರಾಕರಿಸಿಲ್ಲ. ಸಬರುದ್ದೀನ್ ಮಾದಕ ದ್ರವ್ಯ ವಿರೋಧಿ ಸ್ಕ್ಯಾಡ್ ಸದಸ್ಯ ಎಂದು ಹೇಳಲಾಗಿದೆ. ತಾನೂರನ್ನು ನಡುಗಿಸಿದ ಕುಖ್ಯಾತ ದರೋಡೆಕೋರ ಷಹಜಹಾನ್ ನನ್ನು ಬಂಧಿಸಿ ತಮಿಳುನಾಡಿನ ಎರವಾಡಿಗೆ ಧಾರ್ಮಿಕ ಪಂಡಿತರ ವೇಷದಲ್ಲಿ ಕರೆತಂದು ಮೂರು ತಿಂಗಳು ತಂಗಿಸಿದವರಲ್ಲಿ ಸಬರುದ್ದೀನ್ ಕೂಡ ಒಬ್ಬ. ತಾನೂರಿನಿಂದ ಅಂತಾರಾಜ್ಯ ಸಂಪರ್ಕ ಹೊಂದಿದ್ದ ಬೈಕ್ ಕಳ್ಳತನದ ತಂಡವನ್ನು ಬಂಧಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಲ್ಲದೇ ಕೆಲವು ಪ್ರಕರಣಗಳನ್ನು ಸಾಬೀತುಪಡಿಸಿದ್ದಾರೆ.