ದಿ ಕೇರಳ ಸ್ಟೋರಿ: ಚಿತ್ರ ಪ್ರದರ್ಶನಗೊಂಡ ಶೆಣೈಸ್ ಮತ್ತು ಕೋಝಿಕ್ಕೋಡ್ ಕ್ರೌನ್ ಥಿಯೇಟರ್ ನಲ್ಲಿ ಪ್ರತಿಭಟನೆ: ಕೇರಳದ ಥಿಯೇಟರ್‍ಗಳಲ್ಲಿ ಪೊಲೀಸರ ಬಿಗಿ ಭದ್ರತೆ

           ತಿರುವನಂತಪುರಂ: ದಿ ಕೇರಳ ಸ್ಟೋರಿ ಚಿತ್ರ ಪ್ರದರ್ಶನಗೊಂಡ ಚಿತ್ರಮಂದಿರಗಳಲ್ಲಿ ಪ್ರತಿಭಟನೆ ವ್ಯಕ್ತವಾಗಿದೆ. ಕೇರಳ ಸ್ಟೋರಿ ಬಾಲಿವುಡ್ ಚಿತ್ರವಾಗಿದ್ದು, ಉದ್ದೇಶಪೂರ್ವಕವಾಗಿ ಇಸ್ಲಾಂಗೆ ಮತಾಂತರಗೊಳಿಸಲ್ಪಟ್ಟ ಯುವತಿಯರ ಕಥೆಯನ್ನು ಹೇಳುತ್ತದೆ.
           ಇಂದು ದೇಶಾದ್ಯಂತ ಪ್ರದರ್ಶನ ಆರಂಭಿಸಿರುವ ಚಿತ್ರದ ವಿರುದ್ಧ ಹಲವು ಚಿತ್ರಮಂದಿರಗಳಲ್ಲಿ ಪ್ರತಿಭಟನೆಗಳು ನಡೆಯುತ್ತಿವೆ.
            ಕೇರಳ ಸ್ಟೋರಿ ಪ್ರದರ್ಶನಗೊಂಡ ಶೆಣೈ ಥಿಯೇಟರ್‍ನಲ್ಲಿ ಪ್ರತಿಭಟನೆ ನಡೆಯಿತು. ರಾಷ್ಟ್ರೀಯವಾದಿ ಯುವ ಕಾಂಗ್ರೆಸ್ ಕಾರ್ಯಕರ್ತರು ಪ್ರತಿಭಟನೆ ನಡೆಸಿದರು. ಪೊಲೀಸರು ಪ್ರತಿಭಟನಾಕಾರರನ್ನು ತಡೆದರು. ಪೊಲೀಸರು ಪ್ರತಿಭಟನಾಕಾರರನ್ನು ಬಂಧಿಸಿ ಕರೆದೊಯ್ದರು. ನಂತರ ಶೆಣೈ ಥಿಯೆಟರ್ ನಲ್ಲಿ ಚಿತ್ರಪ್ರದರ್ಶನ ಮುಂದುವರಿಯಿತು. ಶೆಣೈಸ್ ಥಿಯೇಟರ್ ನಲ್ಲಿ ಪೆÇಲೀಸ್ ಭದ್ರತೆಯಲ್ಲಿ ಪ್ರದರ್ಶನ ಏರ್ಪಡಿಸಲಾಗಿದೆ. ಪ್ರಸ್ತುತ ಕೇರಳ ಸ್ಟೋರಿ ಪ್ರದರ್ಶನಗೊಳ್ಳುತ್ತಿರುವ ಕೋಝಿಕೋಡ್ ಕ್ರೌನ್ ಥಿಯೇಟರ್‍ಗೆ ಫ್ರಟರ್ನಿಟಿ ಮೂವ್‍ಮೆಂಟ್ ಮೆರವಣಿಗೆ ನಡೆಸುತ್ತಿದೆ. ಎನ್‍ಸಿಪಿಯ ಯುವ ಘಟಕದಿಂದ ಈ ಯಾತ್ರೆ ನಡೆಯುತ್ತಿದೆ.
          ಇದೇ ವೇಳೆ ಏರಿಸ್ ಪ್ಲೆಕ್ಸ್ ಥಿಯೇಟರ್ ನಲ್ಲಿ ಪೊಲೀಸ್ ಭದ್ರತೆ ಏರ್ಪಡಿಸಲಾಗಿದೆ. ಕೇರಳ ಸ್ಟೋರಿ ಪ್ರದರ್ಶನ ವಿರೋಧಿಸಿ ನಡೆಯುತ್ತಿರುವ ಪ್ರತಿಭಟನೆಯ ಹಿನ್ನೆಲೆಯಲ್ಲಿ ಭದ್ರತೆ ಕೈಗೊಳ್ಳಲಾಗಿದೆ. ಈ ಹಿಂದೆ, ಎರ್ನಾಕುಳಂ ಲುಲು ಪಿವಿಆರ್‍ನಲ್ಲಿ ಕೇರಳ ಸ್ಟೋರಿ ಚಿತ್ರದ ಬಿಡುಗಡೆಯನ್ನು ರದ್ದುಪಡಿಸಲಾಯಿತು. ಕೊನೆ ಗಳಿಗೆಯಲ್ಲಿ ಬಿಡುಗಡೆ ಇಲ್ಲ ಎಂದು ಘೋಷಿಸಿದ್ದರು.