ಕಾಸರಗೋಡು ನೂತನ ಜಿಲ್ಲಾಧಿಕಾರಿ ಕೆ. ಇಂಪಾಶೇಖರ್ ಅಧಿಕಾರ ಸ್ವೀಕಾರ

               ಕಾಸರಗೋಡು: ಕಾಸರಗೋಡಿನ 25ನೇ ಜಿಲ್ಲಾಧಿಕಾರಿಯಾಗಿ ಕೆ ಇಂಪಾಶೇಖರ್ ಅಧಿಕಾರ ಸ್ವೀಕರಿಸಿದರು. ಜಲ ಪ್ರಾಧಿಕಾರ ಎಂಡಿಯಾಗಿ ವರ್ಗಾವಣೆಗೊಂಡಿರುವ ಹಾಲಿ ಜಿಲ್ಲಾಧಿಕಾರಿ ಸ್ವಾಗತ್ ಆರ್ ಭಂಡಾರಿ ಅವರ ತೆರವಿನಲ್ಲಿ ಇಂಪಾಶೇಖರ್ ನೇಮಕವಾಗಿದೆ.

         ಇಂದು ಬೆಳಗ್ಗೆ ಹತ್ತು ಗಂಟೆಗೆ ಕಲೆಕ್ಟರೇಟ್ ನಲ್ಲಿ ನಡೆದ ಸಮಾರಂಭದಲ್ಲಿ ಇಂಪಾಶೇಖರ್ ಅವರ ಪತ್ನಿ ಡಾ.ನಂದಿನಿ ನಂದನ್, ಸಂಬಂಧಿಕರು, ಮಗಳು ಆದಿಯಾ ಮತ್ತು ಪೋಷಕರು ಉಪಸ್ಥಿತರಿದ್ದರು.

          ಎಡಿಎಂ ಕೆ.ನವೀನ್ ಬಾಬು, ಸಬ್ ಕಲೆಕ್ಟರ್ ಸುಫಿಯಾನ್ ಅಹ್ಮದ್, ಸಹಾಯಕ. ಜಿಲ್ಲಾಧಿಕಾರಿ ಮಿಥುನ್ ಪ್ರೇಮರಾಜ್, ಜಿಲ್ಲಾ ಕಾನೂನು ಅಧಿಕಾರಿ ಕೆ ಮುಹಮ್ಮದ್ ಕುಂಞÂ್ಞ, ಹಣಕಾಸು ಅಧಿಕಾರಿ ಎಂ ಶಿವಪ್ರಕಾಶನ ನಾಯರ್ ಮತ್ತಿತರರು ಉಪಸ್ಥಿತರಿದ್ದರು.

            2015ರಲ್ಲಿ ಕೋಝಿಕ್ಕೋಡ್‍ನ ಸಹಾಯಕ ಕಲೆಕ್ಟರ್ ಆಗಿ ತಮ್ಮ ಅಧಿಕೃತ ವೃತ್ತಿಜೀವನ ಆರಂಭಿಸಿದ ಇಂಪಾಶೇಖರ್ ಅವರು ಇದೇ ಮೊದಲ ಬಾರಿಗೆ ಜಿಲ್ಲೆಯ ಸಂಪೂರ್ಣ ಉಸ್ತುವಾರಿ ಜಿಲ್ಲಾಧಿಕಾರಿಯಾಗಿ ನೇಮಕಗೊಂಡಿದ್ದಾರೆ. ಅವರು ಕರೋನಾ ಸಮಯದಲ್ಲಿ ರಾಜ್ಯದಲ್ಲಿ ಸಮುದಾಯ ಹರಡುವಿಕೆಯನ್ನು ತಡೆಗಟ್ಟುವ ಚಟುವಟಿಕೆಗಳನ್ನು ನೇರವಾಗಿ ಮೇಲ್ವಿಚಾರಣೆ ಮಾಡಲು ಮತ್ತು ನಿರ್ವಹಿಸಲು  ಸರ್ಕಾರವು ರಚಿಸಿದ ವಾರ್ ರೂಮ್‍ನ ಸದಸ್ಯರಾಗಿದ್ದರು.