ಶಮನಗೊಳ್ಳದ ಜ್ವರದ ವ್ಯಾಪಕತೆ: ನಿನ್ನೆ 15493 ಮಂದಿಗೆ ಚಿಕಿತ್ಸೆ

                  ತಿರುವನಂತಪುರಂ: ರಾಜ್ಯದಲ್ಲಿ ನಿನ್ನೆಯೊಂದೇ ದಿನದಲ್ಲಿ ಚಿಕಿತ್ಸೆ ಪಡೆದ ಜ್ವರ ಪೀಡಿತರ ಸಂಖ್ಯೆ ಹದಿನೈದು ಸಾವಿರ ದಾಟಿದೆ. ನಿನ್ನೆ 15493 ಮಂದಿ ಜನರು ಸರ್ಕಾರಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದಿದ್ದಾರೆ.

                  ನಿನ್ನೆ 55 ಮಂದಿಗೆ ಡೆಂಗ್ಯೂ ಜ್ವರ ದೃಢಪಟ್ಟಿದೆ. ಮಲಪ್ಪುರಂ ಜಿಲ್ಲೆಯಲ್ಲಿ ಜ್ವರದ ಹರಡುವಿಕೆ ತೀವ್ರವಾಗಿದೆ.

            2013 ಮತ್ತು 2017ರಲ್ಲಿ ಡೆಂಗ್ಯೂ ಪ್ರಕರಣದಲ್ಲಿ ಸಂಭವಿಸಿದಂತಹ ಪರಿಸ್ಥಿತಿ ಕೇರಳದಲ್ಲಿ ಜುಲೈನಲ್ಲಿ ಸಂಭವಿಸಬಹುದು ಎಂದು ಆರೋಗ್ಯ ಇಲಾಖೆ ಈಗಾಗಲೇ ಮುನ್ನೆಚ್ಚರಿಕೆ ನೀಡಿದೆ. 2013ರಲ್ಲಿ 3734 ಮಂದಿಗೆ ್ಯ ಹಾಗೂ 2017ರಲ್ಲಿ 8350 ಮಂದಿಗೆ ಡೆಂಗ್ಯು ಸೋಂಕು ತಗುಲಿತ್ತು.  ಆದರೆ ಹಲವರಿಗೆ ಡೆಂಗ್ಯೂ ಲಕ್ಷಣಗಳಿದ್ದರೂ ಪರೀಕ್ಷೆ ಮಾಡಿರಲಿಲ್ಲ. 2023ರಲ್ಲಿ ಈವರೆಗೆ 2918 ಮಂದಿಗೆ ಡೆಂಗ್ಯೂ ಜ್ವರ ಕಾಣಿಸಿಕೊಂಡಿದೆ.

            ಜ್ವರ ಪೀಡಿತರ ಸಂಖ್ಯೆ ಗಗನಕ್ಕೇರಿದ್ದರೂ ಜ್ವರ ಚಿಕಿತ್ಸಾಲಯ ಆರಂಭಿಸುವಲ್ಲಿ ಅಧಿಕಾರಿಗಳು ವಿಫಲರಾಗಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಎಲ್ಲಾ ಆಸ್ಪತ್ರೆಗಳಲ್ಲಿ ಜ್ವರ ಚಿಕಿತ್ಸಾಲಯಗಳು ಕಾರ್ಯನಿರ್ವಹಿಸುತ್ತಿಲ್ಲ. ವೈದ್ಯರು ಮತ್ತು ಇತರ ಸಿಬ್ಬಂದಿಯ ವ್ಯವಸ್ಥೆಗಳು ಕೊನೆಯ ಕ್ಷಣದ ನಿರ್ದೇಶನದಿಂದಾಗಿ ಕ್ಲಿನಿಕ್‍ಗಳನ್ನು ತೆರೆಯಲು ಅಡ್ಡಿಯಾಗಿದೆ. ಬೆಳಗ್ಗೆ ಆರಂಭವಾಗುವ ಜ್ವರ ಚಿಕಿತ್ಸಾಲಯಗಳು ಮಧ್ಯಾಹ್ನದ ವೇಳೆಗೆ ಮುಚ್ಚುವ ಬದಲು ರಾತ್ರಿಯವರೆಗೆ ವಿಸ್ತರಿಸಬೇಕು ಎಂಬ ಬೇಡಿಕೆ ಇದ್ದರೂ ಕ್ರಮ ವಿಳಂಬವಾಗಿದೆ.