ಬಿಹಾರದ ಮನೆಯೊಂದರಲ್ಲಿ ಬಾಂಬ್ ಸ್ಫೋಟ: 17 ವರ್ಷದ ಯುವಕ ಸಾವು, ಇಬ್ಬರು ಗಂಭೀರ

               ಪಟ್ನಾ: ಬಿಹಾರದ ಬಾಗಲ್ಪುರ್ ಜಿಲ್ಲೆಯ ಮನೆಯೊಂದರಲ್ಲಿ ಭಾರಿ ಸ್ಫೋಟ ಸಂಭವಿಸಿ ಒಬ್ಬ ಯುವಕ ಮೃತ‍ಪಟ್ಟು, ಇಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಶನಿವಾರ ರಾತ್ರಿ ಸಂಭವಿಸಿದೆ.

                 ಬಾಬರ್‌ಗಂಜ್ ಪೊಲೀಸ್ ಠಾಣೆ ವ್ಯಾಪ್ತಿಯ ಖುರಾಶಿ ಎಂಬ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು ಮೃತನನ್ನು 17 ವರ್ಷದ ತೌಶಿಫ್ ಎಂದು ಗುರುತಿಸಲಾಗಿದೆ.

                ಘಟನೆಯಲ್ಲಿ ತೌಶಿಫ್ ತಾಯಿ ಸುಲ್ತಾನಾ ಹಾಗೂ ಆತನ ಚಿಕ್ಕಪ್ಪ ಅಬ್ದುಲ್ ಮನ್ನನ್ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ.

                  ಘಟನಾ ಸ್ಥಳಕ್ಕೆ ಬಾಗಲ್ಪುರ್ ಜಿಲ್ಲೆಯ ಡಿಎಸ್‌ಪಿ ಅಜಯ್ ಕುಮಾರ್ ಚೌಧರಿ ಶ್ವಾನ ದಳ ಹಾಗೂ ಬಾಂಬ್ ನಿಷ್ಕ್ರೀಯ ತಂಡದೊಂದಿಗೆ ತೆರಳಿ ಪರಿಶೀಲನೆ ನಡೆಸಿದರು.

                  'ಮನೆಯಲ್ಲಿ ಬಾಂಬ್ ಏಕೆ ತಂದಿಟ್ಟಿದ್ದರು? ಎಂಬುದನ್ನು ತನಿಖೆ ನಡೆಸಲಾಗುತ್ತಿದೆ. ಸ್ಪೋಟಗೊಂಡ ಮನೆಯಲ್ಲಿ ಇನ್ನೂ ಕೆಲವು ಬಾಂಬ್‌ಗಳು ಇರುವ ಶಂಕೆಯಿದೆ' ಎಂದು ಅಜಯ್ ಕುಮಾರ್ ಚೌಧರಿ ತಿಳಿಸಿದ್ದಾರೆ.