ಕೊಚ್ಚಿ: ಮಿಲ್ಮಾ ಹಾಗೂ ಕೇರಳ ಸರ್ಕಾರದ ತೀವ್ರ ವಿರೋಧದ ನಡುವೆಯೂ ಕೇರಳದ ಹಾಲಿನ ಮಾರುಕಟ್ಟೆಯಲ್ಲಿ ಸಕ್ರಿಯವಾಗಲು ಕರ್ನಾಟಕದ ನಂದಿನಿ ಮುಂದಾಗಿದೆ.
ಆರು ತಿಂಗಳೊಳಗೆ ರಾಜ್ಯಾದ್ಯಂತ 25 ಮಳಿಗೆಗಳನ್ನು ತೆರೆಯುವುದು ನಂದಿನಿಯ ಲಕ್ಷ್ಯ ಎನ್ನಲಾಗಿದೆ. ಎರಡು ವರ್ಷದೊಳಗೆ ಪ್ರತಿ ತಾಲ್ಲೂಕಿನಲ್ಲಿ ಮಳಿಗೆಗಳು ಆರಂಭವಾಗಲಿವೆ.
ಪ್ರಸ್ತುತ ಈ ಮಳಿಗೆಗಳು ಎರ್ನಾಕುಳಂ ಜಿಲ್ಲೆಯ ಕಾಕನಾಡ್ ಮತ್ತು ಎಲಮಕರ, ಪತ್ತನಂತಿಟ್ಟ ಜಿಲ್ಲೆಯ ಪಂದಳಂ, ಮಲಪ್ಪುರಂ ಜಿಲ್ಲೆಯ ಮಂಚೇರಿ ಮತ್ತು ತಿರೂರ್ ಮತ್ತು ಇಡುಕ್ಕಿ ಜಿಲ್ಲೆಯ ತೊಡುಪುಳದಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಶೀಘ್ರದಲ್ಲೇ ಕೋಝಿಕ್ಕೋಡ್, ತಲಶ್ಶೇರಿ ಮತ್ತು ಗುರುವಾಯೂರ್‍ನಲ್ಲಿಯೂ ಔಟ್‍ಲೆಟ್‍ಗಳನ್ನು ತೆರೆಯಲಾಗುವುದು. ಇದರ ಜೊತೆಗೆ ಇನ್ನೂ 16 ಔಟ್ ಲೆಟ್ ತೆರೆಯಲು ನಿರ್ಧರಿಸಲಾಗಿದೆ.
ಸಣ್ಣ ಅಂಗಡಿಗಳಿಗೆ ಏಜೆನ್ಸಿ ನೀಡುವುದಿಲ್ಲ ಮತ್ತು ಸರಿಯಾದ ತಾಪಮಾನದಲ್ಲಿ ಹಾಲನ್ನು ಸಂಗ್ರಹಿಸಿ ವಿತರಿಸಲು ವಾಹನ ಮತ್ತು ಕೋಲ್ಡ್ ಸ್ಟೋರೇಜ್ ಸೌಲಭ್ಯ ಇರುವವರಿಗೆ ಮಾತ್ರ ಏಜೆನ್ಸಿ ನೀಡುವುದು ಎಂದು ನಂದಿನಿ ತಿಳಿಸಿದೆ. 25 ಮಳಿಗೆಗಳ ಮೂಲಕ ನಿತ್ಯ 25 ಸಾವಿರ ಲೀಟರ್ ಹಾಲು ವಿತರಿಸುವ ಗುರಿ ಹೊಂದಲಾಗಿದೆ. ಎರಡು ವರ್ಷಗಳಲ್ಲಿ ಪ್ರತಿ ತಾಲ್ಲೂಕಿನಲ್ಲಿ ಒಂದು ಮಳಿಗೆಯನ್ನು ಖಾತ್ರಿಪಡಿಸಲಾಗುವುದು.
ಮತ್ತೊಂದೆಡೆ, ನಂದಿನಿ ಕೇರಳಕ್ಕೆ ಆಗಮಿಸುವ ಸಂದರ್ಭದಲ್ಲಿ, ಮಿಲ್ಮಾ ಹಾಲು ಖರೀದಿಸಲು ಕರ್ನಾಟಕಕ್ಕೆ ಹೋಗಲು ಯೋಚಿಸುತ್ತಿದೆ, ಎಲ್ಮಾ ರೈತನಿಗೆ ಸಂಗ್ರಹಣೆ ಬೆಲೆ 43 ರೂಪಾಯಿಗಳನ್ನು ನೀಡಿದರೆ, ಅಲ್ಲಿ ನಂದಿನಿ ಕೇವಲ 35 ರೂಪಾಯಿಗಳನ್ನು ಪಾವತಿಸುತ್ತಾರೆ. ಮಿಲ್ಮಾ ಪ್ರಾದೇಶಿಕ ಅಧ್ಯಕ್ಷ ಎಂ.ಟಿ.ಜಯನ್ ಮಾತನಾಡಿ, ಕೇರಳದ ಬೆಲೆಯನ್ನು ಕರ್ನಾಟಕದಲ್ಲಿ ನೀಡಿದರೆ ಹೆಚ್ಚಿನ ಹಾಲು ಸಂಗ್ರಹಿಸಬಹುದು ಎಂದಿರುವರು.
DOCTYPE html>
