ಕೊಲೆ ಪ್ರಕರಣದಲ್ಲಿ ಪರಾರಿಯಾಗಿದ್ದ ಆರೋಪಿ 27 ವರ್ಷಗಳ ಬಳಿಕ ಬಂಧನ: ಈಕೆಗಾಗಿ ಮೂರು ರಾಜ್ಯದಲ್ಲಿ ಹುಡುಕಾಡಿದ್ದ ಪೊಲೀಸ್

0 samarasasudhi ಜೂನ್ 26, 2023

ಆಲಪ್ಪುಳ: ಕೊಲೆ ಮಾಡಿ ತಲೆಮರೆಸಿಕೊಂಡಿದ್ದ ಆರೋಪಿಯನ್ನು 27 ವರ್ಷಗಳ ಬಳಿಕ ಬಂಧಿಸಿರುವ ಘಟನ ಆಲಪ್ಪುಳದಲ್ಲಿ ನಡೆದಿದೆ.

ಬಂಧಿತ ಮಹಿಳೆಯನ್ನು ರೆಜಿ ಎಂದು ಗುರುತಿಸಲಾಗಿದ್ದು, ಆಕೆ 1990ರ ಮರಿಯಮ್ಮ ಎಂಬ ಮಹಿಳೆಯ ಕೊಲೆ ಪ್ರಕರಣದಲ್ಲಿ ಪ್ರಮುಖ ಆರೋಪಿಯಾಗಿದ್ದಾಳೆ.

ಘಟನೆ ಹಿನ್ನೆಲೆ:
1990ರ ಫೆಬ್ರವರಿ 21ರಂದು ಅಲಪ್ಪುಳ ಜಿಲ್ಲೆಯ ಮಾವೇಲಿಕ್ಕಾರದಲ್ಲಿ ಮರಿಯಮ್ಮ (61) ಎಂಬ ಮಹಿಳೆಯನ್ನು ಕೊಲೆ ಮಾಡಲಾಗಿತ್ತು. ಆರೋಪಿ ರೇಜಿ ಅದೇ ಮನೆಯಲ್ಲಿ ಕೆಲಸ ಮಾಡುತ್ತಿದ್ದು ಮರಿಯಮ್ಮನ ಸೇವೆ ಮಾಡುತ್ತಿದ್ದರು. ಅಂದು ನಡೆದ ಕೃತ್ಯದಲ್ಲಿ ಮರಿಯಮ್ಮಗೆ ಚಾಕುವಿನಿಂದ 9 ಬಾರಿ ಇರಿದು ಚಿನ್ನದ ಸರ ಕದ್ದು ಕಿವಿ ಕತ್ತರಿಸಿ, ಕಿವಿಯೋಲೆ ಎಸೆದು ಹೋಗಿದ್ದರು.
ರೇಜಿ ಮನೆ ಮಗಳಂತಿದ್ದು, ಯಾರಿಗೂ ಅನುಮಾನಬಾರದಂತೆ ನಟಿಸಿದ್ದಳು. ಕೂಲಂಕಷ ತನಿಖೆಯ ನಂತರ, ಪೊಲೀಸರು ರೇಜಿಯನ್ನು ಅನುಮಾನದ ಆಧಾರದ ಮೇಲೆ ಬಂಧಿಸಿದ್ದರು. ಆದರೆ ಮೂರು ವರ್ಷಗಳ ನಂತರ, ಮಾವೆಲಿಕ್ಕರ್ ಹೆಚ್ಚುವರಿ ಜಿಲ್ಲಾ ಸೆಷನ್ಸ್ ನ್ಯಾಯಾಲಯವು ರಾಜಿಯನ್ನು ದೋಷಮುಕ್ತಗೊಳಿಸಿತ್ತು.
ನಂತರ, ಕೆಳ ನ್ಯಾಯಾಲಯದ ತೀರ್ಪಿನ ವಿರುದ್ಧ 1996ರ ಸೆಪ್ಟೆಂಬರ್ 11ರಂದು ಹೈಕೋರ್ಟ್‌ನಲ್ಲಿ ಮೇಲ್ಮನವಿ ಸಲ್ಲಿಸಲಾಯಿತು. ಪ್ರಕರಣದ ವಿಚಾರಣೆ ನಡೆಸಿದ ಹೈಕೋರ್ಟ್ ರಾಜಿ ದೋಷಿ ಎಂದು ತೀರ್ಪು ನೀಡಿ ಜೀವಾವಧಿ ಶಿಕ್ಷೆ ವಿಧಿಸಿತ್ತು. ತೀರ್ಪು ಪ್ರಕಟವಾದ ಕೆಲವೇ ಗಂಟೆಗಳಲ್ಲಿ ಭಯಭೀತರಾದ ರೇಜಿ ತಲೆಮರೆಸಿಕೊಂಡಿದ್ದಳು.
ಆಕೆಯ ಪತ್ತೆಗಾಗಿ ಕೇರಳ ಪೊಲೀಸರು ಹಲವು ರಾಜ್ಯಗಳಲ್ಲಿ ಹುಡುಕಾಟ ನಡೆಸಿದ್ದರು. ಆದರೆ ಎಲ್ಲಿಯೂ ಸಿಕ್ಕಿರಲಿಲ್ಲ. ನಂತರ ಅವಳು ತನ್ನ ಹೆಸರನ್ನು ಬದಲಾಯಿಸಿಕೊಂಡು ಕೊಟ್ಟಾಯಂ ಜಿಲ್ಲೆಯಲ್ಲಿ ಕೂಲಿ ಕೆಲಸವನ್ನು ಮಾಡುತ್ತ ತಮಿಳುನಾಡಿನ ಕಟ್ಟಡ ಕಾರ್ಮಿಕನನ್ನು ಮದುವೆಯಾಗಿ ಅವನೊಂದಿಗೆ ಎರ್ನಾಕುಲಂಗೆ ತೆರಳಿದ್ದಳು.
1999ರಲ್ಲಿ ಮದುವೆಯಾದ ಅವರು ಟಕ್ಕಳಕ್ಕೆ ಬಂದು ಕೆಲ ದಿನ ಕೋಟಮಂಗಲದ ಪಲ್ಲರಿಮಂಗಲ ಪಂಚಾಯ್ತಿಯ ಅಟ್ಟಿವಾಡಕ್ಕೆ ಬಂದು ಮಿನಿ ರಾಜು ಎಂಬ ಹೆಸರಿನಲ್ಲಿ ಕುಟುಂಬ ಸಮೇತ ವಾಸವಾಗಿದ್ದಳು. ಜತೆಗೆ ಐದು ವರ್ಷಗಳಿಂದ ಬಟ್ಟೆ ಅಂಗಡಿಯೊಂದರಲ್ಲಿ ಸೇಲ್ಸ್ ಗರ್ಲ್ ಆಗಿ ಕೆಲಸ ಮಾಡುತ್ತಿದ್ದಳು.

ಈ ವೇಳೆ ಜಿಲ್ಲಾ ಸೆಷನ್ಸ್ ನ್ಯಾಯಾಲಯದ ನ್ಯಾಯಾಧೀಶರು ವಾರಂಟ್ ಹೊರಡಿಸಿದಾಗ ಈ ಪ್ರಕರಣದ ತನಿಖೆ ಚುರುಕುಗೊಂಡಿದ್ದು, ಪೊಲೀಸರ ಬಳಿಯ ಹಳೆಯ ಪತ್ರಿಕೆಯ ಫೋಟೋದಲ್ಲಿ ಆಕೆಯ ಬರೆದ ವಿಳಾಸ ಮಾತ್ರ ಇತ್ತು. ರೇಜಿ ಮುಂಬೈ, ತಮಿಳುನಾಡು ಅಥವಾ ಗುಜರಾತ್‌ನಲ್ಲಿ ಅಥವಾ ಯಾವುದೋ ಅನಾಥಾಶ್ರಮದಲ್ಲಿದ್ದಾರೆ ಎಂಬ ಮಾಹಿತಿ ಪೊಲೀಸರಿಗೆ ಸ್ಥಳೀಯರಿಂದ ಲಭಿಸಿದ್ದು, ಆದರೆ ಯಾವುದೂ ಖಚಿತವಾಗಿರಲಿಲ್ಲ.
ಕೊನೆಗೆ ಆಕೆಯ ಗಂಡನ ವಿಳಾಸವನ್ನು ಬೆನ್ನಟ್ಟಿದ್ದ ಚೆಂಗನ್ನೂರು ಡಿವೈಎಸ್ಪಿ ನೇತೃತ್ವದ ಪೊಲೀಸ್ ತಂಡ ಈ ಪ್ರಕರಣದ ಅಪರಾಧಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದೆ.