ಸಚಿವ ಕೆ. ರಾಧಾಕೃಷ್ಣನ್ ಅವರ ನಿವಾಸವೂ ನವೀಕರಣ: ಲೋಕೋಪಯೋಗಿ ಇಲಾಖೆಯಿಂದ 49.8 ಲಕ್ಷ ರೂ.ಮಂಜೂರು

              ತಿರುವನಂತಪುರ: ಪರಿಶಿಷ್ಟ ಜಾತಿ ಮತ್ತು ಹಿಂದುಳಿದ ವರ್ಗಗಳ ಕಲ್ಯಾಣ ಮತ್ತು ದೇವಸ್ವಂ ಸಚಿವ ಕೆ.ರಾಧಾಕೃಷ್ಣನ್ ಅವರ ಅಧಿಕೃತ ನಿವಾಸದ ನವೀಕರಣಕ್ಕಾಗಿ ಲೋಕೋಪಯೋಗಿ ಇಲಾಖೆ 49.8 ಲಕ್ಷ ರೂ. ಮಂಜೂರುಗೊಳಿಸಿದೆ.

               ಕ್ಲಿಫ್ ಹೌಸ್ ಕಾಂಪೌಂಡ್‍ನಲ್ಲಿರುವ ಎಸ್ಸೆಂಡೈನ್ ಬಂಗಲೆಯನ್ನು ನವೀಕರಿಸಲಾಗುತ್ತಿದೆ. ಮೊತ್ತ ಇನ್ನಷ್ಟು ಹೆಚ್ಚಾಗಬಹುದು ಎಂದು ಲೋಕೋಪಯೋಗಿ ಅಧಿಕಾರಿಗಳು ಸುಳಿವು ನೀಡಿದ್ದಾರೆ.

            ನಿವಾಸದಲ್ಲಿ ಯಾವ ರಿಪೇರಿಗಳನ್ನು ಕೈಗೊಳ್ಳಬೇಕು ಎಂಬುದನ್ನು ಆದೇಶದಲ್ಲಿ ನಿರ್ದಿಷ್ಟಪಡಿಸಲಾಗಿಲ್ಲ. ಹಳೆ ಎಸ್ಸೆಂಡಿನ್ ಕಟ್ಟಡ ಸೋರಿಕೆ ಸೇರಿದಂತೆ ಸಮಸ್ಯೆಯಿಂದ ನವೀಕರಣಕ್ಕೆ ಏಪ್ರಿಲ್ ನಲ್ಲಿ ಹಣಕಾಸು ಇಲಾಖೆ ಮಂಜೂರಾತಿ ನೀಡಿತ್ತು.

             ಇತ್ತೀಚೆಗೆ, ಕ್ಲಿಫ್ ಹೌಸ್‍ನಲ್ಲಿ ಈಜುಕೊಳವನ್ನು ನವೀಕರಿಸಲು ಹಣವನ್ನು ಮರು-ಹಂಚಿಕೆ ಮಾಡಲಾಗಿತ್ತು. ಮೂರನೇ ಹಂತದಲ್ಲಿ ಹೆಚ್ಚುವರಿಯಾಗಿ 3.84 ಲಕ್ಷ ರೂ. ಮಂಜೂರಾಗಿದ್ದು, ಈಜುಕೊಳ ನವೀಕರಣಕ್ಕೆ ಒಟ್ಟು 38 ಲಕ್ಷ ರೂ.ವ್ಯಯವಾಗಿದೆ.