ಕರಿಪ್ಪೂರ್ ವಿಮಾನ ನಿಲ್ದಾಣದಲ್ಲಿ ಮತ್ತೊಂದು ಚಿನ್ನದ ಬೇಟೆ: 55 ಲಕ್ಷ ಮೌಲ್ಯದ ಚಿನ್ನ ವಶ; ಓರ್ವನ ಬಂಧನ

                 ಎರ್ನಾಕುಳಂ: ಕರಿಪ್ಪೂರ್  ವಿಮಾನ ನಿಲ್ದಾಣದಲ್ಲಿ ಮತ್ತೊಂದು ಅಕ್ರಮ ಚಿನ್ನ ಬೇಟೆ ನಡೆದಿದೆ. ಚಿನ್ನದ ಸರ ರಿಯಾದ್‍ನಿಂದ ಕರಿಪ್ಪೂರ್  ವಿಮಾನ ನಿಲ್ದಾಣದ ಮೂಲಕ ಅಕ್ರಮವಾಗಿ ಸಾಗಿಸಲು ಯತ್ನಿಸುತ್ತಿದ್ದ ಚಿನ್ನಾಭರಣ ಸಿಕ್ಕಿಬಿದ್ದಿದೆ. 55 ಲಕ್ಷ ಮೌಲ್ಯದ ಚಿನ್ನವನ್ನು ಪೋಲೀಸರು ವಶಪಡಿಸಿಕೊಂಡಿದ್ದಾರೆ.

            ಘಟನೆಯಲ್ಲಿ ಓರ್ವ ಪ್ರಯಾಣಿಕನನ್ನು ಪೋಲೀಸರು ಬಂಧಿಸಿದ್ದಾರೆ. ರಿಯಾದ್‍ನಿಂದ ಕರಿಪ್ಪೂರ್  ವಿಮಾನ ನಿಲ್ದಾಣಕ್ಕೆ ಬಂದಿದ್ದ ಕಣ್ಣೂರು ಇರಿಟ್ಟಿ ಮೂಲದ ಮೊಹಮ್ಮದ್ ಅಸ್ಲಾಂ (40) ರಿಂದ 927 ಗ್ರಾಂ ಚಿನ್ನಾಭರಣದೊಂದಿಗೆ ವಿಮಾನ ನಿಲ್ದಾಣದ ಹೊರಗೆ ಪೋಲೀಸರು ಬಂಧಿಸಿದರು. ಚಿನ್ನವನ್ನು ಮೂರು ಕ್ಯಾಪ್ಸುಲ್‍ಗಳಲ್ಲಿ ಪ್ಯಾಕ್ ಮಾಡಿ ದೇಹದೊಳಗೆ ಬಚ್ಚಿಟ್ಟು ಕಳ್ಳಸಾಗಣೆ ಮಾಡಲು ಯತ್ನಿಸಿದ್ದ.