ಸರ್ಕಾರದ ₹ 65 ಲಕ್ಷ ವಂಚಿಸಿದ ಪೋಸ್ಟ್‌ಮಾಸ್ಟರ್‌ ವಿರುದ್ಧ FIR ದಾಖಲಿಸಿದ ಸಿಬಿಐ

               ನವದೆಹಲಿ: ಸರ್ಕಾರದ ಹಣವನ್ನು ವಂಚಿಸಿದ ಆರೋಪದಡಿ ಮಧ್ಯಪ್ರದೇಶದ ಜಬಲ್‌ಪುರದ ಸಬ್‌ ಪೋಸ್ಟ್‌ಮಾಸ್ಟರ್‌ ವಿರುದ್ಧ ಸಿಬಿಐ ಎಫ್‌ಐಆರ್ ದಾಖಲಿಸಿದೆ.

              ಮೋತಿನಾಳ ಪೋಸ್ಟ್ ಆಫೀಸ್‌ನಲ್ಲಿ ಸಬ್‌ ಪೋಸ್ಟ್‌ಮಾಸ್ಟರ್‌ ಆಗಿ ನೇಮಕಗೊಂಡಿದ್ದ ಬಲ್ವಾನ್ ಶಾ ಭಾಲವಿ, ಸರ್ಕಾರ ₹ 65 ಲಕ್ಷ ದುರುಪಯೋಗಪಡಿಸಿಕೊಂಡಿದ್ದಾರೆ ಎಂಬ ಆರೋಪ ಕೇಳಿಬಂದಿತ್ತು.

ಈ ಸಂಬಂಧ ಜೂನ್ 26ರಂದು ಫೋರ್ಜರಿ ಪ್ರಕರಣ ಬಗ್ಗೆ ದೂರು ಸ್ವೀಕರಿಸಿದ್ದೇವೆ ಎಂದು ಸಿಬಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

                ಅಂಚೆ ಕಚೇರಿಯಲ್ಲಿ ಆರೋಪಿಯು ನಕಲಿ ಸಹಿಗಳನ್ನು ಬಳಸಿ, 181 ಉಳಿತಾಯ ಬ್ಯಾಂಕ್‌ ಖಾತೆದಾರರಿಂದ ಹಣ ದುರುಪಯೋಗ ಪಡಿಸಿಕೊಂಡಿದ್ದಾನೆ. 2020 ಮತ್ತು 2022ರ ನಡುವೆ ಈ ವಂಚನೆಯ ಚಟುವಟಿಕೆ ನಡೆದಿದೆ ಎಂದು ಅಧಿಕಾರಿ ಹೇಳಿದ್ದಾರೆ.

                  ದೂರಿನ ಆಧಾರದ ಮೇಲೆ ಆರೋಪಿ ವಿರುದ್ಧ ಭಾರತೀಯ ದಂಡ ಸಂಹಿತೆಯ ವಿವಿಧ ಸೆಕ್ಷನ್‌ನಡಿ ಪ್ರಕರಣ ದಾಖಲಿಸಲಾಗಿದೆ ಎಂದೂ ಮಾಹಿತಿ ನೀಡಿದ್ದಾರೆ.