ಕೆಲಸದ ಸ್ಥಳಗಳಲ್ಲಿ ಕ್ಷಯರೋಗದ ನಿರ್ಮೂಲನೆ; ಜಾಗೃತಿ ಮತ್ತು ತಪಾಸಣಾ ಶಿಬಿರ

 

            ಕಾಸರಗೋಡು: "ಟಿಬಿ ಮುಕ್ತ ಭಾರತ" ಕ್ಕಾಗಿ ಕೆಲಸದ ಸ್ಥಳಗಳಲ್ಲಿ ಜಾಗೃತಿ ಮತ್ತು ತಪಾಸಣೆ ಶಿಬಿರಗಳನ್ನು ನಡೆಸಲಾಗುವುದು. ಔದ್ಯೋಗಿಕ ಸಂಪರ್ಕದ ಮೂಲಕ ಕ್ಷಯರೋಗ ಹರಡುವುದನ್ನು ಸಂಪೂರ್ಣವಾಗಿ ತೊಡೆದುಹಾಕುವುದು ಶಿಬಿರದ ಮುಖ್ಯ ಗುರಿಯಾಗಿದೆ. 

             ಕಾಸರಗೋಡು ಜಿಲ್ಲೆಯಲ್ಲಿ ನೂರಾರು ಕಾರ್ಮಿಕರು ಕೆಲಸ ಮಾಡುವ ಹಲವು ಸಂಸ್ಥೆಗಳಿದ್ದು, ಯಾರಾದರೂ ಅನಾರೋಗ್ಯಕ್ಕೆ ಒಳಗಾದರೂ ಅದು ಇತರ ಕೆಲಸಗಾರರಿಗೆ ಮತ್ತು ಗ್ರಾಹಕರಿಗೆ ಹರಡದಂತೆ ಈ ಮೂಲಕ ಕ್ರಮ ಕೈಗೊಳ್ಳಲಾಗುವುದು.  ಜಿಲ್ಲಾ ಕ್ಷಯರೋಗ ಅಧಿಕಾರಿ ಡಾ.ಮುರಳೀಧರ ನಲ್ಲೂರಾಯ ಮಾತನಾಡಿ, ಜಿಲ್ಲೆಯ ಕ್ಷಯರೋಗ ಮುಕ್ತ ಕಾರ್ಯಸ್ಥಳಗಳನ್ನು ಮಾಡಲು 'ಸ್ವೀಟ್'ಎಂಬ ಯೋಜನೆಯನ್ನು ರೂಪಿಸಲಾಗುವುದು. ಇದರ ಭಾಗವಾಗಿ ಕೇಂದ್ರ ಕಾರ್ಮಿಕ ಸಚಿವಾಲಯ ಮಂಜೇಶ್ವರಂ ಬೀಡಿ ಕಾರ್ಮಿಕರ ಕ್ಷೇಮಾಭಿವೃದ್ಧಿ ನಿಧಿ ಡಿಸ್ಪೆನ್ಸರಿ ಮತ್ತು ಸಿಎಚ್‍ಸಿ ಮಂಜೇಶ್ವರದ ಸಹಯೋಗದಲ್ಲಿ ಮಂಜೇಶ್ವರಂ ದಿನೇಶ್ ಬೀಡಿ ಪ್ರಧಾನ ಕಛೇರಿಯಲ್ಲಿ ಕ್ಷಯರೋಗ ತಪಾಸಣಾ ಶಿಬಿರ ಮತ್ತು ಔಷಧೋಪಚಾರವನ್ನು ಆಯೋಜಿಸಲಾಗಿತ್ತು. ಕ್ಷಯರೋಗ ನಿಯಂತ್ರಣ ಘಟಕದ ವೈದ್ಯಾಧಿಕಾರಿ ಡಾ.ನಾರಾಯಣ ಪ್ರದೀಪ, ವೆಲ್ಫೇರ್ ಫೌಂಡೇಶನ್ ಡಿಸ್ಪೆನ್ಸರಿಯ ವೈದ್ಯಾಧಿಕಾರಿ ಡಾ.ಉನ್ನಿಕೃಷ್ಣನ್, ಸಾಮಾಜಿಕ ಆರೋಗ್ಯ ವೈದ್ಯಾಧಿಕಾರಿ ಡಾ.ಮಿಥುನ್ ಮಂಜೇಶ್ವರ, ಜಿಲ್ಲಾ ಕ್ಷಯರೋಗ ಕೇಂದ್ರ ಕಾಸರಗೋಡು ಹಿರಿಯ ಚಿಕಿತ್ಸಾ ಮೇಲ್ವಿಚಾರಕ ಎಸ್. ರತೀಶ್, ಚಿಕಿತ್ಸಾ ಪ್ರಯೋಗಾಲಯದ ಹಿರಿಯ ಮುಖ್ಯಸ್ಥ ಕೆ.ಎಸ್ ಕೆ ನಿತೀಶ್‍ಲಾಲ್, ವಿ. ಪಿ.ಪ್ರವೀಣ, ಜಿಲ್ಲಾ ಮೇಲ್ವಿಚಾರಕಿ ಪ್ರಕಾಶ್ ಜೀತ್, ಮಂಜೇಶ್ವರ ಸಾಮಾಜಿಕ ಆರೋಗ್ಯ ಕೇಂದ್ರದ ನೌಕರರಾದ ಕಿರಿಯ ಆರೋಗ್ಯ ನಿರೀಕ್ಷಕ ಮುಹಮ್ಮದ್‍ಕುಞÂ, ಕಿರಿಯ ಆರೋಗ್ಯ ನಿರೀಕ್ಷಕ ವಿಪಿನ್ ಮತ್ತು ಅಖಿಲ್ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದರು.