ಕುಸಿದು ಬಿತ್ತು ಬೃಹತ್ ಸೇತುವೆ; ನೋಡನೋಡುತ್ತಿದ್ದಂತೆ ನೀರುಪಾಲಾದ ಬ್ರಿಡ್ಜ್!

                ಬಿಹಾರ: ದೇಶದಲ್ಲಿ ಶುಕ್ರವಾರವಷ್ಟೇ ಸಂಭವಿಸಿದ್ದ ತ್ರಿವಳಿ ರೈಲು ಅಪಘಾತದ ಬೆನ್ನಿಗೇ ಮತ್ತೊಂದು ಭಾರಿ ಅವಘಡ ಉಂಟಾಗಿದೆ. ಬೃಹತ್ ಸೇತುವೆಯೊಂದು ನೋಡನೋಡುತ್ತಿದ್ದಂತೆ ಕುಸಿದಿದ್ದು ಇಸ್ಪೀಟ್​ನ ಎಲೆಯಂತೆ ಬಿದ್ದು ನೀರುಪಾಲಾಗಿದೆ. ಬಿಹಾರದ ಭಗಲ್ಪುರದಲ್ಲಿ ಈ ಅವಘಡ ಸಂಭವಿಸಿದೆ.

                ನಿರ್ಮಾಣ ಹಂತದಲ್ಲಿದ್ದ ಈ ಸೇತುವೆ ಅಗುವಾನಿ-ಸುಲ್ತಾನ್​ಗಂಜ್​ ಸಂಪರ್ಕ ಕೊಂಡಿಯಾಗಿತ್ತು. ಇಂದು ಸಂಜೆ 6 ಗಂಟೆ ಸುಮಾರಿಗೆ ಈ ಬೃಹತ್ ಸೇತುವೆ ಕುಸಿದಿದೆ. ಈ ದೃಶ್ಯ ಸ್ಥಳೀಯರ ಮೊಬೈಲ್​ಫೋನ್​ನಲ್ಲಿ ಸೆರೆಯಾಗಿದ್ದು, ವಿಡಿಯೋ ವೈರಲ್ ಆಗಲಾರಂಭಿಸಿದೆ. ಸದ್ಯದ ಮಾಹಿತಿ ಪ್ರಕಾರ ಯಾವುದೇ ಸಾವು-ನೋವು ಸಂಭವಿಸಿಲ್ಲ.

                  ಗಂಗಾ ನದಿ ಮೇಲೆ ನಿರ್ಮಿಸಲಾಗಿರುವ ಈ ಚತುಷ್ಪಥ ಸೇತುವೆಯನ್ನು 2014ರಲ್ಲಿ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಉದ್ಘಾಟಿಸಿದ್ದರು. ಇದೀಗ ಈ ಸೇತುವೆ ಒಂದೇ ವರ್ಷದಲ್ಲಿ ಎರಡನೇ ಸಲ ಕುಸಿದಂತಾಗಿದೆ. ಕಳೆದ ಡಿಸೆಂಬರ್​ನಲ್ಲಿ ಬೆಗುಸರಾಯ್​ ಜಿಲ್ಲೆಯ ಪ್ರದೇಶದಲ್ಲಿ ಈ ಸೇತುವೆ ಕುಸಿತ ಕಂಡಿತ್ತು. -ಏಜೆನ್ಸೀಸ್