ಕೊಚ್ಚಿ: ಮೋನ್ಸಾನ್ ಮಾವುಂಕಲ್ ವಂಚನೆ ಪ್ರಕರಣದ ಎರಡನೇ ಆರೋಪಿಯಾಗಿರುವ, ಕೆಪಿಸಿಸಿ ಅಧ್ಯಕ್ಷ ಕೆ.ಸುಧಾಕರನ್ ಕೆ.ಪಿ.ಸಿ.ಸಿ. ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆಗೆ ಸಿದ್ದ ಎಂದು ಹೇಳಿರುವರು.
ಅವರು ಕೊಚ್ಚಿಯಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡುತ್ತಿದ್ದರು. ಪ್ರಕರಣದ ಭಯವಿಲ್ಲ. ತನಿಖೆ ಎದುರಿಸಲು ತೀರ್ಮಾನಿಸಲಾಗಿದೆ ಎಂದು ಕೆ.ಸುಧಾಕರನ್ ಮಾಹಿತಿ ನೀಡಿದರು.
ಕ್ರೈಂ ಬ್ರಾಂಚ್ ತನಿಖೆ ನಡೆಸುತ್ತಿದ್ದ ಪ್ರಕರಣದಲ್ಲಿ ಅವರನ್ನು ಬಂಧಿಸಿದ್ದರೂ, ಸುಧಾಕರನ್ ಜಾಮೀನಿನ ಮೇಲೆ ಬಿಡುಗಡೆಗೊಂಡಿರುವರು. ತನಿಖೆಗೆ ಸಹಕರಿಸುತ್ತೇನೆ. ತಾನು ನಿರಪರಾಧಿ ಎಂಬುದು 100 ಶೇ. ಖಚಿತವಾಗಿದೆ. ನ್ಯಾಯಾಲಯದ ಮೇಲೂ ನಂಬಿಕೆ ಇದೆ. ಪಕ್ಷಕ್ಕೆ ಹಾನಿಯಾಗುವ ಯಾವುದೇ ಕ್ರಮಕ್ಕೆ ತಾನು ಬೆಂಬಲಿಸುವುದಿಲ್ಲ. ಪ್ರಕರಣದ ಹಿನ್ನೆಲೆಯಲ್ಲಿ ಕೆಪಿಸಿಸಿ ಅಧ್ಯಕ್ಷರ ಬಗ್ಗೆ ಚರ್ಚೆ ನಡೆಯುತ್ತಿದೆ. ಆ ಬಳಿಕ ನಿರ್ಧಾರ ಕೈಗೊಳ್ಳಲಾಗುವುದು ಎಂದಿರುವರು.
ಕೆ. ಸುಧಾಕರನ್ ಬಂಧನ ವಿರೋಧಿಸಿ ಕಾಂಗ್ರೆಸ್ ರಾಜ್ಯಾದ್ಯಂತ ಶುಕ್ರವಾರ ಕರಾಳ ದಿನ ಆಚರಿಸಿದೆ. ಸಂಜೆ 4 ಗಂಟೆಗೆ ತಿರುವನಂತಪುರಂ ಪಾಳಯಂ ರಕ್ತಸಾಕ್ಷಿ ಮಂಟಪದಿಂದ ಸೆಕ್ರೆಟರಿಯೇಟ್‍ವರೆಗೆ ಪ್ರತಿಭಟನಾ ಮೆರವಣಿಗೆ ನಡೆಸಿತು. ಕಾರ್ಯಕರ್ತರು ಸಂಯಮ ಪಾಲಿಸಬೇಕು ಎಂದು ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಟಿ.ಯು. ರಾಧಾಕೃಷ್ಣನ್ ಕೋರಿದ್ದಾರೆ. ಬಂಧನದ ನಂತರ ಶುಕ್ರವಾರ ರಾತ್ರಿ ಕಾಂಗ್ರೆಸ್ ಕಾರ್ಯಕರ್ತರು ರಾಜ್ಯದ ವಿವಿಧೆಡೆ ರಸ್ತೆ ತಡೆ ನಡೆಸಿ ಮುಖ್ಯಮಂತ್ರಿಗಳ ಪ್ರತಿಕೃತಿ ದಹಿಸಿದರು.
ಇದೇ ವೇಳೆ ಸುಧಾಕರನ್ ರಾಜಕೀಯ ಪ್ರಕರಣದಲ್ಲಿ ಭಾಗಿಯಾಗದೆ ಗಂಭೀರ ವಂಚನೆ ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ. ಸುಧಾಕರನ್ ವಿರುದ್ಧ ಕ್ರಮ ಕೈಗೊಂಡಿರುವುದು ರಾಜಕೀಯ ಕಾರಣಕ್ಕಾಗಿ ಅಲ್ಲ ಎಂದು ಸಿಪಿಎಂ ರಾಜ್ಯ ಕಾರ್ಯದರ್ಶಿ ಎಂ.ವಿ. ಗೋವಿಂದನ್ ಪ್ರತಿಕ್ರಿಯಿಸಿದರು. ಕೆ.ಸುಧಾಕರನ್ ಕೆಪಿಸಿಸಿ ಅಧ್ಯಕ್ಷರಾಗಿ ಮುಂದುವರಿಯಬೇಕೋ ಬೇಡವೋ ಎಂಬುದು ನಮಗೆ ಸಂಬಂಧಿಸಿದ ವಿಚಾರವಲ್ಲ. ವಂಚನೆಗೆ ಒಳಗಾದ ವ್ಯಕ್ತಿ ಈ ನಿಲುವು ಹೊಂದುವುದು ನೈತಿಕವಾಗಿ ಸರಿಯೇ ಎಂಬುದನ್ನು ಕಾಂಗ್ರೆಸ್ ನಿರ್ಧರಿಸಬೇಕು.
ಈ ಪ್ರಕರಣ ರಾಜಕೀಯ ಪ್ರೇರಿತ ಎಂಬ ಕಾಂಗ್ರೆಸ್ ವಾದವನ್ನು ಕೇರಳದ ಜನತೆ ಒಪ್ಪುವುದಿಲ್ಲ. ಪರಿಣಾಮಕಾರಿ ತನಿಖೆ ನಡೆಯುತ್ತಿದೆ. ಖಚಿತವಾದ ಪುರಾವೆಗಳಿವೆ ಎಂದು ತಿಳಿದುಬಂದಿದೆ. ಈ ಹಿಂದೆ ಉಮ್ಮನ್ ಚಾಂಡಿ ಹೇಳಿದಂತೆಯೇ ಪ್ರಕರಣ ಮತ್ತು ಅದಕ್ಕೆ ಸಂಬಂಧಿಸಿದ ಪ್ರಕ್ರಿಯೆಗಳು ನಡೆಯಲಿವೆ. ಪ್ರಕರಣವನ್ನು ನಿಭಾಯಿಸಲಾಗುವುದು ಎಂದು ಮಾತ್ರ ಹೇಳಬಹುದು. ಹಾಲಿ ವಿರೋಧ ಪಕ್ಷದ ನಾಯಕನ ಹೆಸರಲ್ಲಿ ಪ್ರಕರಣವಿದ್ದು, ಮಾಜಿ ಪ್ರತಿಪಕ್ಷ ನಾಯಕನ ಹೆಸರಲ್ಲೂ ಪ್ರಕರಣವಿದೆ. ಅದೆಲ್ಲವನ್ನು ಪರಿಶೀಲಿಸಿ ಅಗತ್ಯ ನಿಲುವು ತಳೆಯಲಾಗುವುದು ಎಂದು ಎಂವಿ ಗೋವಿಂದನ್ ಪ್ರತಿಕ್ರಿಯಿಸಿರುವರು.
DOCTYPE html>
-SAMHITHA%20M..jpg)
.jpg)
